Ka꞉dle molo atlale yu Yonta ilimale 3:28 - Kamula

²⁸ Epedeme wua꞉ na꞉ta atlemama na꞉ye po-Keliso duwa kokoye ma-daluwapo. Amasiyama na꞉ye isikimi ya꞉ api dinapolowe koko dla tane dle oplamipo.

Ka꞉dle molo atlale yu Yonta ilimale 3:28 Iomraidhean Croise

Ma꞉tiyu 3:3

Epedeme Yon opa yú dla ka꞉ka꞉timalalo oplami kokoye God tle yu hapame molo atlalo oplami Aisayata ipo atluwapo, “Oplami haletapo dalupa dulu dla yu ipo teta꞉mhalapo, ‘Lod apiye dinapiya. Epame ya꞉ apiye ka꞉depo dolepo himiya,’ demhalapo.”

Ka꞉dle molo atlale yu Lukta ilimale 1:76

Amasiyama na꞉ maseyemala, wa꞉ye opatapo di ikadepe dla hallalo God yu molo atlalo oplami dlepe. Adipalati, wa꞉tapo Lodta puluwedeme hallati wa꞉ tatle tame ya꞉ apiye dinapelepe.

Ka꞉dle molo atlale yu Yonta ilimale 1:20

Epalati Yontapo yia꞉ yu ipi dla asiyama yu atloweye po-aliyo. Epammama ya꞉tapo yia꞉ watle haliyamale dla atlemama epo atlaiyo, “Na꞉ye po-Keliso,” diyo.

Ka꞉dle molo atlale yu Yonta ilimale 1:23

Epalati asiyama Yontapo God tle yu hapame molo atlalo oplami Aisayata atlale yu mate yia꞉ watle epo atlaiyo, “Na꞉ye dalupa dulu dla sisilamhala oplamipo, Wua꞉ Lod apiye ka꞉depo dolepo himiya.”

Ka꞉dle molo atlale yu Yonta ilimale 1:25

“Wa꞉ta atlemama, ‘na꞉ye po-Keliso epo na꞉ye po-Ilaya epame na꞉ye podita omha꞉ha꞉uwa God tle yu hapame molo atlalo oplami,’ dlepo. Ame wa꞉ adipalati opaye yú dla ka꞉ka꞉timsela꞉ma꞉?” diyo.

Ka꞉dle molo atlale yu Yonta ilimale 1:27

Ya꞉ye na꞉ ko tle pua oplamipo. Amasiyama na꞉tapo ya꞉ hete alisisi dea totowatimoloweye po-ala꞉na.”