Ka꞉dle molo atlale yu Yonta ilimale 1:23 - Kamula

²³ Epalati asiyama Yontapo God tle yu hapame molo atlalo oplami Aisayata atlale yu mate yia꞉ watle epo atlaiyo, “Na꞉ye dalupa dulu dla sisilamhala oplamipo, Wua꞉ Lod apiye ka꞉depo dolepo himiya.”

Ka꞉dle molo atlale yu Yonta ilimale 1:23 Iomraidhean Croise

Ma꞉tiyu 3:3

Epedeme Yon opa yú dla ka꞉ka꞉timalalo oplami kokoye God tle yu hapame molo atlalo oplami Aisayata ipo atluwapo, “Oplami haletapo dalupa dulu dla yu ipo teta꞉mhalapo, ‘Lod apiye dinapiya. Epame ya꞉ apiye ka꞉depo dolepo himiya,’ demhalapo.”

Maka 1:3

Ya꞉ye dalupa dulu dla ipo sisilamhalapo, ‘Lod apiye dinapiya. Epame ya꞉ apiye ka꞉depo dolepo himiya.’”

Ka꞉dle molo atlale yu Yonta ilimale 1:22

Epalati ma yia꞉ta epo atlaiyo, “Ame wa꞉ anata꞉? Di solotama, dia꞉ dokopala so dla asiyama yu tame atlowama. Epapedeme wa꞉skamu wa꞉ye ana demdi?” diyo.

Ka꞉dle molo atlale yu Yonta ilimale 1:24

Epalati Yu so dokopala sota taiya dle so Pa꞉lisi sotapo asiyama Yon watle epo atlaiyo,

Ka꞉dle molo atlale yu Yonta ilimale 3:28

Epedeme wua꞉ na꞉ta atlemama na꞉ye po-Keliso duwa kokoye ma-daluwapo. Amasiyama na꞉ye isikimi ya꞉ api dinapolowe koko dla tane dle oplamipo.