Ekesedes 3:10 - Kamula

¹⁰ Epapedeme na꞉tapo wa꞉ye Isip so yia꞉ dokopala oplami Pelo hala dla tane dema, wa꞉tapo na꞉ opa Isalael soye eleme Isip mo tle alikili dla woyamelepo depame.”

Ekesedes 3:10 Iomraidhean Croise

Yeneses 15:13

Epame Godta ya꞉ watle epo atlaiyo, “Wa꞉ mamadulotapo ta꞉lamo hale dla tame ha꞉ha꞉mama asepe so some ta꞉la pa꞉le ha꞉ha꞉lepe. Epame yia꞉tapo 400 sokomoko dulu dla opa dla asiyama pa꞉le oko halomha꞉ha꞉mama wotiyalle dulu dla ha꞉ha꞉lepe.

Yeneses 15:14

Amasiyama yia꞉ dla wotiyalle hapilalo so dla asiyama na꞉ta wotiyalle hapilowepo. Epame wa꞉ opatapo mo etle alikili dla woyamama alisisi pasatale mate woyamelepe.

Ekesedes 12:40

Epapele dulu dla Isalael sotapo Isip mo dulu dla 430 sokomoko ha꞉ha꞉pame alikili dla woyamaiyo.

Ekesedes 33:12

Mosestapo God watle epo atlaiyo, “Wa꞉ta na꞉ watle atlemama opa iwoloye elemtane demhalapo. Amasiyama wa꞉ ala na꞉ gadepo tlowe oplamiye ponati-isema. Epame wa꞉tapo na꞉ natipo siyemama na꞉ye wa꞉mkale ikadepe demdepo.

Ekesedes 33:13

Amasiyama wa꞉ta ikadepe na꞉ dla siyemhalema dlepiye, na꞉ watle wa꞉ta malamale kokoye imane. Epalati asiyama na꞉tapo wa꞉ yu dla salladepo sela꞉lati wa꞉ta natipame siyemhala kokota me-ellepe. Epele dulu dla wa꞉ malamane, opa iwoloye wa꞉ta sesalemale sopo,” diyo.

Ekesedes 6:26

Epapedeme A꞉lon mate epo Moses mate ewolo dla Godtapo atlemama, “Isalael so elele hapulomaye Isip mo tle eleme alikili a꞉ma woyamaiya,” demduwapo.

Taiya dle so 7:34

Na꞉ na꞉ opata Isip mo dla wotiyalle hamha꞉ha꞉ye ma-natiwa. Epame yia꞉ta wotiyalle dulu dla ha꞉ha꞉mama a꞉lemha꞉ha꞉uwaye ma-daluwa. Epalati yia꞉ eleme Isip mo tle alikili a꞉ma woyamolowedeme mala. Epedeme na꞉ wata wa꞉ye Isip mo dla ma ilamtane dema.’

Taiya dle so 7:36

Epedeme Mosesta ya꞉ opa Isip mo tle eleme woyamolowedeme ulugiyemale koko patoto Isip mo dla epo Omteka꞉pele Kaula dla halomuwapo. Epame ya꞉ opa Isalael so eleme Isip mo tle alikili dla woyamuwapo. Epo ya꞉tapo dalupa dulu dla ya꞉ opa eleme sokomoko 40 dulu dla sela꞉mama ulugiyemale koko patoto opi halomsela꞉uwapo.

Taiya dle so 7:6

Epame matle Godta ya꞉ watle epo atluwapo, ‘Wa꞉ mamadulota asepe so some mo hale dla tame ha꞉ha꞉lepe. Epalati mo sota yia꞉ye asiyama pa꞉le oko pato dla hatitimelepe. Epalati yia꞉tapo wotiyalle dulu dla ha꞉ha꞉mama 400 sokomoko polollepe.

Taiya dle so 7:7

Amasiyama na꞉ta wa꞉ mamadulo watle wotiyalle hapimha꞉ha꞉ so watle asiyama wotiyalle hamilowepo. Epalati wa꞉ mamadulota mo e melepame ma hema puame na꞉ dla siyele hapimha꞉ha꞉lepe,’ duwapo.