Ekesedes 32:6 - Kamula

⁶ Epapeleye utulala ikadepe dla opatapo aliya haloye poyupo dlopi dota mita꞉pele god dla hapimama halomha꞉ha꞉iyo. Epame yia꞉tapo daya pato demama kawata yúye sikemte dlopame siyalemyemama wola꞉ mate epo opa mate uhalomyaiyo.

Ekesedes 32:6 Iomraidhean Croise

Ekesedes 32:5

Epalati A꞉lonta yu i dalepame God dla alinepi poyupo ha꞉lalo tileye bulumkiyawa aliya ya꞉ta mita꞉pele mateka꞉pi dla hapame epo atlaiyo, “Iyela God hi di dla ta꞉demama daya pato dlowepo,” diyo.

1 Kolin 10:7

Epame ma ditapo yia꞉ta biskapa god dla sisiyemha꞉ha꞉uwa epapalala depame. Adipalati, God yu bukata epo atlapo, “Yia꞉tapo biskapa god dla sisiyemama daya mate yú mate dlomolowedeme popa꞉uwapo. Epame ma sillipame siyaluwapo,” depo.

Bobotimatimale 11:10

Epame ta꞉lamo pato dla ha꞉ha꞉ so hapulomatapo opa dapiyamte iwolota palli koko dla sikemte sisiyemama yimkadulo watle namkale dle alisisi mate asiyama hami asiyama hami demha꞉ha꞉lepe. Adipalati, opa dapiyamte iwolota opa hapuloma dla wotiyalle pato hapimha꞉ha꞉mduwapo.