Ka꞉dle molo atlale yu Yonta ilimale 16:32 - Kamula

³² Amasiyama wua꞉ daliya. Alilatapo mo-pulupe, epapeleye alila eye wata mo-puapo, wua꞉tapo na꞉ salepame meyelope meyelope depo tamhalloweye. Epapele tlope na꞉ye monolo posela꞉lowa. Adipalati, Atapo na꞉ mate hallepe.

Ka꞉dle molo atlale yu Yonta ilimale 16:32 Iomraidhean Croise

Ma꞉tiyu 26:31

Yesuta matle ya꞉ alotle tlalo so watle epo atlaiyo, “Wua꞉ta hapulomata wata utula꞉la na꞉ saliyome potlepe. Adipalati, God yu bukata epo atlapo, ‘Godtapo sipi omhallalo oplamiye yumulati sipi hapulomata ya꞉ tle potlepe.’”

Ma꞉tiyu 26:56

Epele tlope wata wua꞉ta na꞉ hamala puale kokotapo God tle yu hapame molo atlamalalo sota atlamale yu mate ma-ala꞉po.” Epalati oloma edla Yesu ya꞉ alotle tlalo so hapulomata ya꞉ saliyome mo-potaiyo.

Maka 14:27

Yesuta matle ya꞉ alotle tlalo so watle epo atlaiyo, “Wua꞉ta hapulomata na꞉ saliyome potlepe. Adipalati, God yu bukata epo atlapo, ‘Godtapo sipi omhallalo oplamiye yumulati sipi hapulomata ya꞉ tle potlepe,’ depo.”

Maka 14:50

Epalati ya꞉ alotle tlalo so hapulomata ya꞉ saliyome mo-potaiyo.

Ka꞉dle molo atlale yu Yonta ilimale 12:23

Epapalati asiyama Yesuta yia꞉ watle epo atlaiyo, “Alilatapo mo-puapo, Opa Yamitapo ya꞉ta hela꞉dle haloweye.

Ka꞉dle molo atlale yu Yonta ilimale 16:2

Adipalati, opatapo wua꞉ hiye inoma sumalalo aya dulu dla hutiyeye kotipame wua꞉ye ma alikili dla dodolomsallepe. Epame alilata me-pulupe, opatapo mikadepe dle so potimolowe kokoye semte God oko hamapo depo malamoloweye.

Ka꞉dle molo atlale yu Yonta ilimale 16:25

“Epapedeme na꞉tapo koko hapuloma iye atlamsela꞉mama wayu mate atlamsela꞉uwapo. Amasiyama alilata me-pulupe, na꞉tapo koko hapulomaye matle wayu mate wua꞉ watle po-atlamsela꞉lowa. Amasiyama na꞉tapo A kokoye haliyamale dla atlamsela꞉lowepo.

Ka꞉dle molo atlale yu Yonta ilimale 16:31

Epalati asiyama Yesutapo epo atlaiyo, “Wua꞉ watapo mikadepe dema꞉?

Ka꞉dle molo atlale yu Yonta ilimale 19:27

Epame ma ya꞉ alotle tlalo oplami watle epo atlaiyo, “Namkale, iye wa꞉ waipo,” diyo. Oloma etle Yesu ya꞉ alotle tlalo oplami etapo Meliye ya꞉ aya dla semtame halaiyo.

Ka꞉dle molo atlale yu Yonta ilimale 20:10

Epame yia꞉ta madipatata ma ilame aya dla tamalaiyo.

Ka꞉dle molo atlale yu Yonta ilimale 4:21

Epapalati Yesuta asiyama ya꞉ watle epo atlaiyo, “Na꞉ ikadepe koko wa꞉ watle atlema. Alilata mo-pulupe, opatapo A God dla sisiyelowedeme Yelusalem dla ma potlalo weke epo Samaliya dla ma potlalo weke demha꞉ha꞉loweye.

Ka꞉dle molo atlale yu Yonta ilimale 4:23

Epapedeme alilata pulupe, amasiyama alila eye mo-puapo, mikadepe ya꞉ dla sisiyelalo sotapo woloma Soko tle epame ikadepe koko tle A God dla sisiyeloweye. Adipalati, A Godta ipapele api tle ya꞉ dla sisiyelalo so tlo sikemte totamhalapo.

Ka꞉dle molo atlale yu Yonta ilimale 5:25

Epapedeme na꞉ ikadepe kokoye wua꞉ watle atlema. Alilatapo pulupe, amasiyama alila eye mo-puapo, soko palli sotapo God Yami yu dalloweye. Epapele dulu dla opa anawolotapo ya꞉ yu dalepame ya꞉ dla mikadepe dlepiye, yia꞉ye pasakalo hallowe halomelepe.

Ka꞉dle molo atlale yu Yonta ilimale 5:28

Epedeme na꞉ta atlamale yu hema dalepo ase sikemte yiyelemiya. Adipalati, alilatapo mo-pulupe, palli so yia꞉ wabasi dulu dla hutiyele sotapo Opa Yami yu dalepame yia꞉ wabasi dulu tle silliweye.

Ka꞉dle molo atlale yu Yonta ilimale 8:16

Epapele tlope na꞉ta opa koko gladli dlepiye, na꞉ woloma ikadepe koko tle ka꞉depo koko gladlepe. Adipalati, na꞉ye monolo pohalasema. Na꞉ A, na꞉ye tane duwatapo na꞉ mate halapo.

Ka꞉dle molo atlale yu Yonta ilimale 8:29

Epedeme na꞉ tane duwa oplamiye na꞉ mate halapo. Epapedeme ya꞉ na꞉ye pomeleme tasemde. Adipalati, na꞉ isikimi ya꞉ dla siyele hamilowe koko tlo halomsela꞉po.”

Taiya dle so 21:6

Di inoma sumpame koa dulu dla alupo ma-tamalemama namkale dle yu atlati yia꞉ ma mo dulu dla i-ilapo tamaluwa.

Taiya dle so 8:1

Sol edla halemama opa Stiben ewala mate kelemha꞉ha꞉ so watle siyele yu atlemhalaiyo. Epame alotle mikadepe dle so opa opita puame Stiben motoye ta꞉la dla hamatipame sikemte a꞉liyo. Stiben yumili alila oloma edla Yelusalem dla ha꞉ha꞉lalo mikadepe dle soye opata siyalasiyalademama wotiyalle hapilowe kotiyamaiyo. Epalati Solta aya hapuloma dla hehetamsela꞉mama mikadepe dle so opa mate wola꞉ mate hohopo tame amtuwale aya dla ka꞉ka꞉timdiyo. Epamhallati mikadepe dle so hapulomata Yelusalem tle potamalemama mo opi hapuloma dla Yudiya mo dulu dla epame Samaliya mo dulu dla potamalaiyo. Amasiyama Taiya dle so hapuloma tlo Yelusalem dla pomeliyo.