Bobotimatimale 4:8 - Kamula

⁸ Yia꞉ta hapulomatapo suku 6 watalota ha꞉ha꞉mama inomata yia꞉ moto hapulomaye hapo ha꞉ha꞉uwa. Yia꞉ suku isili ma inoma watalo. Epapele dulu dla ewolotapo alila hapuloma mate epo utula꞉la hapuloma mate dulu dla ipo atlamha꞉ha꞉mdepo, “Aiyalma, aiyalma, aiyalma, di Lod Godye sikemte aiyalmapo, epame sikemte itiyamalepo. Ya꞉ye ka꞉yapa haluwapo, epame wata me-halapo, epame ya꞉ye alotle ma me-hallepe.”

Bobotimatimale 4:8 Iomraidhean Croise

Yeneses 17:1

A꞉iblamta 99 sokomoko halale oloma edla Godta ya꞉ dla woyapame epo atlaiyo, “Na꞉ye itiyamale Godpo. Epedeme wa꞉ na꞉ mila꞉pi tle sela꞉mama woloma ullu pa꞉po hallepe.

Ekesedes 15:11

Epapedeme god hale wa꞉ epapele halema꞉? Hao, hawa ikadepe. Adipalati, wa꞉ye sikemte aiyalma depo halemama hela꞉dle mate itiyamale mate halapo. Epame wa꞉tapo ulugiyemale koko patoto halomdepo.

Ekesedes 3:14

Epapalati Godta Moses watle epo atlaiyo, “Na꞉ye Na꞉po. Epedeme wa꞉ Isalael so hala dla tame yia꞉ye atlamane, na꞉ye yia꞉ mamadulo A꞉iblaham mate epo Aisek mate epo Yokob mate yia꞉ Godpo. Epame na꞉ hiye Na꞉ye Na꞉po. Epapedeme na꞉ hi etapo kokó elepo ellepe. Epapedeme wata oloma itle kotiyapo tamama opa hapulomatapo na꞉ hi eye malastlepe.

Taiya dle so 20:31

Epedeme wua꞉ yu i malaha꞉ha꞉mama woloma omha꞉ha꞉iya. Adipalati, na꞉tapo sokomoko dapahatlope dulu dla alila hapuloma epo utula꞉la hapuloma dla koko hema wua꞉ dla amale mate imsela꞉mduwapo. Epapedeme na꞉ta imale koko iye wowelimiya.

1 Tesalonika 2:9

Epapele dulu dla ditapo wua꞉ mate ha꞉ha꞉mama dita dlowe alisisi mate epo dita solotamale alisisi opi mate e ala꞉lowedeme ditapo utula꞉la hapuloma mate epo alila hapuloma mate di moto mate oko pato hamha꞉ha꞉uwaye, wua꞉malamana. Epapele koko tle dita God tle puale ka꞉dle yu atlamsiyamama wua꞉ dla alisisi po-otomdena.

1 Timoti 4:16

Wa꞉ wolomape! Wa꞉ woloma ikadepe koko tlo imhalemama ka꞉ka꞉dle koko tlo halomhalane. Wa꞉ta epapelepiye, Godtapo wa꞉ pasakalo mate epo wa꞉ta imhala opa yia꞉ pasakalo mateye gadlepe.

Hibulu 13:8

Yesu Kelisoye alila hapuloma dulu dla pomeyelope desemde. Epapedeme ya꞉tapo tatla mate epo watapo mate epame iyela mate mila꞉pi hatlo mepo halemdepo.

Bobotimatimale 1:4

Na꞉ Yontapo Asiya mo dulu dla sos 7 dla namkale dle yu atlema. God halapo, epame ka꞉yapa haluwapo, epame ya꞉ matle hallepe. Epedeme wua꞉ ya꞉ tle bokotiyapo malamale mate sadle mate halomaiya. Epame ya꞉ mila꞉pi dla ha꞉ha꞉lalo Soko 7 tle ma bokotiyapo malamale mate sadle mate halomaiya.

