Ekesedes 6:6 - Kamula

⁶ Epedeme wa꞉ tame Isalael soye atlamane, na꞉ye Godpo. Na꞉tapo na꞉ta itiyamale pato nati-imama yia꞉ye Isip sota yia꞉ watle wotiyalle hapimha꞉ha꞉ dulu etle eleme alikili dla woyamolowepo. Epame asiyama Isip so dla wotiyalle pato hamilowepo.

Ekesedes 6:6 Iomraidhean Croise

Ekesedes 1:11

Epammama yia꞉tapo Isalael sota itiyamaleta pa꞉lepo depame asiyama pa꞉le oko patoto dla hatitipame yia꞉ omha꞉ha꞉lalo so ma hohomaiyo. Epalati Isalael sotapo mo patoto dapiyamte Pitom mate epo Lamses mate kotipo aya halomtamalaiyo, Pelotapo ya꞉ alisisi hapuloma edla hatitimelepo depame.

Ekesedes 12:51

Epedeme alila hatlo medla Godta Isalael so elele meyelope meyelope dle hapulomaye Isip mo tle eleme alikili a꞉ma woyamaiyo.

Ekesedes 13:14

Epapedeme wua꞉ yimlalatapo wua꞉ watle atlemama wua꞉ apa koko hama꞉ dlati yu iye yia꞉ watle atlamha꞉ha꞉lepe, ‘Dita koko i haye, dita Isip mo dulu dla asiyama pa꞉le oko pato hamha꞉ha꞉lati Godta itiyamaletapo dia꞉ye eleme alikili a꞉ma woyamuwapo.

Ekesedes 13:16

Epedeme God watle alinepi poyupo hapilowe koko itapo wua꞉ do dla epo wua꞉ daptala dla ulu epapele some hutiyelepe. Adipalati, wua꞉tapo Godta itiyamaleta wua꞉ye eleme Isip mo tle alikili dla woyamale kokoye wowelilala depame.”

Ekesedes 13:3

Epalati Mosestapo Isalael so watle epo atlaiyo, “Alila iye wua꞉tapo Isip mo dulu dla asiyama pa꞉le oko halomha꞉ha꞉lati Godtapo ya꞉ta itiyamale pato mate wua꞉ye eleme alikili a꞉ma woyamapo. Epedeme wua꞉ alila iye malamama palawa daya yist mate dukumale podlowa.

Ekesedes 15:13

Epapedeme wa꞉ kokó halepo hallalo bokotiyapo malamaletapo wa꞉ta ma ilame hohomale opa dia꞉ye eleme telepe. Epame wa꞉tapo yia꞉ye wa꞉ta hallalo mo dla eleme pulupe.

Ekesedes 16:6

Epapalati Moses mate epo A꞉lon mate Isalael so sisilapame yia꞉ watle epo atlaiyo, “Wua꞉ adipalati dia꞉ dla yu balemha꞉ha꞉ma꞉? Wua꞉ta yu balemha꞉ha꞉ye dia꞉ dla po-aposema. Amasiyama wua꞉ God dla apopo. Epapele dulu dla Godtapo wua꞉ta ya꞉ dla yu balle kokoye ma-daluwapo. Epapedeme wata tamila꞉la wua꞉tapo ikadepe Godta wua꞉ye Isip mo tle alikili a꞉ma eleme woyamuwa dle kokoye natilipe. Epame wua꞉tapo utulala ikadepe ya꞉ta itiyamale mamisika꞉ natilipe. Adipalati, God meyelo wua꞉ta tamila꞉la dlowe mo mate epo utulalati dlowe daya mate wua꞉ dla halopimhallati wua꞉ natilipe,” diyo.

