Ka꞉dle molo atlale yu Yonta ilimale 12:19 - Kamula

¹⁹ Amasiyama Pa꞉lisi sotapo yiskamu yia꞉ dulu dla epo atlamyaiyo, “Wua꞉ natiya. Dia꞉ dla itiyamale mo-pa꞉po. Adipalati, opa hapulomatapo ma ya꞉ tlo mo-dolumtamalapo,” demyaiyo.

Ka꞉dle molo atlale yu Yonta ilimale 12:19 Iomraidhean Croise

Ma꞉tiyu 21:15

Amasiyama aiyalma aya dokopala so mate epo aiyalma imalalo so mate Yesuta koko ka꞉dle halomale natipame sikemte siyalasiyaladiyo. Epammama yia꞉tapo yimlalata aiyalma aya dulu dla ha꞉ha꞉mama “Yesu Deibidi Yami dla sisiyeiya” demyela dalepame sikemte alliyo.

Ka꞉dle molo atlale yu Yonta ilimale 12:18

Epalati opa hapulomatapo Yesuta ulugiyemale koko halë e dalepame ya꞉ natila tamalaiyo.

Ka꞉dle molo atlale yu Yonta ilimale 12:20

Epapedeme Guliki so opitapo Yelusalem dla Namilatale daya dele dla hetlalo so mate hetaiyo.

Ka꞉dle molo atlale yu Yonta ilimale 17:21

Epame A, na꞉ inoma sumale yuye ipo atlema. Na꞉tapo wa꞉ dulu dla hallati ma asiyama wa꞉tapo na꞉ dulu dla halaye, epammama yia꞉ mape epo yimkata yia꞉ dulu dla hatlope depo ha꞉ha꞉lepo depo amma. Epame ma ipo inoma suma, yia꞉ mape dia꞉ mate yimkata hatlope dlepo depame. Epapelepiye, eta ta꞉lamo sotapo na꞉ye ikadepe wa꞉ta tane dena depame na꞉ dla mikadepe dlepe.

Ka꞉dle molo atlale yu Yonta ilimale 3:26

Epame yia꞉ puame Yon watle epo atlaiyo, “Labai, wa꞉ta ka꞉yapa Yoden aloma seme dla di watle oplami hale koko atlemama ya꞉ye Kelisopo duwaye, oplami etapo wata ma opaye yú dla ka꞉ka꞉timhalema. Epalati opa hapulomatapo ma ya꞉ hala dla tamhalapo,” diyo.

Taiya dle so 17:6

Amasiyama yia꞉ta Polo wolo ponatilalo wekelati Yason mate mikadepe dle so opi mate hohopame mo dokopala so dla elemtaiyo. Epalati siyaladle ta꞉dlalo sota dokopala so watle yu teta꞉le mate Polo wolo koko dla epo atlamyaiyo, “Opa iwolotapo mo hapuloma dla opa watle yiyilamale koko imsiyamama ma di mo hema mo-puwapo.

1 Yon 2:2

Epedeme Kelisota di batalimale dla pomama Godta kasilamaleye mo-pustauwapo. Amasiyama hatlo di batalimale yilo po-apena, hao, ta꞉la so hapuloma yia꞉ bobtalimale yilo apuwapo.