Ka꞉dle molo atlale yu Yonta ilimale 14:13 - Kamula

¹³ Epapele dulu dla wua꞉ apa kokoye na꞉ hi tle dalla natilipiye, na꞉ koko eye halepe, Ata hela꞉dleye Maseyemala tle botomastlepo depame.

Ka꞉dle molo atlale yu Yonta ilimale 14:13 Iomraidhean Croise

Ma꞉tiyu 21:22

Epapedeme wua꞉ apa koko solotamama koko eye ikadepe hali depo mikadepe dle mate God dla otele himilipiye, wua꞉ koko eye halepe.”

Ma꞉tiyu 7:7

“Epapedeme na꞉ wua꞉ dla atlema, wua꞉ atlanatiya. Epapelepiye, wua꞉ dla hapilipe. Epame wua꞉ totamaiya. Epapelepiye, wua꞉ natilipe. Epame wua꞉ kokoloma dla heyulumaiya. Epapelepiye, kokolomaye wua꞉ dla gowaladlepe.

Maka 11:24

Epedeme na꞉ wua꞉ watle atlema, wua꞉ God watle apa koko otomama koko eye mikadepe ma-hana dlepiye, wua꞉ koko eye ma-halepe.

Ka꞉dle molo atlale yu Lukta ilimale 11:9

Epapedeme na꞉ wua꞉ dla atlema, wua꞉ atlanatiya. Epelepiye, wua꞉ dla hapilipe. Epame wua꞉ totamaiya. Epelepiye, wua꞉ natilipe. Epame wua꞉ kokoloma dla heyulumaiya. Epelepiye, kokolomaye wua꞉ dla gowaladlepe.

Ka꞉dle molo atlale yu Yonta ilimale 10:30

Epapele dulu dla na꞉ mate epo A mateye hatlopepo.”

Ka꞉dle molo atlale yu Yonta ilimale 12:44

Amasiyama Yesutapo yu teta꞉le mate epo atlaiyo, “Oplami antapo na꞉ dla mikadepe dlepiye, ya꞉ye na꞉ tane duwa oplami dla ma mikadepe demhalemama apopo.

Ka꞉dle molo atlale yu Yonta ilimale 13:31

Yudasta ma-alikili a꞉ma ulatale hallati Yesutapo epo atlaiyo, “Epedeme Opa Yamita hela꞉dleye wata mo-botomastapo. Epame Godta hela꞉dleye Yami tle mo-botomastapo.

Ka꞉dle molo atlale yu Yonta ilimale 14:14

Epapedeme wua꞉ apa kokoye na꞉ hi tle dalla natilipiye, na꞉ koko eye halowepo.”

Ka꞉dle molo atlale yu Yonta ilimale 14:6

Epalati Yesutapo epo atlaiyo, “Na꞉ye apipo. Epame na꞉ye ikadepe kokopo. Epame na꞉ye pasakalopo. Epedeme oplami haletapo isikimi api hale tle A hala dla potlowa. Amasiyama ya꞉ hatlo na꞉ tle A hala dla telepe.

Ka꞉dle molo atlale yu Yonta ilimale 15:16

Epapele dulu dla wua꞉tapo na꞉ye posana. Amasiyama na꞉tapo wua꞉ye sesalemuwapo, wua꞉tapo dlomoko sikemte milimha꞉ha꞉lepo depame. Dlomoko eye kokó halepo hallowe dlomokopo. Epapele dulu dla wua꞉ koko ipapele halomha꞉ha꞉lepiye, eta na꞉ Atapo wua꞉ta apa koko yilo na꞉ hi tle otele himha꞉ha꞉lati ya꞉tapo wua꞉ watle hamilipe.

Ka꞉dle molo atlale yu Yonta ilimale 15:7

Epapele dulu dla wua꞉ na꞉ dla puame gugoudepo ha꞉ha꞉mama na꞉ta imale koko dla dolumsiyamama salladepo siyamelepiye, eta wua꞉ apa koko yilo na꞉ dla otele himha꞉ha꞉lepiye, wua꞉ koko eye ma-halepe.

