Ekesedes 32:27 - Kamula

²⁷ Epalati ya꞉tapo yia꞉ watle epo atlaiyo, “Isalael so di Lod Godtapo epo atlema, ‘Wua꞉ aipa꞉ya halopame kimna꞉ya dulu dla siyamama mo-wua꞉ amkadulo mate epame mo-wua꞉ asiyadulo mate potimtamalaiya,’” diyo.

Ekesedes 32:27 Iomraidhean Croise

Ekesedes 32:28

Epalati yia꞉tapo Moses yu dalepame kimna꞉ya dulu dla siyamama 3000 opaye potimaiyo.

Ekesedes 32:29

Epame Mosestapo Libai elele halomale so watle epo atlaiyo, “Wua꞉tapo God yu dalepo salladepame mo-wua꞉ amkadulo mate epo mo-wua꞉ asiyadulo mate potimolowe dla wowota꞉mama po-alina. Epapele koko tle wua꞉tapo Isalael so dulu dla God ka꞉ epo opa ka꞉ duka dla ha꞉ha꞉lalo so depo ha꞉ha꞉lepe,” diyo.

Ka꞉dle molo atlale yu Lukta ilimale 14:26

“Oplami antapo ya꞉ a mate epo ya꞉ wai mate epo ya꞉llu mate epo ya꞉ yimlala mate epo ya꞉ asiyadulo mate epame ya꞉ pasakalo mate dla malamale pato himhalemama asiyama na꞉ dla malamale yimka꞉mala himhallepiye, ya꞉ na꞉ dolumolowe po-ala꞉na.

2 Kolin 5:16

Epapedeme di wata oloma itle oplami haleye ta꞉lamo malamale tle ponatisema. Amasiyama di ka꞉yapa Yesu Keliso kokoye ta꞉lamo sota malamduwa epo malamduwapo. Epapele tlope di wata oloma hema ya꞉ kokoye epo pomalaha꞉ha꞉sema.