Galasiya 5:4 - Kamula

⁴ Epedeme wua꞉ aiyalma koko dolumale tle Godta wua꞉ye ullu pa꞉talo so dlepo dlepiye, wua꞉ta Keliso dulu dla ha꞉ha꞉le tle ma-alikili dla woyamaleta apelepe. Epapele dulu dla wua꞉ ma Godta bokotiyapo malamale dulu dla poha꞉ha꞉lowa.

Galasiya 5:4 Iomraidhean Croise

Loum 11:6

Epapedeme Godtapo ya꞉ta bokotiyapo malamale tle ya꞉ opaye mo-huhulumdepo. Epapele dulu dla yia꞉ta ka꞉dle koko halomha꞉ha꞉lati po-apesemde. Ame adipalati, Godta opa huhulumde kokoye isikimi opata ka꞉ka꞉dle koko halomha꞉ha꞉lati ammde dlepiye, eta asiyama ya꞉ta bokotiyapo malamaleye koko pa꞉le ellemla.

Loum 3:20

Adipalati, isikimi aiyalma koko dolumolowetapo Godta dia꞉ye ya꞉ mila꞉pi tle po-ullu pa꞉talo so dlowa. Amasiyama aiyalmatapo isikimi di bobtalimale kokoye dia꞉ watle haliyamale dla bobotimatimhalapo.

Galasiya 2:21

Na꞉ Godta bokotiyapo malamale kokoye pokoko demama po-aposema. Adipalati, oplamitapo isikimi Yu so aiyalma dolumolowe koko tle God mila꞉pi tle ullu pa꞉po hallowe kokoye halepe dematiye, eta asiyama Kelisota powaleye koko pa꞉le hallemla.

Galasiya 5:2

Namkadulo, na꞉tapo wua꞉ye atlema, wua꞉ aiyalma koko dolumama kapala kotimha꞉ha꞉lepiye, Kelisota wua꞉ dulu dla halaye koko pa꞉le dlepe.

Hibulu 12:15

Epedeme wua꞉ dulu dla oplami haletapo Godta bokotiyapo malamale kokoye pohalalo wekelala depame yimkaduloye asiyama woloma gade asiyama woloma gade demha꞉ha꞉iya. Epame wua꞉ dulu dla ya꞉mkale ellewe kokotapo wua꞉ye dukulu some popoliyepo halemama batalimale koko dla elemtulu demiya. Adipalati, epapele kokotapo wua꞉ta hapulomaye batalimalala.

Hibulu 4:1

Epedeme Godtapo yu itiyapo himimama ya꞉ opatapo ya꞉ta hedlowe mo dinapele dla u-ulapo tulupo depo yu himiwata ala me-kokalepo elapo. Epapedeme wolomape, wua꞉ dulu dla oplami haleta po-ulatulalo wekelala.

Bobotimatimale 2:5

Epapedeme wa꞉skamu wa꞉ta teyuli natipame wa꞉ dupa dulu malamale meyelope depame wa꞉ta ka꞉yapa halemama halomhaluwa kokoye ma-halomane. Amasiyama wa꞉ malamale pomeyelope dlalo hallepiye, na꞉ puame wa꞉ tulomaye hame alikili dla himilowepo.