Epeses 3:20 - Kamula

²⁰ Epedeme Godta itiyamaleta dia꞉ dulu dla oko hamhallepiye, Godta dia꞉ tle koko patoto hapuloma halomoloweye ala꞉na. Adipalati, ya꞉ dla koko patoto halomolowe itiyamaleye elapo. Itiyamale eye dita ya꞉ dla atlamde koko mate epo dita malamale mateye tla꞉mtana.

Epeses 3:20 Iomraidhean Croise

Yeneses 17:1

A꞉iblamta 99 sokomoko halale oloma edla Godta ya꞉ dla woyapame epo atlaiyo, “Na꞉ye itiyamale Godpo. Epedeme wa꞉ na꞉ mila꞉pi tle sela꞉mama woloma ullu pa꞉po hallepe.

Yeneses 18:4

Amasiyama wua꞉ aseka dali tau hema hedepo popa꞉iya. Epalati na꞉ tame wua꞉ hete hoahalomolowe yú mate epo dlowe alisisi mate halopo puluwepo, wua꞉ta e depame ma itiyamale mate tloweye,” diyo. Epalati asiyama yia꞉ta epo atlaiyo, “Ka꞉dena, wa꞉ta atla koko eye ka꞉pi,” diyo.

Ekesedes 34:6

Epame ya꞉tapo Mosesye me-hallati tla꞉mtamama epo atlaiyo, “Na꞉ye Godpo. Na꞉ dla polowamale koko mate epo sadle koko mate epo bokotiyapo malamale koko mate hutiyepo. Epapele dulu dla na꞉ na꞉ta yu itiyapo hatitimale hapulomaye pohauwokokomasemde.

Ma꞉tiyu 3:9

Epame wuskamu wua꞉ tlo A꞉iblaham ya꞉ mamadulo depame Godta kasilamale tle hemele haohaodlepe demiya. Adipalati, na꞉ wua꞉ watle ikadepe koko atlema. God ya꞉ dla itiyamale elapo, ewala popa꞉ itapo ma A꞉iblaham ya꞉ mamadulo ikadepe yiyeloweye.

Ka꞉dle molo atlale yu Yonta ilimale 10:10

Epedeme uhalalo oplamita pulupiye, ya꞉ isikimi uhalowe koko dla puapo, epame ya꞉mkale yumuluwe koko dla puapo, epame alisisi bobtalimolowedeme puapo. Amasiyama na꞉ta puwaye, wua꞉tapo pasakalo gadle kokoye halomha꞉ha꞉mama koko ka꞉dle siyapo tlo halomha꞉ha꞉lepo depame puwapo.”

Loum 16:25

Epapedeme God hi di dla ta꞉diya. Adipalati, ya꞉tapo na꞉ta atlamsela꞉ ka꞉dle yu itle wua꞉ta mikadepe dle itiyamale hamiloweye ala꞉na. Ka꞉dle yu Yesu Keliso koko iye ka꞉yapa mo-powataliya hemele hatiyomeleme eluwapo.

Loum 4:21

Epame ya꞉tapo epo malamduwapo, “Godtapo meyelo na꞉ dla yu itiyapo himili kokoye halepe,” demduwapo.

1 Kolin 2:9

Koko iye God yu bukata atlemama epo atlapo, “Godtapo ya꞉ dla sikemte malaha꞉ha꞉lalo so opa dla hamilowedeme ka꞉depo dinapopo himili kokoye oplami haleta ponatina, epame oplami haleta podalena, epame opata malamale sitali dla puame po-umana.”

2 Kolin 9:8

Epame Godtapo wua꞉ gadle tle wua꞉ dla alisisi ala꞉leta hutiyelati asiyama ma wua꞉tapo opa opi gadloweye ala꞉lepe.

Epeses 1:19

Epame na꞉ matle inoma sumale yu hale himima, wua꞉tapo ya꞉ta itiyamale kokoye sikemte malastlepo depame. Adipalati, itiyamale etapo mikadepe dle so dia꞉ mate halemama di gademhalapo. Epame itiyamale hatlo metapo Godta Yesu Kelisoye powale tle ma pasakalo depame Pepele dimo dla ya꞉ dowala tiyama dla pamoluwapo.

Epeses 3:7

Godtapo na꞉ bokotiyapo malamama ya꞉ta itiyamale tle na꞉ watle ya꞉ yu ka꞉dle atlamsela꞉lowe oko hamiwapo.

Kolosi 1:29

Epapele koko tle Kelisota itiyamale patota na꞉ dulu dla hallati na꞉tapo God okoye sikemte hapo.

1 Timoti 1:14

Epame di Lodta ya꞉ta polowamale kokoye na꞉ dla sikemte pasatepo hamiwapo. Epapele koko tle na꞉tapo Yesu Keliso dulu dla halemama ya꞉ dla mikadepe dlowe koko mate epame yimkadulo bokotiyapo malamolowe koko mate hauwapo.

Hibulu 11:19

Adipalati, ya꞉ mikadepe duwapo, Godtapo ya꞉ye ma pasakalo dlepe depame. Epapele koko tle A꞉iblahamtapo ya꞉ maseyemala Aisekye mo-powale tle ma pasakalo desepuwapo.

Hibulu 7:25

Epapedeme ya꞉ dla itiyamale elapo, ya꞉tapo opa eleme God hala dla ta so yia꞉ pasakalo gadloweye. Adipalati, ya꞉tapo kokó halemama ya꞉ opa yilo God hala dla otele himhalapo.

Yeims 4:12

Epapele tlope dulu edla di natiye, hatlo Godtapo aiyalma hatitimalalo halemama koko gladlalo halapo. Epame God hatlo ya꞉tapo pasakalo gadlalo halemama opa watle yia꞉ batalimale asiyama hapilalo halapo. Epapedeme poka꞉dena, wa꞉ta wa꞉ amkale koko glademama ya꞉ye batalimale oplami dloweye.

2 Pita 1:11

Epalati asiyama Godtapo wua꞉ta di pasakalo gadlalo Lod Yesu Kelisota omhala kokó elepo ellalo mo dla hetlowe apiye dinapelepe.

Yuda 1:24

Godye itiyamana. Epedeme ya꞉tapo wua꞉ta teteyulala depame gadlepe. Epame ya꞉ye ala꞉na, ya꞉tapo wua꞉ye ullu pa꞉talo so depame ya꞉ta hela꞉dle dla elempupame wua꞉ dla siyele pato hamiloweye.