Hibulu 5:11 - Kamula

¹¹ Epedeme koko hema dita yu atlamolowe pasatale ala me-hutiyepo. Amasiyama dita yu i ya꞉ dulu koko wua꞉ watle woloma atlamoloweye pta kokalena. Adipalati, wua꞉ta koko i malamoloweye pta dekelena.

Hibulu 5:11 Iomraidhean Croise

Ma꞉tiyu 13:15

Adipalati, yia꞉ dupa dulu malamaleye pta kokalalimana. Epapedeme yia꞉ molo mate epo yia꞉ inoma mateye ma-hihimamuwapo. Amasiyama yia꞉ta inomata natipo molota dalepame malamale hapo na꞉ dla ilame pumatiye, Eta na꞉ta yia꞉ bobtalimaleye hiyotimelemla.’

Maka 8:21

Epalati Yesuta yia꞉ watle epo atlaiyo, “Amasiyama wua꞉ koko e tlapame ma na꞉ta itiyamale dla ala pomikadepe dlalo ha꞉ha꞉pa?” diyo.

Ka꞉dle molo atlale yu Lukta ilimale 24:25

Epalati Yesuta yia꞉ watle asiyama epo atlaiyo, “Wua꞉ sikemte yeitamale sopo. Wua꞉ adipalati God tle yu hapame molo atlamalalo sota atlamale koko dla ala pomikadepe dlalo ha꞉ha꞉pa?

Ka꞉dle molo atlale yu Yonta ilimale 16:12

Epapedeme na꞉ dla koko pasatale me-hutiyepo, wua꞉ watle atlamolowedeme. Amasiyama wata oloma hema wua꞉ta koko pasatale iye momalamoloweye po-ala꞉na.

Ka꞉dle molo atlale yu Yonta ilimale 6:6

Epedeme Yesu ya꞉ta opa iwolo dla halowe kokoye mo-malapo halemama ma isikimi Pilipita mikadepe dle natilowedeme ya꞉ watle ipo atluwapo.

Taiya dle so 28:27

Adipalati, yia꞉ dupa malamaleye pta kokalalimana. Epapedeme yia꞉ molo mate yia꞉ inoma mate ma hihimamuwapo. Amasiyama yia꞉ natipame epo dalepame epame malamale hapame na꞉ dla ilame pumulumatiye, eta na꞉ta yia꞉ bobtalimaleye hiyotimelemla.’

Hibulu 5:10

Epame ya꞉ye opa ka꞉ epo God ka꞉ duka dla hallalo oplami Melkisedekta halale some hallepo depame sauwapo.

Hibulu 5:12

Wua꞉ye mo-powataliya mikadepe dle dulu dla me-ha꞉ha꞉uwapo. Epapedeme wua꞉ ka꞉dena, ma wua꞉tapo opa opi watle God yu imoloweye. Amasiyama epapele tlope wua꞉ Keliso dulu dla ala amkoteta꞉le so some ha꞉ha꞉mama ma oplami haleta wua꞉ye God koko woloma imelepo depame solotamha꞉ha꞉po. Epedeme wua꞉ owayimlala some ala meme tlo dlomha꞉ha꞉mama daya kokalle podlomha꞉ha꞉sema.

2 Pita 3:16

Epedeme ya꞉tapo yu ilalimale hapuloma dulu dla koko hatlo metlo ilalimuwapo. Amasiyama koko opi Polota ilalimale dulu dla kokalalimale ma me-hutiyepo. Epedeme koko yeitamale so mate epo malamale tatlamale so matetapo Polota yu ilalimale ya꞉ dulu kokoye batalipo hukulumdepo. Epame God yu opi mape mepo batalipo hukulumdepo. Epapele koko tle yiskamu miyelo yia꞉ dla koko gladleye hame pumdepo.