Ka꞉dle molo atlale yu Yonta ilimale 11:28 - Kamula

²⁸ Matatapo yu i atlemhalapo gudepame ma ilame tame ya꞉la Meli watle hemele epo atlaiyo, “Imalalo oplamiye mo-puame halema. Epedeme ya꞉ wa꞉ natilowe solotamuwo,” diyo.

Ka꞉dle molo atlale yu Yonta ilimale 11:28 Iomraidhean Croise

Ma꞉tiyu 26:18

Epalati Yesuta asiyama epo atlaiyo, “Wua꞉ Yelusalem dla tame oplami hale natipo ipo atellepe, ‘Imalalo oplamita epo atla, Ya꞉ta sale alilata mo-puwo. Epedeme ya꞉ta ya꞉ alotle tlalo so eleme wa꞉ aya dla Namilatale daya dele dloweyo,’ dlepe.”

Maka 10:49

Epalati Yesuta hedepo halemama epo atlaiyo, “Oplami e hema pua diya,” diyo. Epame opata inoma pa꞉le oplami watle epo atlaiyo, “Ase sikemte malamiya. Wa꞉ sila꞉timtane. Yesu wa꞉ sisilamapo,” diyo.

Maka 14:14

Wua꞉ ya꞉ta tame aya dulu dla hetlati ha꞉ha꞉mama aya yo ikadepe watle ipo atellepe, ‘Imalalo oplamita ya꞉ alotle tlalo so mate Godta Namilatale daya dlowe mo da꞉?’ dlepe.

Ka꞉dle molo atlale yu Yonta ilimale 1:41

Epapedeme Enduluta Yesu natipame ya꞉ bapa Saimon totamaiyo. Ya꞉ totamtame ya꞉ natipame ya꞉ watle epo atlaiyo, “Di Mesaya ma-nati,” diyo. Mesaya deye Keliso demama apopo.

Ka꞉dle molo atlale yu Yonta ilimale 1:45

Epapeleye Pilipita tame Nataniyol natipame ya꞉ watle epo atlaiyo, “Di Moses mate epo God tle yu hapame molo atlamalalo so mateta yia꞉ buka dla yu ilimama oplami hale alotle pulupe demduwa oplami eye ma-nati. Ya꞉ye Yosep yami, Nasalet mo dla hallalo oplami Yesupo,” diyo.

Ka꞉dle molo atlale yu Yonta ilimale 10:3

Epedeme kokoloma omhallalo oplamitapo ya꞉ta tulupo depame kokolomaye gowala demdepo. Epame sipi aliyaye yia꞉ omhallalo yu dalloweye yia꞉malamana. Adipalati, ya꞉tapo yia꞉ hiye sesalepame yia꞉ye eleme sela꞉mdepo.

Ka꞉dle molo atlale yu Yonta ilimale 11:20

Epapeleye Matatapo Yesuta puale koko dalepame api duka dla ya꞉ye umuluwedeme taiyo. Amasiyama Meli tlo aya dla me-polaiyo.

Ka꞉dle molo atlale yu Yonta ilimale 11:29

Melitapo yu i dalepame sila꞉time hapele taiyo, Yesu natilowedeme.

Ka꞉dle molo atlale yu Yonta ilimale 11:30

Yesu mo dulu dla pomatilalo, ala Matata tame ya꞉ umale mo medla me-halaiyo.

Ka꞉dle molo atlale yu Yonta ilimale 13:13

Epedeme wua꞉ta na꞉ watle atlemama, ‘imalalo oplami,’ epo ‘Lod,’ demdepo. Wua꞉ta na꞉ dla epo atlamde kokoye ikadepepo. Eye na꞉po.

Ka꞉dle molo atlale yu Yonta ilimale 20:16

Epalati Yesutapo ya꞉ watle, “Meli,” diyo. Epalati Melita helestame ya꞉ watle Hibulu yu mate epo atlaiyo, “Laboni.” Yu i ya꞉ dulu kokoye imalalo oplami demama apopo.

Ka꞉dle molo atlale yu Yonta ilimale 21:7

Epalati Yesu ya꞉ alotle tlalo oplami hale Yesuta sikemte bokotiyapo malamalalota Pita watle epo atlaiyo, “Eye Lodpiye,” diyo. Pitata epela dalepame ya꞉ tluka uptipo sela꞉leye matle didiyepo Yesu hala dla hutumtlowedeme yú dulu dla posta tuluiyo.

1 Tesalonika 5:11

Epedeme wua꞉ wua꞉ amkaduloye mikadepe dle dulu dla kokalepo ha꞉ha꞉lepo depame asiyama gade asiyama gade demha꞉ha꞉mama itiyamale hapimha꞉ha꞉iya. Amasiyama na꞉malamana, wua꞉ye mepamha꞉ha꞉po.

Hibulu 12:12

Epapedeme wua꞉ do mate epo wua꞉ hete mateta hopeyalimaleye itiyamale hapiya.