Ekesedes 34:7 - Kamula

⁷ Na꞉ opa hapulomaye bokotiyapo malamama yia꞉ bobtalimaleye hiyotipo welimdepo. Epapele tlope na꞉tapo batalimale walle oplami dla asiyama pohamilalo powekesemde. Epedeme adulo yia꞉ bobtalimale asiyama dla na꞉tapo yia꞉ yimlala dla epo yia꞉ mamadulo dla asiyama wotiyalle hapimdepo,” diyo.

Ekesedes 34:7 Iomraidhean Croise

Yeneses 19:16

Amasiyama Lot ala dekelemsela꞉lati banakaka so opa dapiyamteta Lot do mate epo ya꞉llu do mate epo ya꞉ utukaka do mate dla hohopame elepo hapele Sodom mo tle alikili dla woyamaiyo. Adipalati, Godtapo yia꞉ye sikemte malamaiyo.

Ekesedes 33:19

Epalati Godtapo Moses watle epo atlaiyo, “Na꞉ye Godpo. Epedeme na꞉tapo na꞉ta꞉ sesalemale so dla polowamale koko mate epo bokotiyapo malamale koko mate nati-imdepo. Epapedeme na꞉tapo wa꞉ watle na꞉ta hela꞉dle nati-imama na꞉ hi ma atlowepo.

Ekesedes 34:9

“Na꞉ God, wa꞉ta ikadepe na꞉ dla siyemhalema dlepiye, di saliyome tamiya. Na꞉malamana, opa iwoloye wa꞉ yu dolumolowe dla pta dupa kokalalimale so. Amasiyama epapele tlope di bobtalimaleye wa꞉tapo hiyostepo welipame ma wa꞉ opa ikadepe dene,” diyo.

Ma꞉tiyu 12:31

Epedeme na꞉ wua꞉ watle ikadepe koko atlema. Batalimale koko hapuloma opata halomde mate epo yu batalimale God hi mate putlopo atlepiye, Godta howahapo hiyostlepe. Amasiyama oplami antapo Hela꞉dle Soko watle putlopo atlepiye, Godta ya꞉ batalimaleye pohowahapo hiyostlowa.

Ma꞉tiyu 6:12

Epame di bobtalimaleye hihiyotipo woweline. Adipalati, di mape diamkadulota dia꞉ dla batalimale koko halomde hapulomaye wowelimdepo.

Ka꞉dle molo atlale yu Lukta ilimale 7:42

Amasiyama alotle opa dapiyamte iwolotapo yia꞉ dla mani hawa hallati asiyama mesowa yo dla pohalopilalo wekiyo. Epalati yota koko e natipame yia꞉ watle epo atlaiyo, ‘Mope weliya,’ diyo. Epedeme opa dapiyamte dulu hema adita yoye sikemte malamuwa?” diyo.

Ka꞉dle molo atlale yu Lukta ilimale 7:48

Epame Yesuta a꞉ya watle epo atlaiyo, “Wa꞉ batalimale hapulomaye mo-howahapo wellipo,” diyo.

Taiya dle so 13:38

Epedeme namkadulo, wua꞉ dita atlama yu i woloma daliya. Adipalati, Godtapo Yesuta koko halë tle wua꞉ bobtalimaleye hiyolepame ullu pa꞉talo so dlepe. Ame adipalati, Mosesta aiyalma hatitimaleta wua꞉ye wua꞉ bobtalimale tle alikili dla eleme woyapame po-ullu pa꞉talo so dena. Amasiyama oplami antapo Yesu dla mikadepe dlepiye, Yesuta ya꞉ye batalimaleta itiyamale tle alikili dla hamame woyamelepe.

Taiya dle so 5:31

Epedeme Godtapo Yesuye powale tle ma pasakalo depame ya꞉ dowala tiyama dla pamoluwapo, ya꞉tapo dokopala halemama pasakalo gadlalo oplami hallepo depame. Epapedeme hatlo ya꞉ dla itiyamale elapo, Isalael so hapulomata yia꞉ta malamale meyelope depame yia꞉ bobtalimale tle heheletimalati ya꞉tapo yia꞉ bobtalimaleye howahapo weliloweye.

Epeses 1:7

Epapedeme Kelisota ya꞉ omali asiyama mate dia꞉ye elepame di bobtalimaleye me-hihiyotipo weliwapo. Koko iye Godta di bokotiyapo malamale tle apuwapo.

Epeses 4:32

Amasiyama wua꞉ namkale dle mate epo ya꞉mkale bokotiyapo malamale mate ha꞉ha꞉iya. Epame Godta Yesu Keliso tle wua꞉ bobtalimale howahapo weliwaye, epammama wua꞉ ma wua꞉ amkadulo bobtalimale kokoye wowelimha꞉ha꞉iya.

Hibulu 12:29

Adipalati, di Godtapo alisisi hapuloma sikemte hamdepo hamastlalo dlapa epapele some halapo.

1 Yon 1:9

Amasiyama epapele dulu dla dita di bobtalimaleye God dla bobotimatimelepiye, ya꞉tapo di bobtalimale hapulomaye howahapo wellipe. Adipalati, ya꞉tapo ya꞉ yu itiyapo himili e dolumama woloma ikadepe koko tlo halepe.

Bobotimatimale 20:15

Epame Pasakalo Buka dla hi pohutiyelalo wekele so opa hapulomaye Dlapa kaula dla ka꞉ka꞉timuwa.

Bobotimatimale 21:8

Amasiyama God yu dla wowota꞉le so mate, epo God yu dalla alli so mate, epame ullu watalo so mate, epo yimkadulo potimalalo so mate, epame wola꞉ mate opa mate uhalomalalo so mate, epo yimkadulo popolotimalalo so mate, epame biskapa god dla sisiyelalo so mate, epame mala-atlamalalo so mateye hohopame Dlapa kaula dla ka꞉ka꞉timelepe. Dlapa kaula iye soko tle polowe kokopo.”