Ekesedes 2:16 - Kamula

¹⁶ Epele dulu dla mo edla alinepi poyupo God dla hapilalo oplami halaiyo, ya꞉ hiye Yetlo. Ya꞉ye ya꞉ utukaka wolupalatalo 7 elemhalaiyo. Epapeleye yia꞉tapo yia꞉ a sipi aliya halo yú ilimolowedeme yú tilimala pumulaiyo.

Ekesedes 2:16 Iomraidhean Croise

Yeneses 14:18

Epame Salem mo dokopala oplami Melkisedek mape daya mate epo wain yú mate halopo A꞉iblam watle halopila puaiyo. Ya꞉ye di ikadepe dla hallalo God ka꞉ epo opa ka꞉ duka dla hallalo halaiyo.

Yeneses 24:11

Ya꞉ tame tamila꞉la mo edla woyapame mo alikili dla yú kolomale dla hedlati ka꞉mol aliyata medla hedepo hutiyemyaiyo. Amasiyama oloma eye mo edla ha꞉ha꞉lalo wola꞉ta yú tilimala pumulumdiyo.

Yeneses 24:13

Adipalati, na꞉ yú kolomale mateka꞉pi hema poloma. Epedeme ipilatalo hapulomata hema yú tilimala pumullupe.

Yeneses 29:2

Epapeleye ya꞉ puame mo edla natilati yú kolomaleye natiyo. Epame aliya halo alumale dapahatlopetapo yú kolomale mateka꞉pi edla yú dlowedeme hutiyemyela natiyo.

Yeneses 41:45

Epame Pelotapo Yosep watle hi amko hamimama Sapenat Paneya diyo. Epame ya꞉ watle Potipela yoti Asenat hamiyo. Oplami Potipela iye Heliyopolis mo dla Isip so yia꞉ god dla alinepi poyupo hapilalo oplami halaiyo. Epedeme Yoseptapo 30 sokomoko hallati Pelotapo ya꞉ watle mo dokopala depo omhallowe hi hamiyo. Epalati ya꞉tapo Isip mo pato dulu dla sela꞉mama mo hapulomaye tlamtamdiyo.

Ekesedes 18:1

Epapele dulu dla Mosestapo ka꞉yapa mo-powataliya ya꞉llu Sipola mate epo ya꞉ akimlala dapiyamte mate ya꞉ doko Yetlo hala dla taiya diyo. Moses yami ka꞉yapa itapu hamale hiye Gesom diyo. Adipalati, Mosesta epo atlaiyo, na꞉ye mo hema asepe puwapo. Epame yami hale hiye Eliyesel diyo. Adipalati, Mosesta epo atlaiyo, “Na꞉ a ya꞉ Godta na꞉ gademama Pelota siyaladle tle alikili a꞉ma seme woyamuwapo,” diyo. Epeleye Moses ya꞉ doko Yetlo iye Midiya mo dla alinepi poyupo God dla hapilalo oplami halaiyo. Epapeleye ya꞉tapo Godta Moses mate epo Isalael so mate dla gademama yia꞉ye eleme Isip mo tle alikili dla woyamale kokoye dalepame natila puaiyo.

Ekesedes 18:12

Epammama ya꞉tapo alinepi poyupo God watle hamimama namkale dle alisisi opi mate halopi-iyo. Epalati A꞉lon mate epo Isalael so dokopala so opa opi mate yimkata puame ya꞉ mate God mila꞉pi tle popa꞉mama daya deiyo.

Ekesedes 3:1

Epapedeme alila haletapo Mosesta ya꞉ doko Yetlo aliya halo omhalaiyo. Oplami iye Midiya mo dla aliya poyupo God dla hapilalo halaiyo. Epapeleye Mosestapo ya꞉ doko aliyaye eleme dalupa dulu dla sela꞉mama Sainai tamali kikiwi isili dla tame woyamaiyo. Tamali iye God ya꞉ aiyalma tamalipo.