Ka꞉dle molo atlale yu Yonta ilimale 16:23

Alila oloma edla wua꞉tapo koko hale yilo na꞉ dla po-atla natilowa. Amasiyama na꞉ ikadepe koko wua꞉ watle atlema. Wua꞉ apa koko halowedeme na꞉ hi tle A hala dla dalla natilipiye, ya꞉tapo wua꞉ta dalla nati koko meye hamilipe.

Ka꞉dle molo atlale yu Yonta ilimale 16:26

Epedeme alila oloma edla na꞉ta wua꞉ koko dla A hala dla podalla natilowa. Adipalati, wua꞉tapo muwolo koko yilo na꞉ hi tle A hala dla dalla natimha꞉ha꞉lepe.

Ka꞉dle molo atlale yu Yonta ilimale 16:7

Amasiyama na꞉ ikadepe koko wua꞉ watle atlema. Na꞉ta wua꞉ saliyome haka꞉ma dla tlowe kokota wua꞉ye gadlepe. Adipalati, na꞉ta telepiye, asiyama Hela꞉dle Sokoye wua꞉ watle hamilowepo, ya꞉tapo wua꞉ ma gadlalo hallepo depame. Amasiyama na꞉tapo potlalo wekelepiye, Hela꞉dle Sokoye wua꞉ hala dla populuwa.

Ka꞉dle molo atlale yu Yonta ilimale 4:10

Epalati asiyama Yesuta ya꞉ watle epo atlaiyo, “Wa꞉ Godta isikimi hapimhala koko malastapame epo wa꞉ watle yú yilo otele oplami ya꞉ koko ma malastale hallepiye, wa꞉ ya꞉ watle pasakalo hapimhala yú dallepe. Epalati asiyama ya꞉tapo wa꞉ watle hamilipe,” diyo.

Ka꞉dle molo atlale yu Yonta ilimale 4:14

Amasiyama oplami antapo na꞉ta yú hami iye delepiye, ya꞉ ma alotle yú pota꞉lowa. Epedeme pasakalo hamilalo yú na꞉ta hami etapo ya꞉ tle matale pokostapame alowamhalemama halepo halepo pasakaloye hapimhallepe.”

Ka꞉dle molo atlale yu Yonta ilimale 5:19

Epedeme Yesutapo Yu so dokopala so watle epo atlaiyo, “Na꞉ ikadepe kokoye wua꞉ watle atlema. Maseyemalatapo meyelo solotamale tle koko hale pohalowa. Amasiyama Maseyemalatapo isikimi ya꞉ Ata koko halomde e natipame ya꞉ ma koko eye hamdepo.

Ka꞉dle molo atlale yu Yonta ilimale 7:37

Epapeleye Kimna꞉ya daya dele mosukulu alilaye pta koko pato. Epedeme alila oloma edla Yesuta sila꞉time halemama yu teta꞉le mate epo atlaiyo, “Oplami antapo yú ta꞉mhallepiye, ya꞉ puame na꞉ hala dla yú delepe.

1 Kolin 14:13

Epedeme ka꞉dena, ulugiyemale yu mate yukamalalo oplamitapo matle Godta ya꞉ watle ya꞉ta ulugiyemale yu mate yukamhala ya꞉ dulu koko woloma hatostepo atlowe malamaleye hamilipo depame inoma sumale himme hallepe.

Epeses 2:18

Epapedeme Kelisota koko halë tle Yu so dia꞉ mate epo po-Yu so wua꞉ mateta Hela꞉dle Soko hatlo itle A God hala dla puluweye ala꞉na.

Epeses 3:12

Epapedeme Kelisota koko halë tle epame dita ya꞉ dla mikadepe dle tle ditapo itiyamale mate wowota꞉le pa꞉po God hala dla puluwe ka꞉pi.

