Ekesedes 6:3 - Kamula

³ Epedeme na꞉tapo A꞉iblaham mate epo Aisek mate epo Yokob mate dla woyamalati yia꞉tapo na꞉ye itiyamale God demduwapo. Amasiyama yia꞉ na꞉ hi ikadepeye poyia꞉malamana. Adipalati, na꞉tapo na꞉ hi ikadepe Na꞉ye Na꞉poye yia꞉ watle pobotomastana.

Ekesedes 6:3 Iomraidhean Croise

Yeneses 13:18

Epalati A꞉iblamtapo ya꞉ kimna꞉ya dokostepo ma Heblon mo dla tame dali patoto polli Mamele mo mateka꞉pi dla kimpame God dla alinepi poyupo ha꞉lalo tile haiyo.

Yeneses 17:1

A꞉iblamta 99 sokomoko halale oloma edla Godta ya꞉ dla woyapame epo atlaiyo, “Na꞉ye itiyamale Godpo. Epedeme wa꞉ na꞉ mila꞉pi tle sela꞉mama woloma ullu pa꞉po hallepe.

Yeneses 22:14

Epedeme A꞉iblahamta mo e semama, Godta kokoye dinapelepe, diyo. Epame ma wata oloma hema opata atlemama, God ya꞉ tamali di dla ya꞉tapo koko dinapelepe, demdepo.

Yeneses 28:3

Epalati itiyamale Godtapo wa꞉ gademama wa꞉ watle yimlala pasataleye hapilipe, epame wa꞉ mamaduloye pasatepo mellepe. Epalati ta꞉lamo meyelope meyelope dle sotapo hatlo wa꞉ watle yia꞉ mama dlepe.

Yeneses 35:11

Na꞉ye itiyamale Godpo. Epame na꞉tapo wa꞉ mamaduloye ma-a꞉ma sikemte pasatepo mellowepo. Epame wa꞉ mamadulo opitapo dokopala hi halopo ha꞉ha꞉mtelepe.

Yeneses 48:3

Epame yami Yosep watle epo atlaiyo, “Itiyamale Godtapo mo-powataliya na꞉ye Keinan mo pato dulu dla Lus mo yemala dla pollati na꞉ watle woyapo epo atluwapo, ‘Na꞉tapo wa꞉ mamaduloye pasatepo mellowepo. Epalati wa꞉ opatapo pasatamama pato dlepe. Epame na꞉tapo Keinan mo iye wa꞉ mamadulo watle hamilowepo. Ta꞉la itapo yia꞉ hi mate kokó mepo ellepe,’ duwapo.”

Ekesedes 15:3

Epapedeme Godye opahale dlalo dokopala oplamipo. Epedeme Godye ya꞉ hi ikadepepo.

Ekesedes 3:14

Epapalati Godta Moses watle epo atlaiyo, “Na꞉ye Na꞉po. Epedeme wa꞉ Isalael so hala dla tame yia꞉ye atlamane, na꞉ye yia꞉ mamadulo A꞉iblaham mate epo Aisek mate epo Yokob mate yia꞉ Godpo. Epame na꞉ hiye Na꞉ye Na꞉po. Epapedeme na꞉ hi etapo kokó elepo ellepe. Epapedeme wata oloma itle kotiyapo tamama opa hapulomatapo na꞉ hi eye malastlepe.

Ka꞉dle molo atlale yu Yonta ilimale 8:58

Amasiyama Yesutapo asiyama yia꞉ watle epo atlaiyo, “Na꞉tapo ikadepe kokoye wua꞉ watle atlema. Na꞉ye Na꞉po. Adipalati, A꞉iblaham ala pohallalo hallati na꞉ tatle ka꞉yapa ma-haluwapo.”

Bobotimatimale 1:4

Na꞉ Yontapo Asiya mo dulu dla sos 7 dla namkale dle yu atlema. God halapo, epame ka꞉yapa haluwapo, epame ya꞉ matle hallepe. Epedeme wua꞉ ya꞉ tle bokotiyapo malamale mate sadle mate halomaiya. Epame ya꞉ mila꞉pi dla ha꞉ha꞉lalo Soko 7 tle ma bokotiyapo malamale mate sadle mate halomaiya.