Ka꞉dle molo atlale yu Yonta ilimale 18:20 - Kamula

²⁰ Amasiyama Yesutapo asiyama ya꞉ watle epo atlaiyo, “Na꞉tapo koko hapuloma iye opa hapuloma mila꞉pi tle haliyamale dla ma-atlamsela꞉uwapo. Epame na꞉tapo alila hapuloma inoma sumalalo aya dla epo aiyalma aya dulu dla hetame opa imsela꞉mduwapo. Adipalati, mo edla opa hapulomata puame alumduwapo. Epapele dulu dla na꞉ koko opiye hemele po-atlemdena.

Ka꞉dle molo atlale yu Yonta ilimale 18:20 Iomraidhean Croise

Ma꞉tiyu 24:26

Epapedeme oplami haletapo wua꞉ watle atlemama ‘Kelisoye dalupa dulu dla halema,’ dlati natila tamiyo. Epame ma ya꞉tapo ‘Kelisoye aya dulu dla halema,’ dlati mikadepe demiyo.

Ma꞉tiyu 26:55

Epame Yesuta ya꞉ hamala puale so opa watle epo atlaiyo, “Wua꞉ na꞉ uhalalo oplamita hallati natipame na꞉ye hamolowedeme aipa꞉ya mate epo bulukupi mate halopo pumulo? Amasiyama wua꞉ na꞉ye alila hapuloma aiyalma aya dulu dla imsela꞉la natimduwapo. Ame wua꞉ adipalati na꞉ta edla hallati pohamalalo wekemduwa?

Ma꞉tiyu 26:65

Aiyalma aya dokopala oplamita yu i dalepame sikemte alimama ya꞉ tluka tallatallademama epo atlaiyo, “Oplami iye God hi mate putlopo atlema. Epedeme di ya꞉ koko gladlowe dla ma yu opi dlallowe posolotamasema. Adipalati, wua꞉ ma-dallepo ya꞉ta God hi mate putlopo atlaleye.

Ma꞉tiyu 4:23

Epedeme Yesu Ga꞉lili mo pato dulu dla mo yimlala hapuloma dulu dla sela꞉mama yia꞉ta inoma sumalalo aya hapuloma dla ka꞉dle yu Pepele dimo kokoye imsela꞉iyo. Epamsela꞉mama esusulumale so hapuloma mape ka꞉ka꞉demsela꞉iyo.

Ma꞉tiyu 9:35

Epedeme Yesuta mo hapuloma dulu dla sela꞉mama Yu sota inoma sumalalo aya hapuloma dla ka꞉dle yu Pepele dimo kokoye imsela꞉mdiyo. Epame esusulumale so hapuloma ma ka꞉ka꞉demsela꞉mdiyo.

Maka 8:32

Yesuta ya꞉ koko iye ya꞉ alotle tlalo so watle haliyamale dla botomastepo atlaiyo. Epalati Pitata koko i dalla alimama Yesu hamame alikili dla woyapo halemama ya꞉ watle “epo atlemiya,” diyo.

Ka꞉dle molo atlale yu Lukta ilimale 21:37

Yesu alila hapuloma Yu so aiyalma aya dla hetame opa watle God yu imhalepo gudepame ma utula꞉la me-ellowedeme Olipi tamali dla ta demhalemdiyo.

Ka꞉dle molo atlale yu Yonta ilimale 18:21

Epapedeme wa꞉ adipalati na꞉ watle atlanatili yu atlema꞉? Wa꞉ aseka na꞉ta imhalla dallalo so dla dalla natine. Yia꞉ tlo yia꞉malamana, na꞉ta atlamsela꞉mduwa kokoye.”

Ka꞉dle molo atlale yu Yonta ilimale 6:59

Yesutapo Kapaniyem inoma sumalalo aya dulu dla opa hapulomaye imhalemama koko hapuloma iye atlamhalaiyo.

Ka꞉dle molo atlale yu Yonta ilimale 7:14

Epame daya demha꞉ha꞉le mo-duka dla hallati Yesutapo aiyalma aya dla hetame God yu imolowe mo-kotiyamaiyo.

Ka꞉dle molo atlale yu Yonta ilimale 7:26

Amasiyama ya꞉tapo opa hapuloma inoma dali tle imhallati oplami haletapo yu hale po-atlasema. Epedeme di dokopala sota ya꞉ye ikadepe Keliso mle deyo.

Ka꞉dle molo atlale yu Yonta ilimale 7:28

Epalati Yesutapo aiyalma aya dla imhalemama yu teta꞉le mate epo atlaiyo, “Yao, ikadepe, wua꞉ na꞉ koko mate epo na꞉ta hallalo mo mate mo-wua꞉malamana. Amasiyama na꞉ monolo solotamale tle hema puame pohalasema. Hao, na꞉ tane duwa oplamiye ikadepepo, epele tlope wua꞉ ya꞉ye powua꞉malamana.

Ka꞉dle molo atlale yu Yonta ilimale 7:4

Adipalati, oplamitapo opa hapulomata ya꞉ koko malastlepo dlepiye, ya꞉ hemele pohaohaodemsela꞉lowa. Epedeme wa꞉ ulugiyemale kokoye woloma haliyamale dla halomsela꞉ne, opata wa꞉ koko natilipo depame,” diyo.

Ka꞉dle molo atlale yu Yonta ilimale 8:2

Epame utulala ikadepe ma aiyalma aya dla hetame hallati opa hapulomatapo ya꞉ hala dla pumulaiyo. Epalati ya꞉tapo edla polomama opaye impolaiyo.

Ka꞉dle molo atlale yu Yonta ilimale 8:26

Epedeme na꞉tapo wua꞉ dla batalimale so dlowe kokoye pta pasataleta elema. Amasiyama na꞉ isikimi na꞉ tane duwa oplamita atlamale koko tlo ma opa dla atlamsela꞉mde. Adipalati, ya꞉ye isikimi ikadepe koko tlo atlalo oplami.”

Taiya dle so 26:26

Epapedeme dokopala oplami Agilipaye koko hapuloma iye ya꞉malamana. Epedeme na꞉ta ya꞉ watle koko i atlowe ka꞉pi. Adipalati, koko hapuloma iye hemele po-apena. Hao. Opa hapuloma inoma dali dla apuwapo,” diyo.