Ekesedes 15:2 - Kamula

² Epedeme Godtapo na꞉ dla itiyamale hamilalo halapo epame na꞉ pasakalo gadlalo halapo. Epedeme na꞉ ya꞉ dla sala solowama. Epame na꞉ta ya꞉ye na꞉ God ikadepe demama ya꞉ hi di dla ta꞉dlowepo. Epame na꞉ mamadulo yia꞉ God ikadepe demama ya꞉ dla siyele hamilowepo.

Ekesedes 15:2 Iomraidhean Croise

Yeneses 17:7

Epedeme na꞉tapo wa꞉ mate epo wa꞉ mamadulo mate yia꞉ God depo hallowedeme yu itiyapo himili itapo kokó elepo ellepe.

Yeneses 49:18

Epapele dulu dla Yokobtapo epo atlaiyo, “Lod God, na꞉ wa꞉ta na꞉ pasakalo gadlowe koko dla omhalapo,” diyo. Epame ma ya꞉ akimlala dla helestame epo atlaiyo,

Ekesedes 14:13

Epalati Mosestapo epo atlaiyo, “Wua꞉ ase sikemte wowota꞉miya. Woloma kokalepo ha꞉ha꞉iya. Adipalati, wua꞉ wata Godtapo wua꞉ gadle kokoye natilipe. Ame adipalati, wua꞉tapo Isip so iwolo yia꞉ mila꞉piye matle ponatilowa.

Ekesedes 3:6

Epame Godta ma epo atlaiyo, “Na꞉ye wa꞉ mamadulo A꞉iblaham mate epo Aisek mate epame Yokob mate yia꞉ Godpo,” diyo. Epalati Mosestapo God natilowe wota꞉mama ya꞉ mila꞉piye bopudiyo.

Ekesedes 4:22

Epalati wa꞉ta ma Pelo watle ipo atellepe, Isalael soye na꞉ itapu himili maseyemala epapele some halapo.

Ekesedes 6:7

Epapedeme Isalael soye na꞉tapo na꞉ opa ikadepe dlepe, epame na꞉tapo yia꞉ God depo hallowepo. Epalati asiyama yia꞉tapo na꞉ye yia꞉ God demama Isip sota yia꞉ dla wotiyalle hamili tle alikili dla eleme tlalo God dlepe.

Ka꞉dle molo atlale yu Lukta ilimale 1:77

Wa꞉tapo ya꞉ opaye pasakalo halowe kokoye imelepe, eye Godta yia꞉ bobtalimale howahalowe kokoye apopo.

Ka꞉dle molo atlale yu Lukta ilimale 2:30

Adipalati, na꞉ inoma mate pasakalo gadlalo oplami, wa꞉tapo opa hapuloma dla hamiwaye na꞉ ma-natilipo.

Ka꞉dle molo atlale yu Yonta ilimale 4:22

Samaliya so wua꞉ye, wua꞉ta sisiyemde kokoye powua꞉malamana. Amasiyama di Yu so, dia꞉ tlo dita sisiyemde kokoye dimalamana. Adipalati, pasakalo gadle halowe kokoye hatlo Yu so tle puapo.

Ka꞉dle molo atlale yu Yonta ilimale 5:23

Epapele dulu dla Atapo koko i hauwapo, opatapo A dla heodemama sisiyemdiye, epammama yia꞉ta Maseyemala dla ma heodepo sisiyelepo depame. Epapedeme oplami antapo Maseyemala dla heodepo siyele pohamilalo halema꞉, ya꞉ye A God ya꞉ tane dle oplami dla mape heodepo siyele pohamimhalasema.

Taiya dle so 4:12

Yao, epapedeme Yesu hatlo ya꞉tapo pasakalo halowe halapo. Epedeme ta꞉lamo pato hema oplami hale hawa ikadepe opata pasakalo hallowe haloweye, hatlo Yesupo.”

Epeses 2:22

Epedeme po-Yu so wua꞉ye Keliso tle aya dulu hema aya halë dali opi epapele some ha꞉ha꞉po. Epalati Godta ya꞉ Hela꞉dle Soko tle aya dulu hema hallalo halapo.

Pilipi 2:11

Epapedeme hapulomatapo di A God hiye di dla ta꞉dlowedeme Yesu Kelisoye Lod dlepe.

Pilipi 4:13

Epapedeme na꞉ Kelisota itiyamale hamiwa tle koko hapuloma halomoloweye ma-ala꞉na.

Kolosi 2:9

Amasiyama Keliso moto dulu dla God koko hapulomatapo pasatepo halapo.

Bobotimatimale 15:3

Yia꞉tapo Godta yia꞉ watle hapili woiyo yulumha꞉ha꞉mama God yu dla salladepo sela꞉lalo oplami Moses sala mate epo La꞉m sala mate ipo dodolalimha꞉ha꞉uwa, “Lod God wa꞉ye sikemte itiyamana. Wa꞉ta koko halomale hapulomaye sikemte patoto epame pta ka꞉ka꞉pi. Wa꞉tapo ta꞉lamo hapuloma dulu dla dokopala halapo. Wa꞉ koko hapulomaye ka꞉dena epame ikadepe.

Bobotimatimale 19:1

Koko ita tame gudlati na꞉ matle Pepele di dla opa hapulomata yuhalë yu epapele daluwa. Yia꞉tapo epo atluwa, “God dla sisiyeiya. Adipalati, pasakalo gadlowe koko mate epo hela꞉dle koko mate epame itiyamale koko mateye hatlo di God tetepo.