Ekesedes 14:22 - Kamula

²² Epalati yúta duka gladepame duka dla ta꞉la sekelleta woyamellati Isalael sota etle seme dla ulumha꞉ha꞉iyo. Yia꞉ kaula patoye ta꞉la sekelle tle ulumha꞉ha꞉mama natilati yútapo seme mate seme mate dla kosukulli some halaiyo.

Ekesedes 14:22 Iomraidhean Croise

Ekesedes 14:29

Epedeme alila oloma edla Godtapo Isalael soye Isip so do tle eleme alikili a꞉ma woyamaiyo. Adipalati, ya꞉tapo kaula patoye duka gladepame yúta seme mate seme mate dla kosukulli some hallati Isalael sotapo ta꞉la sekelle tle seme dla uliyo. Asiyama Isip sotapo ullati yú patota ma godemama poyuiyo. Epalati Isalael sotapo Isip so palli motoye yú peleyama dla hutiyemyelati tlamaiyo.

Ekesedes 15:19

Epapedeme sala iye Isalael sotapo God hi di dla ta꞉demama dolumaiyo. Adipalati, Godtapo kaula patoye duka gladlati Isalael sota ta꞉la sekelle tle seme dla uliyo. Amasiyama Isip sota ullati Godta yúye ma hame puame bopudemama yia꞉ye poyuiyo.

Ekesedes 15:8

Epame wa꞉ta hedletapo mosisi some bibikilimama kaula patoye duka gladuwapo. Epalati yútapo kokalepame kosukulli some haluwapo.

1 Kolin 10:1

Mikadepe dle so namkadulo, na꞉ ma posolotamasema, wua꞉tapo di mamadulo dla wowoyamuwa koko woweliloweye. Yia꞉tapo Isip mo tle alikili dla woyapame tamallati Godtapo wualaye hamiwapo, yia꞉ eleme telepo depame. Epame ya꞉tapo yia꞉ye eleme kaula pato duka gladepame ta꞉la sekelle tle seme dla uluwapo.

Hibulu 11:29

Mikadepe dle koko tle Isalael sotapo Omteka꞉pele Kaula duka gladepame isikimi ta꞉la sekelle tle uluwapo. Amasiyama Isip so opatapo yia꞉ ma api hatlo metle ulluwa depo ullati yúta yia꞉ye poyuwapo.