Epame wata oloma itle kotiyapo tamama akimlala hohopo alila 8 umalati kapala kotima demha꞉ha꞉lepe. Epammama wa꞉ oko so hapuloma mate epo yia꞉ akimlala mate kapala kotima demha꞉ha꞉lepe. Epame asepe oplamita puame wa꞉ oko hamhallepiye, ka꞉dena ya꞉ mate epo ya꞉ akimlala mate kapala kotimha꞉ha꞉loweye. Wua꞉ moto dla ulu hutiyetapo wua꞉ta na꞉ta yu itiyapo himili koko dulu edla ha꞉ha꞉ye alila hapuloma dla botomastamhallepe.
Ekesedes 12:48 - Kamula48 Epame asepe so wua꞉ mate ha꞉ha꞉ dulu hema yia꞉ ma Godta Namilatale daya dele iye yia꞉ mate dlowe solotamelepiye, yia꞉ ka꞉yapa yia꞉ opa siyapo tatle kapala kotimelepe. Epame yia꞉tapo wua꞉ mate Namilatale daya deleye yimkata delepe. Daya dele iye kapala pokestlalo wekele oplamitapo podlowa. Faic an caibideil |
Ekesedes 12:48
12 Iomraidhean Croise
Amasiyama alila 7 dulu edla Isalael so opa aya dulu dla yist hutiyelepiye, alikili dla polollepe. Epame dulu edla oplami antapo palawa dayaye yist mate dukupo delepiye, ya꞉ye Isalael so tle alikili a꞉ma mosukulu geda꞉dlepe. Epapele dulu dla asepe so opi wua꞉ mate ha꞉ha꞉ mape palawa dayaye yist mate dukupo podlomha꞉ha꞉lowa. Epedeme wua꞉ alotle mo hadima tame ha꞉ha꞉mtelepiye, wua꞉ koko iye me-hademha꞉ha꞉lepe.”
Epedeme Keliso dulu dla hukulli hawa ikadepe. Epapedeme Yu so mate po-Yu so mate ma hatlope, epame wotiyalle dulu dla asiyama pa꞉le oko halalo so mate epo yia꞉ omha꞉ha꞉lalo so mate ma hatlope. Epame opa mate wola꞉ mate ma hatlope. Adipalati, wua꞉ta hapulomaye Keliso dulu dla ma hatlope depo ha꞉ha꞉po.
Epedeme amko koko dulu hema opa duka hukulliye hawa. Epapedeme Yu so mate epo po-Yu so mateye ma ma-hatlopepo. Epame kapala kotimale so mate epo kapala pokotimalalo wekele so mateye ma-hatlopepo. Epame yu meyelope meyelope dle so mate epo mo pateka꞉mu dla ha꞉ha꞉lalo so mate ma ma-hatlopepo. Epame asiyama pa꞉le dla oko halomalalo so mate epo yia꞉ dokopala so mate ma ma-hatlopepo. Adipalati, hatlo Kelisota koko pato halapo. Epame ya꞉tapo mikadepe dle so hapuloma dulu dla halapo.
Sanasan