Ekesedes 32:30 - Kamula

³⁰ Epame ma alallati Mosesta opa watle epo atlaiyo, “Wua꞉tapo batalimale pato ma-halomalepo. Epapedeme na꞉ ma ilame tamali di dla wua꞉ bobtalimale yilo God mate yukamama otele himila hetlowepo. Adipalati, pona꞉malamana, ya꞉tapo wua꞉ bobtalimaleye hiyollowe sepena,” diyo.

Ekesedes 32:30 Iomraidhean Croise

Ekesedes 32:29

Epame Mosestapo Libai elele halomale so watle epo atlaiyo, “Wua꞉tapo God yu dalepo salladepame mo-wua꞉ amkadulo mate epo mo-wua꞉ asiyadulo mate potimolowe dla wowota꞉mama po-alina. Epapele koko tle wua꞉tapo Isalael so dulu dla God ka꞉ epo opa ka꞉ duka dla ha꞉ha꞉lalo so depo ha꞉ha꞉lepe,” diyo.

Yona 3:9

Adipalati, pona꞉malamana, Godta ya꞉ta malamale meyelope depame dia꞉ye popoyulalo wekelowe sepena,” diyo.

Ka꞉dle molo atlale yu Lukta ilimale 15:18

Epapedeme na꞉ ilame tame na꞉ a watle ipo atlowepo, “A, na꞉tapo God mate epo wa꞉ mate dla batalimale kokoye ma-hauwa.

Ka꞉dle molo atlale yu Lukta ilimale 7:47

Epapedeme na꞉ta wa꞉ dla ikadepe koko atlema. A꞉ya i ya꞉ batalimale hapulomaye mo-howahapo wellipo. Epedeme ya꞉tapo na꞉ sikemte malamale kokoye haliyamale dla botomastalepo. Amasiyama oplami antapo na꞉ta ya꞉ batalimale yimka꞉malaye howahapo wellipiye, asiyama ya꞉ta na꞉ malamaleye pase pato,” diyo.

Galasiya 3:13

Epedeme aiyalma koko dolumolowetapo dia꞉ye Godta kasilamale dulu dla elemtuwapo. Epalati Kelisotapo dia꞉ye Godta kasilamale dulu dla ha꞉ha꞉lati elepo alikili dla woyamuwapo. Epame asiyama ya꞉tapo dia꞉ yilo Godta kasilamale dulu dla tuwapo. Adipalati, God yu bukata epo atlapo, “Oplami antapo dali di dla powame ellepiye, ya꞉tapo Godta kasilamale dulu dla elapo,” depo.

2 Timoti 2:25

Epame ya꞉ta imale koko dla allilalo so dla asiyama ya꞉tapo yia꞉ye woloma sadle mate gadlalo hallepe. Adipalati, Saitenta yia꞉ye me-elemuwapo, yia꞉tapo ya꞉ta solotamale koko halomha꞉ha꞉lepo depame. Amasiyama ka꞉depo imalalo oplamitapo ikadepe kokoye yia꞉ dla woloma sadle mate imelepiye, eta yia꞉ta Godta gadle tle yia꞉ta malamale meyelope depame ikadepe koko imaleye hammama asiyama Saiten koko tlo memellowe sepena.

Yeims 5:16

Epapedeme wuskamu wua꞉ dulu dla wua꞉ bobtalimale kokoye bobotimatipame inoma sumale mate asiyama ta꞉de asiyama ta꞉de demha꞉ha꞉iya, Godta wua꞉ dulu dla esusulumale so hutiyeye ka꞉ka꞉dlepo depame. Adipalati, God mila꞉pi tle ka꞉depo hallalo oplamita inoma sumaleye sikemte itiyamana.