Ka꞉dle molo atlale yu Yonta ilimale 12:40 - Kamula

⁴⁰ “Lodtapo opa hapuloma inomaye mo-hihimamuwapo. Epame ya꞉tapo yia꞉ta malamale hapulomaye mo-hihimamuwapo, yia꞉tapo woloma ponatilalo wekelepo depame, epame woloma pomalamalalo wekelepo depame, epame ma Lod dla heheletipame gadle pohalalo wekelepo depame.”

Ka꞉dle molo atlale yu Yonta ilimale 12:40 Iomraidhean Croise

Ekesedes 10:1

Epame Godta ma Moses watle epo atlaiyo, “Na꞉tapo Pelo mate epo ya꞉ oko so mate yia꞉ dupaye kokalalipo meluwapo, na꞉ta itiyamale kokoye yia꞉ dla nati-imhalemama ulugiyemale koko halomhallowedeme. Epapedeme na꞉ta ikadepe God depo halemama ulugiyemale koko patoto Isip so dla halomhala iye ma wua꞉tapo wua꞉ yimlala dla epo wua꞉ mamadulo dla esemha꞉ha꞉lepe. Epapedeme wa꞉ Pelo hala dla ma ilamtane,” diyo.

Ekesedes 11:10

Epapele koko tle Moses mate epo A꞉lon matetapo ulugiyemale koko patotoye Pelo mila꞉pi tle halomha꞉ha꞉iyo. Amasiyama Godtapo Pelo dupa malamaleye ala me-kokalepo meledemhalemdiyo, Isalael sota Isip mo tle alikili dla wowoyamalala depame.

Ekesedes 14:17

Epame na꞉tapo Pelo mate epo ya꞉ opa mate yia꞉ dupa malamaleye kokalepo mellati yia꞉tapo wua꞉ alotle dodolomelepe. Amasiyama na꞉ta yia꞉ watle halowe kokotapo opa hapuloma dla na꞉ta itiyamale kokoye nati-iliwepo. Epalati Isip sotapo na꞉ye ikadepe God mleni dlepe.”

Ekesedes 14:4

Amasiyama na꞉tapo Pelota malamaleye mamisika꞉ kokalepo mellowepo, ya꞉tapo ya꞉ opa mate wua꞉ye ma hohomala telepo depame. Amasiyama na꞉ta yia꞉ watle halowe kokotapo opa hapuloma dla na꞉ta itiyamale kokoye nati-iliwepo. Epalati Isip sotapo na꞉ye ikadepe God mleni dlepe,” diyo. Epalati Isalael sotapo God yu i dalepo dolumaiyo.

Ekesedes 14:8

Epapeleye Godta Pelo dupa malamale kokalepo mellati ya꞉tapo ya꞉ opa mate Isalael soye dodolomtamallati Isalael sotapo sisiyele mate kaula mateka꞉pi dla ellalo Pihahilot mo dla mala tamalaiyo. Yia꞉ edla tulume kimtimha꞉ha꞉mama alo dla natilati Pelotapo ya꞉ opa mate epo ya꞉ aliya koa hapuloma mate alotle pumulla natiyo. Epalati yia꞉tapo sikemte wowota꞉mama gadle yilo God dla a꞉liyo.

Ekesedes 4:21

Epame Godtapo Moses watle epo atlaiyo, “Wa꞉ Isip mo dla tame dokopala oplami Pelo mila꞉pi tle na꞉ta wa꞉ watle ulugiyemale koko halomolowe nati-iwaye e halomane. Amasiyama epapele dulu dla na꞉tapo ya꞉ dupaye kokalepo mellowepo. Epalati ya꞉ta na꞉ opaye yipta alikili a꞉ma powoyamaiya dlowa.

Ekesedes 7:13

Epalati Pelotapo Godta atlamale yu mate ala꞉mama ya꞉ dupa sikemte kokalepame Moses mate epo A꞉lon mate yia꞉ yu dla podaliyo.

Ekesedes 7:3

Amasiyama na꞉tapo Pelo ya꞉ dupa malamaleye kokalepo mellowepo. Epame na꞉tapo ulugiyemale koko patotoye Isip mo dla halomolowepo.

Ekesedes 9:12

Amasiyama Godtapo Pelo ya꞉ dupa ma-a꞉ma kokalepo meliyo. Epalati Pelotapo Godta atlamale yu mate ala꞉mama Moses mate epo A꞉lon mate yia꞉ yu dla podaliyo.

