Ka꞉dle molo atlale yu Yonta ilimale 14:9 - Kamula

⁹ Amasiyama Yesutapo asiyama Pilipi watle epo atlaiyo, “Na꞉ alila pasatale dulu dla wua꞉ mate ma-haluwapo. Epapele dulu dla wa꞉ ala na꞉ kokoye pomalamalalo halapa? Epedeme oplami antapo na꞉ye ma-natiwa, ya꞉ye A ma ma-natiwapo. Epapedeme wa꞉ adipalati na꞉ watle atlemama, ‘Aye di watle nati-ine,’ dema꞉?

Ka꞉dle molo atlale yu Yonta ilimale 14:9 Iomraidhean Croise

Yeneses 26:9

Epalati ya꞉tapo Aisek sisilapame ya꞉ watle epo atlaiyo, “Lebekaye wa꞉ allu ikadepepo. Ame wa꞉ adipalati dia꞉ dla isikimi mala-atlemama Lebekaye notumala duwa?” Epapalati asiyama Aisekta ya꞉ watle epo atlaiyo, “Na꞉ta malamaletapo mo so opata na꞉ a꞉ya halowedeme na꞉ye yumulala depo apuwa,” diyo.

Maka 9:19

Epalati Yesuta yia꞉ watle epo atlaiyo, “Wua꞉ye mikadepe dle pa꞉le bobtalimale sopo. Wua꞉ta na꞉ dla mikadepe dlepo depame na꞉ alila adisowaye wua꞉ mate halepa꞉? Amasiyama maseyemala eye na꞉ watle hamampuaiya.”

Ka꞉dle molo atlale yu Lukta ilimale 12:56

Wua꞉ koko yeitamale sopo. Wua꞉ tiyota hellowe koko mate epo salita silaplowe koko mate mo-wua꞉malamana. Ame adipalati wua꞉ wata oloma hema wowoyamhala kokoye pomalanatilalo ha꞉ha꞉ma꞉?”

Ka꞉dle molo atlale yu Yonta ilimale 1:14

Epedeme Yutapo oplami moto yepame dia꞉ dulu dla haluwapo. Ya꞉ye bokotiyapo malamale mate epo ikadepe koko mateta pasatepo haluwapo. Epame ditapo ya꞉ta hela꞉dleye me-natiwapo. Hela꞉dle eye Atapo Yami hatlo dla hamilalo hela꞉dle epapelepo.

Ka꞉dle molo atlale yu Yonta ilimale 10:30

Epapele dulu dla na꞉ mate epo A mateye hatlopepo.”

Ka꞉dle molo atlale yu Yonta ilimale 12:45

Epame oplami antapo na꞉ye natilipiye, ya꞉ye na꞉ tane duwa oplami ma natimama apopo.

Ka꞉dle molo atlale yu Yonta ilimale 14:20

Epapele dulu dla na꞉tapo powale tle ma pasakalo dlepiye, eta wua꞉tapo na꞉ta A dulu dla hala kokoye malamelepe. Epame wua꞉tapo na꞉ dulu dla ha꞉ha꞉lati na꞉tapo wua꞉ dulu dla halapo.

Ka꞉dle molo atlale yu Yonta ilimale 14:7

Wua꞉ na꞉ kokoye malamelepiye, eta wua꞉ na꞉ A koko ma malamelepe. Amasiyama wata oloma itle wua꞉tapo ya꞉ye mo-malamapo. Epame wua꞉ ma ya꞉ye ma-natipo.”

Ka꞉dle molo atlale yu Yonta ilimale 8:19

Epalati asiyama Pa꞉lisi sota ya꞉ watle epo atlaiyo, “Wa꞉ a da꞉?” diyo. Amasiyama Yesutapo yia꞉ watle epo atlaiyo, “Wua꞉ ala na꞉ A koko mate epo na꞉ koko mate pomalamalalo ha꞉ha꞉pa? Wua꞉ na꞉ koko malamaleta ammatiye, eta na꞉ A koko mape wua꞉malamelemla,” diyo.

1 Kolin 15:12

Ditapo Godta Kelisoye wabasi dulu tle ma ta꞉dle kokoye atlamsiyamapo. Ame wua꞉ adipalati wua꞉ dulu dla opa opita atlemama, “wabasi dulu tle ma silliwe kokoye hawa,” demsiyama꞉?

Pilipi 2:6

Koko hapuloma dulu dla Kelisoye God depo haluwapo. Amasiyama ya꞉ta epo God depo haluwa kokoye pase sikemte malamana.

Kolosi 1:15

Epedeme Kelisoye opata ponatilalo wekemde God mila꞉pi himhalapo. Epame Godta alisisi hapuloma mimita꞉ple dulu dla ya꞉tapo itapu halemama omhallalo halapo.

Hibulu 1:3

Epedeme Yamitapo Godta hela꞉dle hamhalemama God mila꞉pi ikadepe himhalapo. Epame ya꞉tapo ya꞉ yu itiyamale tle koko hapulomaye halopo hallalo halapo. Epedeme ya꞉tapo opa yia꞉ bobtalimaleye howahalopo gudepame Pepele dimo dla hetame pato God dowala tiyama dla polapo.

1 Yon 5:20

Epame di ma dimalamana, God Yamitapo mo-puwapo. Epame ya꞉tapo di watle ka꞉depo malamaleye ma-hamiwapo, ditapo ikadepe God koko tlo malastlepo depame. Epedeme ditapo ikadepe God mate epo Yami Keliso mate hatlope depo ha꞉ha꞉po. Epedeme Yesuye ikadepe Godpo. Epapedeme ya꞉ dla halepo halepo hallowe pasakalo kokoye elapo.