Ekesedes 11:3 - Kamula

³ Adipalati, Godtapo Isip so dla dupa malamale ka꞉dle hamiyo, ma yia꞉tapo Isalael so mate ka꞉pi namkale demha꞉ha꞉lepo depame. Epammama Pelo ya꞉ oko so mate epo Isip so hapuloma matetapo ma Mosesye pato oplami demdiyo.

Ekesedes 11:3 Iomraidhean Croise

Yeneses 12:2

Epame na꞉tapo wa꞉ gademama wa꞉ mamaduloye ma a꞉ma pasatepo mellowepo. Epame wa꞉ hi mape pato dlowepo. Epapele dulu dla wa꞉ dla siyele hamilalo so dla asiyama na꞉ta yia꞉ dla siyele hamilowepo. Epame wa꞉ dla wotiyalle hamilalo so dla asiyama na꞉tapo yia꞉ dla wotiyalle hamilowepo. Epapedeme wa꞉ tle ta꞉la so hapuloma dla siyele hampulupe.”

Yeneses 39:21

Amasiyama Godtapo Yosep mate halemama ya꞉ye gadle pato himhalaiyo. Epalati amtuwale aya omhallalo oplamitapo ya꞉ dla ka꞉dle koko natipame ma ya꞉ watle amtuwale aya dulu dla ha꞉ha꞉lalo so hapulomaye omhalane diyo. Epalati Yosepta amtuwale aya dulu dla ha꞉ha꞉lalo soye woloma ka꞉pi omhallati natipame amtuwale aya omhallalo oplamitapo koko opi pohalomalalo isikimi Yosep dla pomelepame me-omhalaiyo.

Ekesedes 12:35

Epame yia꞉tapo Mosesta yu atlamale e dolumama Isip so dla gold alisisi mate epo silba alisisi mate epo tluka alisisi mate dlalepo halopame tamalaiyo.

Ekesedes 12:36

Adipalati, Godtapo Isip so dla dupa malamale ka꞉dle hamiyo, ma yia꞉tapo Isalael so mate ka꞉pi namkale demha꞉ha꞉lepo depame. Epedeme Isalael sota mo-tlowedeme Isip so watle alisisi otlomyelati Isip sotapo alisisi hapulomaye yia꞉ watle halopiyo. Epapele koko tle Isalael sotapo ma-tamalemama Isip so yia꞉ alisisi ka꞉ka꞉dle hapulomaye halopo alikili dla woyamaiyo.

Ekesedes 3:21

Epedeme na꞉tapo Isip so dla wotiyalle hamilowe alotle yia꞉tapo wowota꞉mama wua꞉ta solotamale koko hapulomaye halopimyelepe. Epalati wua꞉tapo Isip mo e saliyome tamalemama yia꞉ alisisi hapulomaye halopo tamellepe.

Taiya dle so 7:22

Epalati Mosesta ta꞉lati Isip sota ya꞉ye sukulu malamale ka꞉dle imuwapo. Epame ya꞉ta yukamale mate epo motota koko halë mate itiyamale pato halemduwapo.

Bobotimatimale 3:9

Wa꞉ dalene! Na꞉ta Saiten ya꞉ opaye elempuame wa꞉ hete sitali isili dla pomellepe. Epalati yia꞉ta edla popa꞉mama na꞉ta wa꞉ bokotiyapo malamale kokoye malanatilipe. Epedeme opa iwolota mala-atlamyemama yiskamu yia꞉ye Yu sopo demdepo. Epele tlope yia꞉ po-Yu so ikadepe.