Ekesedes 18:1

Epapele dulu dla Mosestapo ka꞉yapa mo-powataliya ya꞉llu Sipola mate epo ya꞉ akimlala dapiyamte mate ya꞉ doko Yetlo hala dla taiya diyo. Moses yami ka꞉yapa itapu hamale hiye Gesom diyo. Adipalati, Mosesta epo atlaiyo, na꞉ye mo hema asepe puwapo. Epame yami hale hiye Eliyesel diyo. Adipalati, Mosesta epo atlaiyo, “Na꞉ a ya꞉ Godta na꞉ gademama Pelota siyaladle tle alikili a꞉ma seme woyamuwapo,” diyo. Epeleye Moses ya꞉ doko Yetlo iye Midiya mo dla alinepi poyupo God dla hapilalo oplami halaiyo. Epapeleye ya꞉tapo Godta Moses mate epo Isalael so mate dla gademama yia꞉ye eleme Isip mo tle alikili dla woyamale kokoye dalepame natila puaiyo.

Ekesedes 2:11

Epapele dulu dla Mosesta mo-oplami depo halemama ya꞉ opa Hibulu sota oko pato hamha꞉ha꞉leye natila taiyo. Epame ya꞉ edla tame omhallati Isip oplamitapo Hibulu oplamiye sikemte hopolla natiyo.

Ekesedes 3:17

Epapedeme na꞉tapo yia꞉ye Isip mo dla upiyele dulu dla ha꞉ha꞉ tle alikili dla eleme woyapame yia꞉ watle Keinan so mate epo Hitai so mate epo Amoli so mate epo Pelisi so mate epo Hibai so mate epo Yebusi so mate yia꞉ ta꞉laye hamilowepo. Ta꞉la eye pta pato, opatapo edla ha꞉ha꞉mama dlowe alisisi dloweye pta pasatana.

Ekesedes 3:8

Epapedeme na꞉tapo yia꞉ye Isip mo tle alikili dla eleme mo hale ka꞉dle dla tlowedeme malalepo. Mo eye pta pato epame dlowe alisisi mape pta wokasemana. Wata oloma hema Keinan so mate epo Hitai so mate epo Amoli so mate epo Pelisi so mate epo Hibai so mate epo Yebusi so matetapo mo edla ha꞉ha꞉po. Amasiyama na꞉tapo yia꞉ ta꞉la eye kolahapame ma na꞉ opa Isalael so watle hamilowepo.

Ekesedes 32:11

Amasiyama Godta malamale meyelope dlepo depame Mosestapo ya꞉ dla otele pato himimama epo atlaiyo, “God, wa꞉ta itiyamaletapo opa iwoloye Isip mo tle eleme alikili a꞉ma woyamuwapo. Epapedeme wa꞉ta siyaladleta yia꞉ye potimiya.

Ekesedes 6:2

Epame Godtapo ma Moses watle epo atlaiyo, “Na꞉ye Godpo.

Ekesedes 6:29

“Na꞉ye Godpo. Epapedeme Isip so dokopala oplami Pelo watle na꞉ta wa꞉ watle atlamuwa koko hapulomaye ya꞉ watle atlamane,” diyo.

Ekesedes 6:8

Epame na꞉tapo yia꞉ye na꞉ta A꞉iblaham mate epo Aisek mate epo Yokob mate dla yu itiyapo himiwa mo edla eleme tlowepo. Epame mo eye yiole ikadepe depame yia꞉ watle hamilowepo. Na꞉ye Godpo.”

Ekesedes 7:4

Amasiyama epapele dulu dla ya꞉ta koko eye tlapame ya꞉ dupa malamaleye ala pomeyelope dlowa, wua꞉ta alikili a꞉ma woyamoloweye. Amasiyama na꞉tapo na꞉ta itiyamale pato mate Isip so dla wotiyalle hamimama Isalael so elele hapulomaye eleme alikili a꞉ma woyamolowepo. Epalati Isip sotapo e natimama na꞉ye ikadepe God mleni dlepe.”

Taiya dle so 13:17

Di Isalael so Godtapo di mamaduloye me-elemuwapo. Epame yia꞉tapo Isip mo dla ha꞉ha꞉lati Godta yia꞉ye woloma omhaluwapo. Epalati Isalael so opata pasatauwapo. Epapalati Godta yia꞉ye itiyamale mate Isip mo tle alikili dla eleme woyamuwapo.