Ekesedes 32:19 - Kamula

¹⁹ Epedeme Mosesta kimna꞉ya dla tulume natilati biskapa god dota mita꞉pele bulumkiyawa aliya mila꞉pi sepele mate epo opata siyalle koko mate natipame sikemte siyaladiyo. Epammama ya꞉tapo ewala dapiyamteye medla pololemama susupolatalemaiyo.

Ekesedes 32:19 Iomraidhean Croise

Ekesedes 15:20

Epalati God yu molo atlalo a꞉ya, A꞉lon ya꞉ nana Miliyamtapo wola꞉ opi mate sila꞉sila꞉ halopo siyalemama Miliyamta itapu sala hamastepo yomaiyo.

Ekesedes 32:11

Amasiyama Godta malamale meyelope dlepo depame Mosestapo ya꞉ dla otele pato himimama epo atlaiyo, “God, wa꞉ta itiyamaletapo opa iwoloye Isip mo tle eleme alikili a꞉ma woyamuwapo. Epapedeme wa꞉ta siyaladleta yia꞉ye potimiya.

Ekesedes 32:18

Amasiyama Mosesta ya꞉ watle asiyama epo atlaiyo, “Hao, opahale sota kotlomale yu epapele podalesema. Amasiyama siyalemama sala sale yu tlo dalema,” diyo.

Ekesedes 34:1

Godta Moses watle ma epo atlaiyo, “Na꞉ta ka꞉yapa aiyalma kokoye ewala dapiyamte dla hatitipo hapilati wa꞉ta hauwokokomuwa epapele ewalaye ma amko mimita꞉pene. Epalati ma na꞉tapo aiyalma hatlo meye monolo hatitimolowepo.

Ma꞉tiyu 5:22

Amasiyama na꞉ matle koko hema ipo atlema. Oplami antapo ya꞉mkale dla siyaladle mate hallepiye, ya꞉ ma koko gladle dla hamamhetlepe. Epame oplami antapo ya꞉mkale watle, ‘wa꞉ poka꞉dle oplami’ dlepiye, ka꞉dena, wua꞉ ya꞉ye mo dokopala so dla hamamtame ya꞉ koko gladloweye. Epame oplami antapo ya꞉mkale watle, ‘wa꞉ yiyilamale oplami’ dlepiye, ka꞉dena, ya꞉ye asiyama Dlapa mo dla ka꞉stloweye.

Maka 10:14

Epalati Yesuta yia꞉ watle siyaladle mate epo atlaiyo, “Yimlalaye na꞉ hala dla pumula diya, yia꞉ humatlemiya. Adipalati, epapele sota God ya꞉ mo koko dla u-ulapo tulupe.

Maka 3:5

Yesuta Pa꞉lisi so tlapame yia꞉ watle sikemte siyaladiyo. Amasiyama ya꞉ ma yia꞉ yilo sikemte dupa koliyo. Adipalati, yia꞉ta oplami i gadlowe dla dupa kokalalimale tlapame. Epame do seme powale oplami watle epo atlaiyo, “Wa꞉ do dolene,” diyo. Epalati oplamita ya꞉ do dolle oloma edla ya꞉ dota ma-ka꞉diyo.

1 Kolin 10:7

Epame ma ditapo yia꞉ta biskapa god dla sisiyemha꞉ha꞉uwa epapalala depame. Adipalati, God yu bukata epo atlapo, “Yia꞉tapo biskapa god dla sisiyemama daya mate yú mate dlomolowedeme popa꞉uwapo. Epame ma sillipame siyaluwapo,” depo.

Epeses 4:26

Epame wa꞉ta siyaladle koko dulu dla siyaladle koko eta wa꞉ye batalimale dla semta demiya. Epame wa꞉ta siyaladle koko eta wa꞉ dla ala me-elemama sali tulu demiya.