Bobotimatimale 1:8

Epapedeme Lod Godta epo atlapo, “Na꞉ye kotiyamale mate epo sukulu matepo. Epame na꞉ye wata halapo, epame ka꞉yapa haluwapo, epame ma alotle hallepe. Na꞉ye itiyamalepo.”

Bobotimatimale 11:17

“Lod God wa꞉ itiyamalepo. Wa꞉ye ka꞉yapa haluwapo epame wata halapo. Epedeme di wa꞉ hi di dla ta꞉dema. Adipalati, ta꞉lamo pato iye wa꞉ta itiyamale pato mate omhalloweye mo-kotiyamapo.

Bobotimatimale 14:11

Yia꞉ dla wotiyalle hamilalo dlapaye sumtlowe poya꞉malamana. Epame ya꞉ namiletapo alila hapuloma dulu dla mepo hetama hallepe. Epedeme wotiyalle dulu edla ha꞉ha꞉lalo so dla hedle hale ponatilowa. Adipalati, yia꞉tapo ulugiyemale alinepi tle ulu halopame ma ya꞉ dla epo ya꞉ mila꞉pi sepele dlopi dota mita꞉ple dla heodepo sisiyemha꞉ha꞉uwapo.

Bobotimatimale 14:3

Epalati 144,000 sota Godta pollalo mo mate epo pasakalo ha꞉ha꞉lalo alisisi dapiyamte dapiyamte dle mate epame dokopala so mate yia꞉ mila꞉pi tle ha꞉ha꞉mama sala amko semha꞉ha꞉uwa. Sala iye oplami haletapo malamoloweye po-ala꞉na. Amasiyama isikimi 144,000 opa yia꞉ tlo sala iye yia꞉malamana. Opa iwoloye ta꞉lamo tle Godtapo asiyama mate ma-hohomuwapo.

Bobotimatimale 15:3

Yia꞉tapo Godta yia꞉ watle hapili woiyo yulumha꞉ha꞉mama God yu dla salladepo sela꞉lalo oplami Moses sala mate epo La꞉m sala mate ipo dodolalimha꞉ha꞉uwa, “Lod God wa꞉ye sikemte itiyamana. Wa꞉ta koko halomale hapulomaye sikemte patoto epame pta ka꞉ka꞉pi. Wa꞉tapo ta꞉lamo hapuloma dulu dla dokopala halapo. Wa꞉ koko hapulomaye ka꞉dena epame ikadepe.

Bobotimatimale 15:7

Epame pasakalo ha꞉ha꞉lalo alisisi dapiyamte dapiyamte dle dulu dla haleta banakaka so 7 dla kokó halepo hallalo Godta kasilamale pasatale isilako 7ye hapiwa.

Bobotimatimale 16:14

Bataliya yimlala iwoloye ulugiyemale koko patoto halomolowe yia꞉malamana. Epedeme yia꞉tapo ta꞉lamo dokopala so hapulomaye yia꞉ opa mate elempulupe, Godta sale alilata umulati God mate opahale dlowedeme.

Bobotimatimale 16:7

Na꞉ matle God dla namkale dle alisisi ha꞉lalo tile tle yuta epo atla daluwa, “Lod God, wa꞉ye itiyamalepo. Ikadepe, wa꞉ta koko gladleye pta ka꞉pi, koko hale hotale hawa ikadepe.”

Bobotimatimale 19:15

Epame ya꞉ mati tle woyamolowe aipa꞉ya haka꞉lletapo ta꞉lamo so opa hapulomaye posalepame yia꞉ye tla꞉mtelepe. Epame ya꞉tapo sikemte itiyamale mate ma yia꞉ye omhalemama Godta kasilamale ita dulu dla gla꞉pi dlomoko kolumaleye hete dollepe.

Bobotimatimale 19:4

Epalati dokopala so 24ta pasakalo ha꞉ha꞉lalo alisisi dapiyamte dapiyamte dle mateta Godta pollalo mila꞉pi tle alumata kellepo popa꞉mama God dla sisiyele ta꞉duwa. Epammama yia꞉ta epo atluwa, “Koko eta mepapelepe. Epedeme God dla sisiyeiya.”

