Bobotimatimale 9:14 - Kamula

¹⁴ Yu eta yo hulu sisilamalalo banakaka oplami dla epo atluwa, “Yupalates aloma pato pili dla banakaka so opa dapiyamte dapiyamte dle dea mate yulupo ha꞉ha꞉ye totowatimane.

Bobotimatimale 9:14 Iomraidhean Croise

Yeneses 15:18

Alila oloma edla Godta A꞉iblam dla yu itiyapo himmama epo atlaiyo, “Wa꞉ mamadulo dla na꞉ta ta꞉la iye hamilowepo. Ta꞉la ya꞉ sukuluye ipo, Isip aloma tle kotiyapame tame Yupalates aloma pato dla gudepo.

Yeneses 2:14

Epame matle aloma hale tladle hiye Tigilispo. Aloma itapo Asul mo tle salita matlalo tiyama dla yapo. Epalati matle aloma hale tladleye Yupalatespo.

Bobotimatimale 16:12

Epalati ma banakaka oplami haleta ya꞉ isilakoye Yupalates aloma pato dla olostauwa. Epalati aloma patotapo pitauwa, salita matlalo tiyama tle dokopala sota yia꞉ opa elempulupo depame.

Bobotimatimale 7:1

Epedeme koko ita tame gudlati na꞉ banakaka so dapiyamte dapiyamte dleta ta꞉lamota tame gugudle dapiyamte dapiyamte dle dla tame ha꞉ha꞉la natiwa. Godta yia꞉ dla itiyamale hamiyo, yia꞉tapo ta꞉lamo mate kaula pato mate epo dalupa mateye mosisita bobtalimelepo depame. Amasiyama yia꞉tapo mosisita bibikilimalala depame ala me-himomeleme ha꞉ha꞉uwa. Epame na꞉ ma banakaka oplami haleta salita matlalo tiyama tle matla natiwa. Ya꞉ matamama pasakalo hallalo Godta ya꞉ watle hamili ukule mate hampuwa. Epame ya꞉tapo yu teta꞉le mate banakaka so dapiyamte dapiyamte dle dla epo atluwa,

Bobotimatimale 8:2

Epame na꞉ matle banakaka so opi 7 God mila꞉pi tle ha꞉ha꞉lalo sota ha꞉ha꞉la natiwa. Epame yia꞉ dla hulu 7ye halopiwa.

Bobotimatimale 8:6

Epedeme banakaka so 7ta hulu sisilamolowedeme dinapopo ha꞉ha꞉uwa.

Bobotimatimale 9:15

Adipalati, yia꞉ye ma-dinapopo ha꞉ha꞉po ta꞉lamo so hapuloma hukulli dapahatlope dulu dla alumale hatlope dulu dla ha꞉ha꞉lalo so tlo potimolowedeme. Epedeme wata iye yia꞉ alilapo epo yia꞉ mamapo epo yia꞉ sokomokopo,” duwa. Epela dalepame banakaka oplami yo hulu sisilamalalota tame yia꞉ye dea totowatimuwa.