Bobotimatimale 22:19 - Kamula

¹⁹ Epame oplami antapo buka dulu hema yu hutiye opiye hiyotimelepiye, Godtapo ya꞉ta pasakalo hamilalo dlomoko dali tle dlomoko dowahame dloweye aiyalma himilipe. Epame ya꞉tapo Yelusalem mo amko dulu dla tuluwe api ma himomellepe.

Bobotimatimale 22:19 Iomraidhean Croise

Ekesedes 32:33

Epalati Godta asiyama Moses watle epo atlaiyo, “Opa anawolotapo na꞉ dla batalimale koko mo-halomuwa, opa ewolo hi tlope na꞉tapo na꞉ buka tle hiyotimolowepo.

Ka꞉dle molo atlale yu Lukta ilimale 11:52

Epapedeme ka꞉e, aiyalma imalalo so, wua꞉ wolomape! Adipalati, wua꞉ta God ya꞉ mo koko malamolowe kokoloma eloye wua꞉ta hemele hatiyomeleme ha꞉ha꞉po. Epo wua꞉tapo opata kokoloma etle tulala depame himomelepame ma muwolo potumulasema.”

Bobotimatimale 1:3

Yu i sesa꞉lalo oplami dla Godtapo siyemhalapo. Epame yu i dalepame yia꞉ dupa dulu dla hatitimalalo so dla ma Godtapo siyemhalapo. Adipalati, koko hapuloma ita wowoyamolowe alilaye mo-mateka꞉pi halapo.

Bobotimatimale 11:2

Amasiyama aiyalma aya alikili tlo ala꞉miyo. Adipalati, eye po-Yu sota halepo depame alikili dla pomoluwapo. Yia꞉tapo edla ha꞉ha꞉mama Yelusalem moye 42 mama dulu dla hete dolemha꞉ha꞉lepe.

Bobotimatimale 13:8

Epalati ta꞉lamo so opa hapulomatapo ya꞉ dla heodepame sisiyemha꞉ha꞉uwa. Amasiyama ta꞉lamo ala pomita꞉plalo hallati Godta opa anawolo hiye Pasakalo Buka dla ma-hatitimuwa, opa ewolota ulugiyemale alinepi dla heodepo posisiyena. Epedeme Pasakalo Buka iye opata yumili La꞉m tetepo.

Bobotimatimale 14:13

Na꞉ pepele di tle yuta epo pulati daluwa, “Buka dla yu iye ilimane. Wata oloma itle tamalemama mikadepe dle dulu dla ha꞉ha꞉mama palli sota sisiyelepe,” duwa. Epalati Hela꞉dle Sokota asiyama epo atluwa, “Ikadepe, yia꞉ matle wotiyalle ponatilowa, amasiyama aseka hedepo ha꞉ha꞉lepe. Adipalati, yia꞉ta ka꞉dle koko halomha꞉ha꞉lati asiyama Godta yia꞉ watle hamilowedeme dinapele kokotapo yia꞉ dolumsiyamapo,” duwa.

Bobotimatimale 2:11

Epapedeme molo walle oplamitapo Hela꞉dle Sokota sos dla atlemhalaye dallepe. Epedeme oplami antapo mikadepe depo halemama itiyamale mate kokalepo hallepiye, ya꞉tapo soko tle polowe kokoye ponatilowa.”

Bobotimatimale 2:26

Epapedeme oplami antapo mikadepe dle dulu dla kokalepo halemama na꞉ta solotamale koko hamhalemama sukulu dla tame gudlepiye, na꞉tapo ya꞉ watle ta꞉lamo hapuloma omhallowe itiyamale hamilowepo.

Bobotimatimale 2:7

Epapedeme molo walle oplamitapo Hela꞉dle Sokota sos dla atlemhalaye dallepe. Epedeme oplami antapo mikadepe dle dulu dla halemama kokalepo hallepiye, na꞉tapo ya꞉ watle itiyamale hamilowepo, ya꞉tapo God ya꞉ mo dulu dla pasakalo dlomoko dali tle dlomokoye dowahame delepo depame.”

Bobotimatimale 21:2

Epalati na꞉ toko ipo natitepo ullu pa꞉le mo Yelusalem amkota Godta hala mo tle malla natiwa. Ya꞉tapo a꞉ya ipilalota ya꞉wolali halowedeme tluka ka꞉pi dinapopo pumdiye, epo malla natiwa.

Bobotimatimale 21:5

Epame Godtapo ya꞉ta pollalo dla polomama epo atluwa, “Wua꞉ natiya. Na꞉tapo koko hapulomaye ma amko depo.” Epame ya꞉ matle epo atluwa, “Wa꞉ buka dla koko iye hatitimane. Adipalati, yu iye ikadepepo,” duwa.

Bobotimatimale 22:12

“Epedeme wua꞉ daliya. Na꞉ta puluwe alilaye mo-mateka꞉pi. Na꞉tapo opa hapulomata halomha꞉ha꞉le mate ala꞉le asiyamaye halopo pulupe.

Bobotimatimale 22:7

“Epedeme wua꞉ daliya. Na꞉ta puluwe alilaye mo-mateka꞉pi. Epapedeme oplami antapo buka dulu hema yu hutiyeye kikitilata hamame halemama dolumhallepiye, ya꞉ye siyelepe.”

Bobotimatimale 3:12

Epedeme oplami antapo ya꞉ta mikadepe dle dulu dla itiyamale mate kokalepo hallepiye, na꞉tapo na꞉ A God aiyalma aya dla ya꞉ye alumiti some hitomollowepo. Epelepiye, ya꞉tapo matle aiyalma aya tle alikili dla powoyamolowa. Epame na꞉tapo na꞉ A God hi mate epo na꞉ hi amko mate epo God ya꞉ mo hi mate ya꞉ dla hatitimolowepo. Mo iye Yelusalem mo amkopo. Epedeme mo itapo Pepele di na꞉ A Godta hala tle mallepe.

Bobotimatimale 3:21

Na꞉ta mikadepe dle mate itiyamale mate hallati na꞉ Ata ya꞉ta pollalo dla ya꞉ mate pollopo depame na꞉ye mo-pameluwapo. Epapedeme oplami antapo ya꞉ta mikadepe dle dulu dla itiyamale mate hallepiye, na꞉ta ya꞉ye na꞉ta pollalo mo dla na꞉ mate pollopo depame pamollowepo.