Ekesedes 5:13 - Kamula

¹³ Epapele dulu dla yia꞉ omha꞉ha꞉lalo sotapo opata oko sikemte halepo depame itiyamale mate ha꞉ha꞉limyemama epo atlamha꞉ha꞉iyo, “Wua꞉ alila hapuloma dulu dla blik ewalaye mimita꞉mtame sale sukulu mate dla gude demha꞉ha꞉lepe,” diyo.

Ekesedes 5:13 Iomraidhean Croise

Ekesedes 1:11

Epammama yia꞉tapo Isalael sota itiyamaleta pa꞉lepo depame asiyama pa꞉le oko patoto dla hatitipame yia꞉ omha꞉ha꞉lalo so ma hohomaiyo. Epalati Isalael sotapo mo patoto dapiyamte Pitom mate epo Lamses mate kotipo aya halomtamalaiyo, Pelotapo ya꞉ alisisi hapuloma edla hatitimelepo depame.

Ekesedes 5:11

Amasiyama muwolo tame osamokolo totolleye totapame halopo puame sokope tokeyamale mate dudukumha꞉ha꞉lepe, blik ewala mimita꞉ploweye. Epammha꞉ha꞉mama wua꞉ta ka꞉yapa alila hatlo dla adisowa mimita꞉mduwa ma mepapele mimita꞉mha꞉ha꞉lepe,” diyo.

Ekesedes 5:12

Epalati opatapo Isip mo pato dulu dla osamokolo totolleye totamtamalaiyo.

Ekesedes 5:14

Amasiyama Isalael sota blik ewala mimita꞉pmama sale sukulu dla tame pogudiyo. Epalati yia꞉ omha꞉ha꞉lalo sotapo yia꞉ye hohopolemama epo atlaiyo, “Wua꞉ ka꞉yapa blik ewalaye sikemte pasatale mimita꞉mduwapo. Ame wua꞉ ma adipalati tatla mate epo wata mate pasto mimita꞉i?” diyo.

Ekesedes 5:6

Alila oloma edla Pelotapo Isalael so yia꞉ omha꞉ha꞉lalo so dla epo atlaiyo,