Bobotimatimale 6:16 - Kamula

¹⁶ Epammama yia꞉tapo tamali mate epo ewala patoto mate dla epo atlamyeuwa, “Dia꞉ye bopudiya, Godta di ponatilalo wekelepo depame. Epame ditapo La꞉mta siyaladle tle hemele haohaodlepo depame.

Bobotimatimale 6:16 Iomraidhean Croise

Ma꞉tiyu 26:64

Yesu asiyama epo atlaiyo, “Yao, mowolo ma-atlapo. Epame na꞉ wua꞉ dla ma-atlema. Wua꞉ Opa Yamiye God dowala tiyama dla polla natilipe. Epame ya꞉tapo pepele di tle wuala dulu dla malla natilipe.”

Maka 3:5

Yesuta Pa꞉lisi so tlapame yia꞉ watle sikemte siyaladiyo. Amasiyama ya꞉ ma yia꞉ yilo sikemte dupa koliyo. Adipalati, yia꞉ta oplami i gadlowe dla dupa kokalalimale tlapame. Epame do seme powale oplami watle epo atlaiyo, “Wa꞉ do dolene,” diyo. Epalati oplamita ya꞉ do dolle oloma edla ya꞉ dota ma-ka꞉diyo.

Ka꞉dle molo atlale yu Lukta ilimale 23:30

Adipalati, epapele oloma edla ‘opatapo epo atlamyelepe, “Tamali mate tutuka꞉ pemtalalimale mate, dia꞉ dla illipo malame bopudiya,”’ demyelepe.

Bobotimatimale 10:6

Epame ya꞉ta God hi tle yu teta꞉le mate epo atluwa, “Kokó halepo hallalo Godtapo pepele di mate ta꞉lamo mate epo kaula pato mate epame dulu edla ha꞉ha꞉lalo alisisi hapuloma mate mimita꞉puwapo. Epedeme na꞉tapo ya꞉ hi tle ikadepe koko atlema. Godta ya꞉ta hali dle koko haloweye podekellowa.

Bobotimatimale 19:15

Epame ya꞉ mati tle woyamolowe aipa꞉ya haka꞉lletapo ta꞉lamo so opa hapulomaye posalepame yia꞉ye tla꞉mtelepe. Epame ya꞉tapo sikemte itiyamale mate ma yia꞉ye omhalemama Godta kasilamale ita dulu dla gla꞉pi dlomoko kolumaleye hete dollepe.

Bobotimatimale 20:11

Na꞉ matle dokopala oplamita pollalo kamale alisisi pato di dla Godta polla natiwa. Epalati ta꞉lamo mate epo pepele di mateta ya꞉ tle mosukulu potlati oplami haleta ma yia꞉ ponatina.

Bobotimatimale 4:2

Epalati pakasiyamalalo Hela꞉dle Sokota na꞉ye halati toko Pepele dimo dla natitepo Godta ya꞉ta pollalo mo dla polla natiwa.

Bobotimatimale 4:5

Epame Godta pollalo mo tle omaplata halë mate hela꞉hela꞉dle mateta wowoyamhaluwa. Epame ya꞉ta pollalo mila꞉pi tle tuloma 7ta ota꞉mtipo ullalimha꞉ha꞉lati natiwa. Tuloma iye God ya꞉ Soko 7po.

Bobotimatimale 4:9

Epedeme pasakalo ha꞉ha꞉ alisisi dapiyamte dapiyamte dletapo God dla sisiyele mate ya꞉ hi di dla ta꞉dlepiye, dokopala so 24 mape oloma medla ya꞉ dla heodepo popa꞉mama ya꞉ dla siyele hamimdepo. Adipalati, ya꞉ye kokó halepo hallalopo. Yia꞉tapo yia꞉ dokopala alisisi ya꞉ mila꞉pi dla hatitipame epo atlamdepo,

Bobotimatimale 5:1

Na꞉ Godta ya꞉ta pollalo dla polla natitepo ya꞉ dowala do dla pepa pollita ellati natiwa. Pepa edla dulu mate epo alikili mate yu ilimana. Epame pepa polli eye dea 7ta yulupo hutiyelati natiwa.

Bobotimatimale 6:10

Yia꞉tapo yu teta꞉le mate epo atluwa, “Di pato Lod, wa꞉ye aiyalma mate epo ikadepe matepo. Wa꞉ adipalalo ta꞉lamo so koko gladepame di omali koko dla asiyama hamipa꞉?” duwa.

Bobotimatimale 9:6

Epalati alila oloma edla opatapo palliwe solotamelepe, amasiyama yia꞉ popalliwa.