Bobotimatimale 21:22

Amasiyama mo dulu edla aiyalma aya tlo ponatina. Adipalati, sikemte itiyamale Lod God mate La꞉m mateta mo edla yia꞉tapo aiyalma aya depo ha꞉ha꞉po.

Bobotimatimale 3:7

“Piladelepiya sos banakaka oplami dla yu iye ilipo hamine. Na꞉ye aiyalma epo ikadepepo. Na꞉ye Deibidi kokoloma elo hamhallalopo. Epedeme na꞉ta kokoloma gowaladlepiye, ma oplami haleta pohimomollowa. Epame na꞉ta kokoloma himomellepiye, ma oplami haleta pogowaladlowa. Epedeme na꞉ ipo atlema,

Bobotimatimale 4:4

Epame ya꞉ta pollalo alikili tle dokopala so 24ta yia꞉ta popa꞉lalo dla popa꞉lati natiwa. Yia꞉ popa꞉mama tluka kamkamale didiyepo gold dokopala alisisi didiyepo popa꞉uwa.

Bobotimatimale 4:6

Epame ya꞉ta pollalo mila꞉pi tle galasi kaula alisiyamale sepeleta hela꞉lemtame ellati natiwa. Epame Godta pollalo alikili mateka꞉pi medla pasakalo ha꞉ha꞉lalo alisisi dapiyamte dapiyamte dleta ha꞉ha꞉la natiwa. Yia꞉ mila꞉pi mate epo yia꞉ ko mateye inomata pasatame ha꞉ha꞉la natiwa.

Bobotimatimale 4:9

Epedeme pasakalo ha꞉ha꞉ alisisi dapiyamte dapiyamte dletapo God dla sisiyele mate ya꞉ hi di dla ta꞉dlepiye, dokopala so 24 mape oloma medla ya꞉ dla heodepo popa꞉mama ya꞉ dla siyele hamimdepo. Adipalati, ya꞉ye kokó halepo hallalopo. Yia꞉tapo yia꞉ dokopala alisisi ya꞉ mila꞉pi dla hatitipame epo atlamdepo,

Bobotimatimale 5:6

Epalati na꞉ Godta pollalo mo dla pasakalo ha꞉ha꞉ alisisi mate epo dokopala so mate dulu dla sipi aliya yemala La꞉mta halla natiwa. La꞉m aliya eye opata yumili ulu walena. La꞉m eye pate 7 epame inoma 7 dena. Inoma 7ye Godtapo ta꞉lamo hapuloma dla taiya dle Soko 7po.

Bobotimatimale 6:1

Na꞉ natilati La꞉mta pepa polli yulumale dea 7 dulu dla dea hatlo kestlati natiwa. Epalati pasakalo ha꞉ha꞉lalo alisisi dapiyamte dapiyamte dle haleta yukamama omapla some gulludemama, “Puane,” duwa.

Bobotimatimale 6:6

Pasakalo ha꞉ha꞉ alisisi dapiyamte dapiyamte dle dulu dla yuta ipo atlati daluwa, “Daya pa꞉le kokota pulupe. Epedeme alila hatlope oko asiyamatapo witi daya isikimi 1 lita epapele halepe. Epame alila hatlo oko asiyamatapo bali daya isikimi 3 lita epapele halomelepe. Epapele dulu dla ope mate epame wain yú mate pobatalimolowa,” duwa.

Bobotimatimale 7:11

Epame dokopala so mate epo pasakalo ha꞉ha꞉ alisisi mateta Godta pollalo mo mateka꞉pi dla ha꞉ha꞉lati banakaka so hapulomatapo alikili tle sillidepo ha꞉ha꞉mama God mila꞉pi tle heodepo ya꞉ dla siyele ta꞉demama epo atlamyeuwa,

Bobotimatimale 7:15

Epapedeme yia꞉ta Godta pollalo mila꞉pi tle ha꞉ha꞉mama ya꞉ aiyalma aya dulu dla alila mate utula꞉la mate ya꞉ hi di dla ta꞉demha꞉ha꞉po. Epalati Godta meyelo yia꞉ye omhalemama yia꞉ gademhalapo.