Ekesedes 8:22 - Kamula

^22-23 Amasiyama momokama dikita pulupiye, yia꞉ na꞉ opa Gosen mo dla ha꞉ha꞉lalo so dla puame potopulluwa. Amasiyama yia꞉ isikimi puame Isip so dla topulumyelepe. Epapedeme Pelotapo ipapele koko natimama ikadepe Godtapo mo hema halemapo dlepe. Epapedeme iyela na꞉ta ulugiyemale koko iye halati momokama dikita mallepe,” diyo.

Ekesedes 8:22 Iomraidhean Croise

Ekesedes 10:23

Epalati oloma edla Isip sotapo pohoholelalo isikimi hatlo aya dulu dla ha꞉ha꞉iyo. Amasiyama Isalael sota ha꞉ha꞉ mo tlo motiti potulalo hela꞉dleta ala me-halaiyo.

Ekesedes 12:13

Epapedeme na꞉tapo itapu hohomale akimlala potimolowedeme mo dulu dla tumama omalita wua꞉ aya kokoloma tala dla huhutupiliyemtale halla natilipiye, aya eye di tle namilatademtlowepo. Epapele dulu dla na꞉ta Isip so dla wotiyalle hamilowe etapo ma wua꞉ akimlala dla populuwa.

Ekesedes 19:5

Epapedeme yia꞉tapo na꞉ yu dalepame salladepo dolumsiyamelepiye, eta yia꞉ye ikadepe na꞉ opa dlepe. Epapele dulu dla ta꞉lamo so hapulomaye nolëpo. Amasiyama hatlo yia꞉ tlope ikadepe na꞉ta sesalemale sopo.

Ekesedes 20:11

Adipalati, alila 6 dulu dla na꞉ta omapla mate epo ta꞉lamo mate epo kaula mate epame dulu edla ha꞉ha꞉lalo alisisi hapulomaye mimita꞉puwapo. Epame 7 alila dla na꞉ta hedepo poluwapo. Epapele koko tle na꞉ta 7 alila iye aiyalma duwapo.

Ekesedes 7:17

Epapedeme wata Godtapo ya꞉ta ikadepe God depo hala kokoye wa꞉ dla nati-imama ma ulugiyemale koko hale halepe. Eye na꞉tapo na꞉ta hamhala dali ku i mate Nael aloma dla heyulati yútapo ma omali yielepe.

Ekesedes 8:10

Epalati Pelota asiyama epo atlaiyo, “Wa꞉ inoma sumane, iyela gulugulepita pa꞉lepo depame,” diyo. Epalati asiyama Mosesta epo atlaiyo, “Yao ka꞉pi, wa꞉ta atla koko eta me-woyamelepe. Epapele dulu dla wa꞉ gulugulepi ita mosukulu pali kokoye natipame malamelepe, di Godta itiyamaletapo wa꞉ godta itiyamaleye tla꞉mtame halapo. Amasiyama hatlo Nael aloma dla gulugulepi hala tlo me-ha꞉ha꞉lepe,” diyo.

Ekesedes 8:21

Epapele dulu dla ya꞉tapo na꞉ opaye alikili a꞉ma powoyamaiya dlalo wekelepiye, asiyama na꞉tapo Isip so watle momokama diki hapulomaye tuluiya dlowepo. Epalati momokama dikitapo malame mo pato dulu dla pasatepo elemama Pelo mate epo ya꞉ oko so mate epo ya꞉ mo so mate dla topulumyelepe. Epame yia꞉ aya dulu dla mape sikemte topulumyelepe.

Ekesedes 9:26

Amasiyama Isalael sota ha꞉ha꞉ mo Gosen dla tiyo ewala sepele itapo pehellalo wekiyo.

Ekesedes 9:29

Epapalati asiyama Mosestapo epo atlaiyo, “Na꞉tapo mo dulu tle alikili dla tame God dla inoma sumalati omaplata hamhala mate epo tiyo ewala sepeleta helemhala mateta medla gudlepe. Epalati wa꞉ edla malamelepe, ta꞉lamo patoye Godta omhalapo.

Ekesedes 9:4

Amasiyama Isalael so yia꞉ aliya tlo popalliwa, me-ka꞉pi ha꞉ha꞉lepe. Isikimi Isip so aliya siyapo tlo alomama pallipe.

Ekesedes 9:6

Epapele dulu dla alila haletapo Godtapo esiyele kokota aliya halo dla tulune dlati Isip so yia꞉ aliya halo hapuloma tlo palimama asiyama Isalael so yia꞉ aliya halo hapuloma dulu dla haleta po-polalo wekiyo.