Ka꞉dle molo atlale yu Yonta ilimale 11:43 - Kamula

⁴³ Yesutapo yu epo atlemhalepo gudepame yu teta꞉le mate epo atlaiyo, “Lasales, wa꞉ wabasi tle ma haliyamale dla ulamatine,” diyo.

Ka꞉dle molo atlale yu Yonta ilimale 11:43 Iomraidhean Croise

Maka 4:41

Amasiyama ya꞉ alotle tlalo sotapo sikemte wowota꞉mama yiskamu yia꞉ dulu dla atlanati atlanati demyemama epo atlamyaiyo, “Oplami iye anata꞉? Sokomoko mate epo ulo mateta ya꞉ yu dalepo keka꞉llipo,” demyaiyo.

Ka꞉dle molo atlale yu Yonta ilimale 11:42

Epame na꞉malamana, wa꞉ye alila hapuloma na꞉ta inoma sumaleye dalemdepo. Amasiyama opa hema ha꞉ha꞉ sotapo wa꞉ta na꞉ye tane duwa koko dla mikadepe dlepo depame na꞉ koko iye atlema.”

Ka꞉dle molo atlale yu Yonta ilimale 11:44

Epalati Lasalestapo haliyamale dla ulamatime halemama ya꞉ do mate epo ya꞉ hete mate epo ya꞉ mila꞉pi mate tlukata me-popoliyepo halaiyo. Epapalati Yesutapo opa watle epo atlaiyo, “Wabasi tluka ya꞉ dla popoliyepo halaye alikili a꞉ma totowatimaiya,” diyo.

Ka꞉dle molo atlale yu Yonta ilimale 12:1

Namilatale daya dloweye alila 6 a꞉ma me-ellati Yesu ya꞉ye Lasalesta hallalo mo Betani dla ilame taiyo. Lasales iye Yesuta powale tle ma pasakalo dle oplami ipo.

Ka꞉dle molo atlale yu Yonta ilimale 12:9

Epapele dulu dla Yu so hapulomatapo Yesuta Betani mo dla puame halale koko dalepame Yesu natila tamalemama Lasales ma me-natila tamalaiyo. Adipalati, Yesutapo ya꞉ye powale tle ma pasakalo duwapo.

Taiya dle so 3:12

Amasiyama Pitata opa hapuloma i natipame yia꞉ watle epo atlaiyo, “Isalael so, wua꞉ adipalati dia꞉ dla omha꞉ha꞉mama sikemte momalama꞉? Adipalati, oplami iye dita itiyamale mate epo dita ka꞉ka꞉depo ha꞉ha꞉le tle poka꞉depo sela꞉sema.

Taiya dle so 3:6

Amasiyama Pitata ya꞉ watle epo atlaiyo, “Na꞉ dla mani hawa. Amasiyama na꞉ isikimi na꞉ dla ela alisisi tlo wa꞉ watle hamilowepo. Epedeme na꞉ Yesu Keliso Nasalet oplami hi tle wa꞉ye atlema, sila꞉tipo tane,” diyo.

Taiya dle so 9:34

Epeleye Pitata ya꞉ natipame ya꞉ watle epo atlaiyo, “Aeniyas, Yesu Kelisota wa꞉ye ma-ka꞉depo, epedeme wa꞉ sila꞉time wa꞉ wa꞉ya popolomane,” diyo. Epalati oloma edla Aeniyasta ma-ka꞉depame sila꞉tiyo.

Taiya dle so 9:40

Epalati Pitatapo sepeyamatalo mate epo opa opi mate alikili dla taiya depame alumata kellepo polomama inoma sumpolaiyo. Ya꞉ inoma supo polomama Tabita watle epo atlaiyo, “Tabita, wa꞉ sila꞉tine,” diyo. Epalati Tabitata inoma towanatipame Pita natipo sila꞉time polaiyo.