Hibulu 7:1 - Kamula

¹ Oplami Melkisedek iye Salem mo pato dokopala oplami haluwapo. Epame ya꞉tapo di ikadepe dla hallalo God ka꞉ epo opa ka꞉ duka dla hallalo haluwapo. Epedeme A꞉iblahamtapo opahale dla tame dokopala so opa poyupo pumhallati Melkisedektapo ya꞉ye api duka dla umpame Godta siyele kokoye ma ya꞉ dla hamiwapo.

Hibulu 7:1 Iomraidhean Croise

Maka 5:7

Epalati Yesuta ya꞉ watle epo atlaiyo, “Bataliya, wa꞉ ya꞉ tle alikili dla ulatane,” diyo. Amasiyama Yesu ala epo atlemhallati bataliya walle oplamita asiyama yu teta꞉le mate epo atlaiyo, “Yesu, sikemte di dla hallalo God Yami, wa꞉ apa koko na꞉ dla hala puo? Na꞉ God hi mate wa꞉ dla atlema, na꞉ dla wotiyalle hamimiya,” diyo.

Taiya dle so 16:17

Epapeleye a꞉ya itapo di ko tle pumama yu teta꞉le mate epo atlempuwa, “Opa iwoloye di dla hallalo God ikadepe ya꞉ oko sopo. Epedeme yia꞉tapo wua꞉ta pasakalo halowe apiye atlamsiyamapo,” duwa.

Hibulu 6:20

Mo iye Yesutapo ya꞉ tatle itapu mo-ulatuwapo, dia꞉ gadlowedeme. Adipalati, ya꞉ye Melkisedek some halemama God ka꞉ epo di ka꞉ duka dla kokó halepo hallalo halapo.

Hibulu 7:2

Epalati asiyama A꞉iblahamtapo ya꞉ta opahale dla tepo pumama alisisi halopo pualeye alumale 10 dulu dla kolumtapame kolumale hatlope tlo Melkisedek watle hamiwapo. Melkisedek hi ya꞉ dulu kokoye ka꞉depo hallowe dokopala oplami. Epame Salem hi ya꞉ dulu kokoye sadle. Epapedeme ya꞉tapo sadle dokopala oplami haluwapo.

Hibulu 7:3

Oplami Melkisedek iye ya꞉ a pa꞉na epo ya꞉ wai pa꞉na. Epame ya꞉ toto ma hawa, epo ya꞉ hamale alila ma hawa, epame ya꞉ta polowe alila ma hawa. Epapedeme ya꞉tapo God ka꞉ epo opa ka꞉ duka dla hallalo halemama kokó hallalo halapo. Epedeme ya꞉ye God Yami sepele some halapo.

Hibulu 7:6

Amasiyama Melkisedek iye po-Libai elele halë oplami. Epapele tlope ya꞉tapo A꞉iblaham tle alisisi kokolumale 10 dulu dla kolumale hatlo tlo hauwapo. Epame wua꞉ ma natiya, dokopala oplamitapo ya꞉ isili dla hallalo oplami watle Godta siyele koko hamilowe tlo ala꞉na. Epedeme Melkisedektapo A꞉iblaham watle Godta siyele kokoye hamiwapo. Amasiyama A꞉iblahamye God tle yu itiyapo hatitimale halomale oplamipo.