Ekesedes 7:9 - Kamula

⁹ “Pelotapo wua꞉ watle atlemama ulugiyemale koko halomaiya dlati, wa꞉ A꞉lon atellepe, ya꞉tapo Pelo mila꞉pi tle ya꞉ dali kuye hamastlepo depame. Epapelepiye, dali ku etapo ma ilama yielepe,” diyo.

Ekesedes 7:9 Iomraidhean Croise

Ekesedes 10:13

Epalati Mosestapo ya꞉ dali ku hame Isip mo pato dla dlokomaiyo. Epalati Godtapo mosisi patoye tulune dlati mosisitapo salita matlalo tiyama tle alila mate utula꞉la mate sikemte hotlomhalaiyo. Epame utulala ikadepe opata hutiyele tle sillipo natitepo wolomopi hapulomatapo Isip moye sikemte hapo ella natiyo. Epapele dulu dla ka꞉yapa yia꞉tapo wolomopi sikemte wokasemale ipapeleye ponatimdiyo. Epame matle alotle ipapele ponatilowe sepena.

Ekesedes 4:17

Epedeme wa꞉ dali ku mate hamtane. Eta wa꞉tapo e mate ulugiyemale kokoye halomelepe,” diyo.

Ekesedes 4:2

Amasiyama epalati Godtapo Moses watle epo atlaiyo, “Wa꞉ apa alisisiye wa꞉ dota hamhalema꞉?” diyo. Epalati Mosestapo asiyama epo atlaiyo, “Iye na꞉ dali kupo,” diyo.

Ekesedes 4:20

Epapalati Mosestapo ya꞉llu mate epo ya꞉ akimlala mate donki aliya di dla ipila꞉pame Isip mo dla tamalaiyo. Yia꞉ tamalemama Godta hamtane dle dali ku mate hamtamalaiyo.

Ekesedes 4:3

Epalati Godtapo epo atlaiyo, “Ta꞉la dla hamastane,” diyo. Epalati Mosestapo ya꞉ dali kuye ta꞉la dla hamastlati ilama yieiyo. Epela natipame Mosesta ilama natipo wota꞉mama alikili dla pesta taiyo.

Ekesedes 7:8

Epame Godta Moses watle epo atlaiyo,

Ekesedes 9:23

Epalati Mosesta yu e dalepame omapla di dla ya꞉ dali ku mate dlokomalati natipame Godtapo tiyo patoto ewala sepeleye hamimama omapla mate sikemte hane diyo. Epapele koko tle alikili haliyamale dla siyamale opa mate epo aliya halo mate poyuiyo. Epame emale alisisi hapuloma mate epo dali hapuloma mate batalipo hamastaiyo. Epapele dulu dla Isip sotapo ka꞉yapa tiyo ewala sepele patoto ipapeleye ponatimdiyo.

Ma꞉tiyu 12:39

Yesuta asiyama yia꞉ watle epo atlaiyo, “Wata oloma hema ha꞉ha꞉ so opaye pta bobtalimana. Epame yia꞉ ma God kokoye pokoko desemde. Epammama yia꞉ isikimi ulugiyemale koko tlo tlamha꞉ha꞉lowedeme na꞉ watle atlamha꞉ha꞉po. Amasiyama na꞉ yia꞉ dla ulugiyemale koko hale ponati-iliwa. Isikimi God tle yu hapame molo atlalo oplami Yona koko tlo yia꞉ watle nati-iliwepo.

Ka꞉dle molo atlale yu Yonta ilimale 10:38

Amasiyama wua꞉ta na꞉ dla pomikadepe dlalo wekemamaye, isikimi na꞉ta koko halomsela꞉ i natimama edla mikadepe diya. Adipalati, wua꞉ta epapelepiye, eta na꞉ta A mate hatlope depo hala kokoye nati-ilipe.”

Ka꞉dle molo atlale yu Yonta ilimale 2:18

Epalati Yu so dokopala sota Yesuta alisisi hapuloma hatitipo ompopa꞉le soye aiyalma aya dulu tle alikili dla dodolomsalle koko natipame ya꞉ watle epo atlaiyo, “Wa꞉ apa itiyamale hapame koko ipapele hao? Epedeme wa꞉ itiyamale iye God tle hauwa dlepiye, wa꞉ ka꞉dena, di watle ulugiyemale koko hale nati-ine,” diyo.

Ka꞉dle molo atlale yu Yonta ilimale 6:30

Epapalati opatapo ya꞉ watle epo atlaiyo, “Dita wa꞉ dla mikadepe dlepo depame wa꞉ apa ulugiyemale koko di watle nati-ipa꞉? Adipalati, God yu bukata atlemama di mamadulotapo dalupa dulu dla siyamuwa oloma edla Mosestapo pepele di tle mena dayaye yia꞉ watle hapimduwapo. Epapedeme Mosestapo di mamadulo dla epapele koko hauwapo. Ame wa꞉ dita wa꞉ dla mikadepe dlepo depame apa kokoye di watle nati-ipa꞉?” diyo.