Ekesedes 33:1 - Kamula

¹ Godta ma Moses watle epo atlaiyo, “Wa꞉ta Isip mo tle elempuwa opa mate mo i saliyome na꞉ta꞉ mo-powataliya wua꞉ watle hamili duwa mo dla tane. Adipalati, na꞉tapo A꞉iblaham mate epo Aisek mate epo Yokob mate dla yu itiyapo himmama mo eye yia꞉ mamadulo watle hamili duwapo.

Ekesedes 33:1 Iomraidhean Croise

Yeneses 12:7

Epalati Godta A꞉iblam watle woyapo epo atlaiyo, “Na꞉tapo wa꞉ mamadulo dla ta꞉la iye hamilowepo,” diyo. Epame A꞉iblamtapo God dla alinepi poyupo ha꞉lalo tile haiyo.

Yeneses 15:18

Alila oloma edla Godta A꞉iblam dla yu itiyapo himmama epo atlaiyo, “Wa꞉ mamadulo dla na꞉ta ta꞉la iye hamilowepo. Ta꞉la ya꞉ sukuluye ipo, Isip aloma tle kotiyapame tame Yupalates aloma pato dla gudepo.

Yeneses 26:1

A꞉iblahamta halale oloma edla sali pato silapomama daya pa꞉le kokota pualeye, epapele kokotapo ma mo edla puaiyo. Epalati Aisektapo Pilisteya so yia꞉ dokopala oplami Abimelekta hala mo Gela dla taiyo.

Yeneses 26:3

Wa꞉ta edla hallati na꞉tapo wa꞉ mate halemama wa꞉ gademhallowepo. Epame na꞉tapo wa꞉ a A꞉iblaham dla yu itiyapo himiwaye e dolumama mo eye wa꞉ dla epo wa꞉ mamadulo dla hamilowepo.

Yeneses 28:10

Epapedeme Yokobtapo Belseba mo saliyome ma Halan mo dla taiyo.

Yeneses 50:24

Epapeleye Yoseptapo mo-polowe mateka꞉pi dla polomama ya꞉ bapadulo watle epo atlaiyo, “Na꞉ye mo-polowe mateka꞉pi dla polapo. Amasiyama Godtapo wua꞉ye woloma omhallepe. Epame ya꞉tapo wua꞉ye Isip mo tle ma Keinan mo dla elemtelepe. Adipalati, ta꞉la iye ya꞉tapo di mamadulo A꞉iblaham mate epo Aisek mate epo Yokob mate dla hamilowepo depo yu itiyapo himiwapo.

Ekesedes 17:3

Amasiyama opatapo yú sikemte teta꞉lati Moses yu balemama epo atlamyaiyo, “Wa꞉ta dia꞉ye Isip mo tle alikili a꞉ma eleme woyamuwaye ipo yú teta꞉le koko tle dia꞉ mate epo di yimlala mate epame di aliya halo mate pallipo depo apuwa?” demyaiyo.

Ekesedes 32:1

Epame ma Mosesta tamali di dla hetame ma ilame hapele pomallalo wekelati Isalael sotapo A꞉lon hala dla puame alupame ya꞉ watle epo atlaiyo, “Di Isip mo tle hema elempuwa Mosesye hapele popuasema. Di podimalamana ya꞉ye hadima tauwo? Epedeme wa꞉ di elemtlowe godye dota mita꞉pene,” demyaiyo.

Ekesedes 32:13

Adipalati, wa꞉tapo di mamadulo A꞉iblaham mate epo Aisek mate epo Yokob mate dla yu itiyapo himiwa kokoye e malamane. Ame adipalati, wa꞉tapo yia꞉ watle epo atluwapo, yia꞉ mamadulotapo sikemte pasatamama tamili some hallepe. Epame wa꞉ta yia꞉ watle hamili duwa moye yia꞉ta halepe duwapo. Epame ta꞉la itapo yia꞉ hi mate kokó mepo ellepe duwapo,” diyo.

Ekesedes 32:34

Epapedeme na꞉ta wua꞉ watle hamilowepo depo yu itiyapo himiwa mo dla wa꞉ opa eleme ma-tane. Epalati na꞉ banakaka oplamitapo wua꞉ta tlati itapu tle telepe. Epapele dulu dla na꞉tapo yia꞉ watle yia꞉ bobtalimale asiyama hamilowe alilata woyamalati yia꞉ watle yia꞉ bobtalimale asiyamaye hamilowepo,” diyo.

Ekesedes 32:7

Epapele oloma dla Mosestapo tamali di dla ala me-hallati Godtapo opata koko halomha꞉ha꞉ natipame ya꞉ watle epo atlaiyo, “Wa꞉ ma ilame tulune. Adipalati, opa wa꞉ta eleme Isip mo tle alikili a꞉ma woyamuwaye batalimale koko pato halomha꞉ha꞉po.

Taiya dle so 7:36

Epedeme Mosesta ya꞉ opa Isip mo tle eleme woyamolowedeme ulugiyemale koko patoto Isip mo dla epo Omteka꞉pele Kaula dla halomuwapo. Epame ya꞉ opa Isalael so eleme Isip mo tle alikili dla woyamuwapo. Epo ya꞉tapo dalupa dulu dla ya꞉ opa eleme sokomoko 40 dulu dla sela꞉mama ulugiyemale koko patoto opi halomsela꞉uwapo.