Ka꞉dle molo atlale yu Yonta ilimale 2:4 - Kamula

⁴ Epalati asiyama Yesuta ya꞉ watle epo atlaiyo, “Wai namkale, wa꞉ na꞉ta apa koko halepo depame na꞉ hala dla puo? Na꞉ alila ala po-umasema,” diyo.

Ka꞉dle molo atlale yu Yonta ilimale 2:4 Iomraidhean Croise

Ma꞉tiyu 15:28

Epalati Yesuta ya꞉ watle epo atlaiyo, “A꞉ya, wa꞉ta mikadepe dleye pta pato. Epedeme na꞉tapo wa꞉ta atlale kokoye ala꞉lowepo,” diyo. Epapele oloma medla a꞉ya e ya꞉ amseyemalata ma-ka꞉diyo.

Ma꞉tiyu 8:29

Epalati bataliya watalo sotapo puame Yesu watle yu teta꞉le mate epo atlaiyo, “God Yami, wa꞉ dia꞉ dla apa koko hala puo? Wa꞉ye Godta alila himili ala me-hallati duka medla dia꞉ye mo-batalimala puo?” diyo.

Ka꞉dle molo atlale yu Lukta ilimale 2:49

Amasiyama Yesuta yia꞉ watle epo atlaiyo, “Wua꞉ adipalati na꞉ totamsiyamo? Wua꞉ powua꞉malamata꞉, na꞉ta na꞉ A aya dla halloweye?” diyo.

Ka꞉dle molo atlale yu Yonta ilimale 12:23

Epapalati asiyama Yesuta yia꞉ watle epo atlaiyo, “Alilatapo mo-puapo, Opa Yamitapo ya꞉ta hela꞉dle haloweye.

Ka꞉dle molo atlale yu Yonta ilimale 13:1

Yu sota Namilatale daya dlowe alilata mo-mateka꞉pi hallati Yesu ya꞉ ma malamaiyo, ya꞉ta ta꞉lamo i saliyome ma ya꞉ A hala dla hetlowe alilata mo-mateka꞉pi dla puaye. Epapedeme ya꞉tapo ta꞉lamo hema halemama ya꞉ alotle tlalo soye sikemte bokotiyapo malamale mate halemama ya꞉ta polowe sukulu dla tame gudiyo.

Ka꞉dle molo atlale yu Yonta ilimale 2:3

Daya dele oloma edla wain yútapo mo-pokadlati natipame Yesu ya꞉ waita Yesu watle epo atlaiyo, “Wain yúye mo-pokadena,” diyo.

Ka꞉dle molo atlale yu Yonta ilimale 20:13

Epalati banakaka so opa dapiyamtetapo ya꞉ watle epo atlaiyo, “A꞉ya, wa꞉ adipalati amsela꞉ma꞉?” diyo. Epalati Melita epo atlaiyo, “Yia꞉tapo na꞉ Lod motoye ma haka꞉ma dla hamtana. Amasiyama na꞉ pona꞉malamana, yia꞉tapo ya꞉ moto hamtame himili moye,” diyo.

Ka꞉dle molo atlale yu Yonta ilimale 20:15

Epalati Yesutapo ya꞉ watle epo atlaiyo, “A꞉ya, wa꞉ anaye totamsela꞉mama amsela꞉ma꞉?” diyo. Epapalati Melita semte ya꞉ye osalo omhallalo oplami tepo depame ya꞉ watle epo atlaiyo, “Namkale, wa꞉ta oplami moto iye haka꞉ma dla tame himili hallepiye, wa꞉ na꞉ atlane. Na꞉ epalati tame moto eye halowama,” diyo.

Ka꞉dle molo atlale yu Yonta ilimale 7:30

Epapele oloma edla dokopala so yia꞉ solotamaiyo, Yesuye medla hamolowedeme. Amasiyama oplami haletapo ya꞉ dla koko hale pohaiyo. Adipalati, ya꞉ alilatapo ala popuana.

Ka꞉dle molo atlale yu Yonta ilimale 7:6

Epalati Yesuta asiyama yia꞉ watle epo atlaiyo, “Na꞉ta Yelusalem dla tlowe alilaye ala po-umasema. Amasiyama wua꞉ tlo tamalaiya.

Ka꞉dle molo atlale yu Yonta ilimale 7:8

Epapedeme wua꞉ tlo daya dele dla tamalaiya. Amasiyama na꞉ tlo potlowa. Adipalati, na꞉ alila ala po-umasema.”

Ka꞉dle molo atlale yu Yonta ilimale 8:20

Epedeme Yesutapo koko hapuloma iye aiyalma aya dulu dla mani kolumalalo mo mateka꞉pi dla halemama opaye imhalaiyo. Amasiyama oplami haletapo ya꞉ye pohamana. Adipalati, ya꞉ alila ikadepeye ala popuana.

2 Kolin 5:16

Epapedeme di wata oloma itle oplami haleye ta꞉lamo malamale tle ponatisema. Amasiyama di ka꞉yapa Yesu Keliso kokoye ta꞉lamo sota malamduwa epo malamduwapo. Epapele tlope di wata oloma hema ya꞉ kokoye epo pomalaha꞉ha꞉sema.