Ekesedes 4:21 - Kamula

²¹ Epame Godtapo Moses watle epo atlaiyo, “Wa꞉ Isip mo dla tame dokopala oplami Pelo mila꞉pi tle na꞉ta wa꞉ watle ulugiyemale koko halomolowe nati-iwaye e halomane. Amasiyama epapele dulu dla na꞉tapo ya꞉ dupaye kokalepo mellowepo. Epalati ya꞉ta na꞉ opaye yipta alikili a꞉ma powoyamaiya dlowa.

Ekesedes 4:21 Iomraidhean Croise

Yeneses 6:3

Epalati Godta epo atlaiyo, “Na꞉ta hamili pasakalo halemhala hedletapo oplami dulu dla pase kokó hallowa. Adipalati, opaye isikimi ta꞉la sopo. Epedeme yia꞉tapo isikimi 120 sokomoko ha꞉ha꞉pame palidemha꞉ha꞉lepe,” diyo.

Ekesedes 10:1

Epame Godta ma Moses watle epo atlaiyo, “Na꞉tapo Pelo mate epo ya꞉ oko so mate yia꞉ dupaye kokalalipo meluwapo, na꞉ta itiyamale kokoye yia꞉ dla nati-imhalemama ulugiyemale koko halomhallowedeme. Epapedeme na꞉ta ikadepe God depo halemama ulugiyemale koko patoto Isip so dla halomhala iye ma wua꞉tapo wua꞉ yimlala dla epo wua꞉ mamadulo dla esemha꞉ha꞉lepe. Epapedeme wa꞉ Pelo hala dla ma ilamtane,” diyo.

Ekesedes 10:20

Amasiyama Godtapo Pelo dupa malamaleye mamisika꞉ kokalepo mellati ya꞉tapo Isalael soye alikili a꞉ma powoyamaiya dlalo wekiyo.

Ekesedes 10:27

Amasiyama Godta Pelo dupa malamaleye ala me-kokalepo mellati Isalael soye ma alikili a꞉ma powoyamaiya dlalo wekiyo.

Ekesedes 11:10

Epapele koko tle Moses mate epo A꞉lon matetapo ulugiyemale koko patotoye Pelo mila꞉pi tle halomha꞉ha꞉iyo. Amasiyama Godtapo Pelo dupa malamaleye ala me-kokalepo meledemhalemdiyo, Isalael sota Isip mo tle alikili dla wowoyamalala depame.

Ekesedes 11:9

Ka꞉yapa Godtapo Moses watle epo atlaiyo, “Pelotapo wa꞉ yu dla dalepame poheodemhallowa. Epalati na꞉tapo ulugiyemale koko patotoye Isip mo dla halomhallowepo,” diyo.

Ekesedes 14:17

Epame na꞉tapo Pelo mate epo ya꞉ opa mate yia꞉ dupa malamaleye kokalepo mellati yia꞉tapo wua꞉ alotle dodolomelepe. Amasiyama na꞉ta yia꞉ watle halowe kokotapo opa hapuloma dla na꞉ta itiyamale kokoye nati-iliwepo. Epalati Isip sotapo na꞉ye ikadepe God mleni dlepe.”

Ekesedes 14:4

Amasiyama na꞉tapo Pelota malamaleye mamisika꞉ kokalepo mellowepo, ya꞉tapo ya꞉ opa mate wua꞉ye ma hohomala telepo depame. Amasiyama na꞉ta yia꞉ watle halowe kokotapo opa hapuloma dla na꞉ta itiyamale kokoye nati-iliwepo. Epalati Isip sotapo na꞉ye ikadepe God mleni dlepe,” diyo. Epalati Isalael sotapo God yu i dalepo dolumaiyo.

Ekesedes 14:8

Epapeleye Godta Pelo dupa malamale kokalepo mellati ya꞉tapo ya꞉ opa mate Isalael soye dodolomtamallati Isalael sotapo sisiyele mate kaula mateka꞉pi dla ellalo Pihahilot mo dla mala tamalaiyo. Yia꞉ edla tulume kimtimha꞉ha꞉mama alo dla natilati Pelotapo ya꞉ opa mate epo ya꞉ aliya koa hapuloma mate alotle pumulla natiyo. Epalati yia꞉tapo sikemte wowota꞉mama gadle yilo God dla a꞉liyo.

Ekesedes 3:19

Amasiyama Pelotapo wua꞉ye po-yipta taiya dlowa. Amasiyama ya꞉tapo ikadepe God halema dle koko natipame eta wua꞉ye taiya dlepe.

Ekesedes 3:20

Epapedeme na꞉tapo na꞉ta itiyamale pato mate Isip so dulu dla ulugiyemale koko halomama yia꞉ dla wotiyalle hamilowepo. Epalati Pelotapo ulugiyemale koko e natimama alotle wua꞉ye taiya dlepe.

Ekesedes 7:13

Epalati Pelotapo Godta atlamale yu mate ala꞉mama ya꞉ dupa sikemte kokalepame Moses mate epo A꞉lon mate yia꞉ yu dla podaliyo.

Ekesedes 7:3

Amasiyama na꞉tapo Pelo ya꞉ dupa malamaleye kokalepo mellowepo. Epame na꞉tapo ulugiyemale koko patotoye Isip mo dla halomolowepo.

Ekesedes 8:15

Amasiyama Pelotapo gulugulepita mo-palli koko natipame Godta atlamale yu mate ala꞉mama ya꞉ dupa malamaleye ala sikemte me-kokalepame Moses mate epo A꞉lon mate yia꞉ yu dla podaliyo.

Ekesedes 8:32

Amasiyama Pelota matle ya꞉ dupa kokalemama Isalael soye alikili a꞉ma powoyamaiya dlalo wekiyo.

Ekesedes 9:12

Amasiyama Godtapo Pelo ya꞉ dupa ma-a꞉ma kokalepo meliyo. Epalati Pelotapo Godta atlamale yu mate ala꞉mama Moses mate epo A꞉lon mate yia꞉ yu dla podaliyo.

Ka꞉dle molo atlale yu Yonta ilimale 12:40

“Lodtapo opa hapuloma inomaye mo-hihimamuwapo. Epame ya꞉tapo yia꞉ta malamale hapulomaye mo-hihimamuwapo, yia꞉tapo woloma ponatilalo wekelepo depame, epame woloma pomalamalalo wekelepo depame, epame ma Lod dla heheletipame gadle pohalalo wekelepo depame.”

Loum 1:28

Epedeme opatapo God kokoye sikemte welilati asiyama Godtapo yia꞉ye batalimale koko momalamale dulu medla ha꞉ha꞉lepo depame me-pomoluwapo. Epapele koko tle yia꞉ dla batalimale koko opata pohaleli dle koko halomoloweta yia꞉ dulu dla me-elapo.

Loum 9:18

Epapele dulu dla di natipo, Godye ya꞉ta sesalemale so dla polowamale koko mate epo bokotiyapo malamale koko mate himhalemdepo. Amasiyama ma opa opi dla mikadepe dlowe dla dupa kokalalimolowe kokoye hapimhalapo.

1 Pita 2:8

Epame God yu bukata ma epo atlapo, “Opatapo alumiti edla kustamtame teteyumha꞉ha꞉lepe,” depo. Epedeme opata God yu dla allimama posalladlalo siyama koko tle yia꞉tapo alumiti hema kustamtame teteyumha꞉ha꞉lepe. Eye Godtapo yia꞉ dla mepapelepo depame dinapopo himili kokopo.