Ma꞉tiyu 15:14

Epedeme Pa꞉lisi soye dlomoko dali epapele some ha꞉ha꞉po. Wua꞉ yia꞉ ase sikemte malamiya. Yia꞉ inoma pa꞉talo so epapele some ha꞉ha꞉mama opaye elemtapo. Epapedeme inoma pa꞉le oplamitapo ya꞉mkale inoma pa꞉le oplami haleye semtlepiye, yia꞉ta madipatata munamu dulu dla teteyulupe.”

Maka 4:12

Adipalati, God yu bukata ipapele so opa watle epo atlapo, ‘Opa ipapele sotapo woloma kulume natilipe, amasiyama yia꞉ pomalanatilowa. Epame yia꞉ woloma kulume dallepe, amasiyama yia꞉ woloma pomalamolowa. Epedeme yia꞉ natipame dalemama malamale meyelope dematiye, eta Godta yia꞉ batalimaleye hiyotimelemla.’”

Maka 6:52

Adipalati, yia꞉ye Yesuta 5,000 opa dla daya ilimale edla Yesuta itiyamaleye woloma pomalanatiyo. Ame adipalati, yia꞉ dupa sikemte kokalalimaiyo.

Ka꞉dle molo atlale yu Lukta ilimale 4:18

“Lod ya꞉ Hela꞉dle Sokoye na꞉ mate halapo. Adipalati, ya꞉tapo na꞉ye sauwapo, ka꞉dle yuye atali so dla hampulupo depame. Epame ya꞉tapo na꞉ye tane duwapo, amtuwale aya dulu dla deata popoliyepo ha꞉ha꞉ soye dea totowatimelepo depame. Epame inoma pa꞉talo sota matle ka꞉depo tlamelepo depame. Epame Lodtapo na꞉ye tane duwapo, opata allimha꞉ha꞉ soye upiyele etle elepame alikili dla woyamelepo depame.

Ka꞉dle molo atlale yu Lukta ilimale 8:10

Epalati Yesu asiyama yia꞉ watle epo atlaiyo, “Wua꞉tapo God ya꞉ mo kokoye malastlepe. Adipalati, ka꞉yapa Godta ya꞉ mo kokoye hemele hatiyomme eluwaye wata wua꞉ dla botomastapo. Amasiyama opa opi dla na꞉ wayu siyapo tlo atlemde. Adipalati, ‘yia꞉tapo natimama ya꞉ dulu koko woloma ponatilalo wekelepo depame. Epame yia꞉tapo dalepame woloma ya꞉ dulu kokoye pomalamalalo wekelepo depame.’

Ka꞉dle molo atlale yu Yonta ilimale 12:39

Epapedeme opatapo Yesu dla pomikadepe dena. Adipalati, Aisayatapo matle epo atluwapo,

Ka꞉dle molo atlale yu Yonta ilimale 9:39

Epapedeme Yesutapo epo atlaiyo, “Na꞉tapo ta꞉lamo hema puwatapo koko gladle hampuwapo. Eye inoma pa꞉talo sotapo ma towanatilipo depame, epame inoma ka꞉ka꞉dle sotapo ma inoma kokowelepo depame.”

Taiya dle so 15:3

Yia꞉ sostapo yia꞉ye taiya dlati tamalemama Ponesiya mo tle epo Samaliya mo tle tamalaiyo. Edla tamalemama sos hapuloma dla po-Yu sota yia꞉ biskapa god melepame ma Yesu dla mikadepe dle kokoye atlamtamalaiyo. Epalati mikadepe dle so hapulomata koko i dalepame sikemte sisiyeiyo.

Taiya dle so 28:26

‘Wa꞉ tame opa iwolo dla atlemama ipo atellepe, “Wua꞉ woloma kulume dallepe, amasiyama wua꞉ woloma pomalamolowa. Epame wua꞉ woloma kulume natilipe, amasiyama wua꞉ woloma pomalanatilowa.”

Taiya dle so 3:19

Epedeme wua꞉ malamale meyelope depame wua꞉ bobtalimale tle God dla heheletimaiya. Epalati Godta wua꞉ bobtalimaleye hiyotipo wellipe. Epame wua꞉ watle itiyamale amko hamilipe.

Loum 9:18

Epapele dulu dla di natipo, Godye ya꞉ta sesalemale so dla polowamale koko mate epo bokotiyapo malamale koko mate himhalemdepo. Amasiyama ma opa opi dla mikadepe dlowe dla dupa kokalalimolowe kokoye hapimhalapo.