Ekesedes 33:13 - Kamula

¹³ Amasiyama wa꞉ta ikadepe na꞉ dla siyemhalema dlepiye, na꞉ watle wa꞉ta malamale kokoye imane. Epalati asiyama na꞉tapo wa꞉ yu dla salladepo sela꞉lati wa꞉ta natipame siyemhala kokota me-ellepe. Epele dulu dla wa꞉ malamane, opa iwoloye wa꞉ta sesalemale sopo,” diyo.

Ekesedes 33:13 Iomraidhean Croise

Ekesedes 3:10

Epapedeme na꞉tapo wa꞉ye Isip so yia꞉ dokopala oplami Pelo hala dla tane dema, wa꞉tapo na꞉ opa Isalael soye eleme Isip mo tle alikili dla woyamelepo depame.”

Ekesedes 3:7

Epapalati Godtapo Moses watle epo atlaiyo, “Na꞉ na꞉ opa Isalael sotapo Isip mo dla asiyama pa꞉le oko hamha꞉ha꞉mama wotiyalle dulu dla ha꞉ha꞉ye me-natima. Epame Isip sotapo yia꞉ dla wotiyalle hapimha꞉ha꞉lati a꞉lemha꞉ha꞉ kokoye me-dalemhalemama yia꞉ye sikemte malahalema.

Ekesedes 32:12

Wa꞉ta yia꞉ye potimelepiye, asiyama Isip sotapo epo malamelepe, ‘Godta ya꞉ opaye isikimi potimolowedeme Isip mo itle eleme alikili a꞉ma woyamana,’ dlepe. Epapedeme wa꞉ta siyalademama yia꞉ye potimele dleye memelene.

Ekesedes 32:14

Epalati Godtapo Moses yu dalepo ya꞉ta malamaleye meyelope depame yia꞉ye popotimalalo wekiyo.

Ekesedes 32:7

Epapele oloma dla Mosestapo tamali di dla ala me-hallati Godtapo opata koko halomha꞉ha꞉ natipame ya꞉ watle epo atlaiyo, “Wa꞉ ma ilame tulune. Adipalati, opa wa꞉ta eleme Isip mo tle alikili a꞉ma woyamuwaye batalimale koko pato halomha꞉ha꞉po.

Ekesedes 34:9

“Na꞉ God, wa꞉ta ikadepe na꞉ dla siyemhalema dlepiye, di saliyome tamiya. Na꞉malamana, opa iwoloye wa꞉ yu dolumolowe dla pta dupa kokalalimale so. Amasiyama epapele tlope di bobtalimaleye wa꞉tapo hiyostepo welipame ma wa꞉ opa ikadepe dene,” diyo.

Ekesedes 5:1

Moses mate epo A꞉lon mate Isalael so dla yu atlamha꞉ha꞉po gudepame ma Pelo hala dla tame epo atlaiyo, “Isalael so dia꞉ Lod Godtapo wa꞉ watle epo atluwa, wa꞉tapo ya꞉ opaye hapele alikili a꞉ma woyamaiya dloweyo, yia꞉tapo dalupa dulu dla tame ya꞉ hi di dla ta꞉demama daya delepo depame duwa.”

Ka꞉dle molo atlale yu Yonta ilimale 17:3

Epapedeme halepo halepo pasakalo kokoye wa꞉ koko malamolowe kokopo. Adipalati, wa꞉ye God ikadepe halapo. Epame halepo halepo pasakalo eye wa꞉ta tane dle oplami Yesu Keliso koko malamolowe kokopo.

Loum 11:28

Epedeme wata oloma hema Yu so opa opitapo ka꞉dle yu dla allimama God mate opahale demha꞉ha꞉po. Epapele koko tle ka꞉dle yu etapo po-Yu so wua꞉ dla puapo. Amasiyama epapele tlope Yu soye God meyelo sesalemale so opa ikadepepo. Adipalati, Yu sotapo ikadepe God ya꞉ opa depo ha꞉ha꞉lowe kokoye Godtapo yia꞉ mamadulo ka꞉yapa ha꞉ha꞉uwa so mate yu itiyapo me-himiwapo. Epapele koko tle Yu sotapo Godta dupa ellalo so ha꞉ha꞉po.

Epeses 1:17

Epame na꞉ta wua꞉ yilo di Lod Yesu ya꞉ A God dla inoma sumhalemde, ya꞉tapo Soko tle wua꞉ watle malamale ka꞉ka꞉dle hapilati wua꞉tapo God kokoye sikemte malastepo ha꞉ha꞉lepo depame.

Kolosi 1:10

Epedeme ditapo wua꞉ yilo inoma sumha꞉ha꞉ye, wua꞉ta ka꞉depo ha꞉ha꞉le pasakalo tle Lod dla siyele hamilipo depo amma. Epame wua꞉tapo ka꞉ka꞉dle koko tlo halomha꞉ha꞉mama dlomoko some milimelepo depo amma. Epame wua꞉ta God koko malamoloweta ta꞉lepo depo amma.

2 Pita 3:18

Amasiyama wua꞉ye Lod Yesu di pasakalo gadlalota bokotiyapo malamale mate epo wua꞉ta ya꞉ malamale koko mateta wua꞉ dulu dla ta꞉ta꞉diya. Epapedeme hela꞉dle mate epo itiyamale mateta Keliso dla kokó elepo ellepe. Koko iye ikadepepo.