Epeses 3:14

Epapele koko tle na꞉tapo alumata ta꞉la dla akukulume polomama A God dla inoma suma.

Pilipi 4:13

Epapedeme na꞉ Kelisota itiyamale hamiwa tle koko hapuloma halomoloweye ma-ala꞉na.

Kolosi 3:17

Epedeme wua꞉ta atlamha꞉ha꞉mde koko hapuloma mate epo moto mate koko halomha꞉ha꞉mde hapuloma mateye Lod Yesu hi tle halomha꞉ha꞉iya. Epame Yesu hi tle siyele yu God dla atlamha꞉ha꞉iya.

Hibulu 13:15

Epedeme ka꞉dena, ditapo Yesu tle dita siyele kokoye God watle alila hapuloma namkale dle alisisi some hapimha꞉ha꞉lowa.

Hibulu 4:15

Epapele dulu dla dita elemala natili koko tle alikili dla potlowe po-ala꞉lalo ha꞉ha꞉la natipame di polowamama di gademhalloweye, hatlo Yesu tlo ala꞉na. Adipalati, elemala natili kokota dia꞉ dla pumdiye, epammama Yesutapo ta꞉lamo hema halemama elemala natili koko hapulomata ya꞉ dla ma me-pumduwapo. Amasiyama dulu edla ya꞉ batalimale koko hale pohana.

Hibulu 7:25

Epapedeme ya꞉ dla itiyamale elapo, ya꞉tapo opa eleme God hala dla ta so yia꞉ pasakalo gadloweye. Adipalati, ya꞉tapo kokó halemama ya꞉ opa yilo God hala dla otele himhalapo.

Yeims 1:5

Epedeme oplami antapo ka꞉depo hallowe malamaleye ya꞉ dla po-ala꞉lalo halema꞉, ya꞉ ka꞉dena, God dla inoma sumale yu mate otele himme hallepe. Adipalati, Godye ya꞉ opa gadlowe dla sikemte solotamale elademe ya꞉tapo ya꞉ye gadlepe.

Yeims 5:16

Epapedeme wuskamu wua꞉ dulu dla wua꞉ bobtalimale kokoye bobotimatipame inoma sumale mate asiyama ta꞉de asiyama ta꞉de demha꞉ha꞉iya, Godta wua꞉ dulu dla esusulumale so hutiyeye ka꞉ka꞉dlepo depame. Adipalati, God mila꞉pi tle ka꞉depo hallalo oplamita inoma sumaleye sikemte itiyamana.

1 Pita 2:5

Epedeme wua꞉ mape Godta sesalemale pasakalo halemhala alumiti epapele some ha꞉hapo. Epapedeme wua꞉ God hala dla pumulaiya, ya꞉tapo ya꞉ aiyalma ayaye wua꞉ tle halepo depame. Epame wua꞉ mape aya dulu edla ha꞉ha꞉mama God ka꞉ epo opa ka꞉ duka dla ha꞉ha꞉mama God oko hamha꞉ha꞉po. Epedeme wua꞉ta Keliso dulu dla ha꞉ha꞉mama God oko hamha꞉ha꞉ye, etapo God dla namkale dle alisisi hamili epapele some halapo. Epedeme koko edla Godta sikemte siyemhalapo.

1 Yon 3:22

Epele dulu dla di apa kokoye ya꞉ dla atlanatilipiye, di koko eye ya꞉ tle halepe. Adipalati, ditapo ya꞉ta molo atlale yu dolumha꞉ha꞉mama ya꞉ta solotamale koko halomha꞉ha꞉po.

1 Yon 5:14

Epedeme di ikadepe dema, dita inoma sumale dulu dla dita solotamale kokoye ya꞉ta solotamale mate ala꞉po atlepiye, ya꞉ di yu dallepe.