Bobotimatimale 22:10 - Kamula

¹⁰ Epame ya꞉ta na꞉ watle atlemama epo atluwa, “Buka dulu hema molo atlale yu hutiye iye hemele hahatiyomiya. Adipalati, koko hapuloma ita wowoyamolowe alilaye mo-mateka꞉pi dla puapo.

Bobotimatimale 22:10 Iomraidhean Croise

Ma꞉tiyu 10:27

Epedeme na꞉ta wua꞉ mate sela꞉mama hemele atlamsela꞉ koko hapulomaye ma wua꞉tapo haliyamale dla bobotimatimelepe. Epame na꞉ta apa kokoye wua꞉ dla hemele molo yu atlamsela꞉ma꞉, ma alotle aya dopuko di tle koko eye yu sisiyatlemale mate atlamelepe.

Loum 13:11

Epedeme na꞉ta ala atlama koko iye halomha꞉ha꞉iya. Adipalati, dia꞉ye mosukulu alila dla ma-ha꞉ha꞉po. Epedeme hutiyele tle ma silliya. Ame adipalati, dita ka꞉yapa mikadepe duwa oloma edla pasakalo gadle kokoye pateka꞉mu dla eluwapo. Amasiyama watapo mo-mateka꞉pi dla puapo.

Loum 13:12

Epapele dulu dla utula꞉latapo ma-alallowe mateka꞉pi dla hallati ma asiyama alilatapo ma-alalempuapo. Epapedeme di ka꞉dena, amtuwale dulu dla batalimale koko halomha꞉ha꞉mdiye memelepame ma hela꞉dle dla ha꞉ha꞉mama koko halomha꞉ha꞉lowe tlo dinapolowa.

2 Tesalonika 2:3

Epapedeme ipapele koko hapuloma dulu dla oplami haleta wua꞉ye elemala nati demiya. Adipalati, Lod ya꞉ alilata puluwedeme hallati koko dapiyamte tatle wowoyamelepe. Eye, opata Lod posolotamalalo alikili dla wowoyapo telepe. Epame humatlati podallalo wekelalo oplamita woyamelepe. Amasiyama alotle ya꞉ye Dlapa mo dla ka꞉stlepe.

1 Pita 4:7

Ta꞉lamo koko hapulomata puame gudlowe alilaye mo-mateka꞉pi halapo. Epapedeme wua꞉ woloma ka꞉dle malamale mate ha꞉ha꞉mama God dla inoma sumha꞉ha꞉iya.

Bobotimatimale 1:11

Yu eta na꞉ watle epo atla daluwa, “Wa꞉ta tlama koko hapulomaye buka dla ilalipame sos 7 iwolo dla halopine. Eye Epeses sos dla epo Sumuluna sos dla epo Pelgamon sos dla epo Tayatila sos dla epo Saldis sos dla epame Piladelepiya sos dla epame Laodikeya sos dla hapine,” duwa.

Bobotimatimale 1:3

Yu i sesa꞉lalo oplami dla Godtapo siyemhalapo. Epame yu i dalepame yia꞉ dupa dulu dla hatitimalalo so dla ma Godtapo siyemhalapo. Adipalati, koko hapuloma ita wowoyamolowe alilaye mo-mateka꞉pi halapo.

Bobotimatimale 10:4

Yia꞉ta yuhapo gudlati na꞉tapo yia꞉ta yuhalë eye buka dla hatitimolowedeme apuwa. Amasiyama pepele di tle yuta malemama na꞉ watle epo atluwa, “Wa꞉ omapla 7ta yuhalë kokoye buka dla hatitimiya. Yia꞉ta yuhalë kokoye opa hapuloma dla botomastamiya,” duwa.

Bobotimatimale 22:16

Na꞉ye Yesupo. Na꞉tapo na꞉ banakaka oplamiye wua꞉ dla tane duwapo, ya꞉tapo sos dulu dla ha꞉ha꞉ so wua꞉ watle koko hapuloma iye bobotimatimelepo depame. Na꞉ye Deibidi ya꞉ mamapo. Epame ma alalem-matlati tamili kodlopa patota matame polomdiye e na꞉po.”

Bobotimatimale 22:18

Epedeme buka hema yu hutiye i dallalo so opa wua꞉ koko iye woloma daliya. Oplami antapo yu hema yu opi mate babadlepiye, Godtapo buka dulu hema wotiyalle koko atlaye ya꞉ watle hamilipe.

Bobotimatimale 22:20

Epedeme koko hapuloma iye haliyamale dla bobotimatimalalotapo epo atlapo, “Ikadepe, na꞉ta puluweye mo-mateka꞉pi.” Yao, Lod Yesu, wa꞉ mo-puane.

Bobotimatimale 22:7

“Epedeme wua꞉ daliya. Na꞉ta puluwe alilaye mo-mateka꞉pi. Epapedeme oplami antapo buka dulu hema yu hutiyeye kikitilata hamame halemama dolumhallepiye, ya꞉ye siyelepe.”

Bobotimatimale 22:9

Amasiyama banakaka oplamita na꞉ watle epo atluwa, “Na꞉ dla siyele ta꞉demiya. Adipalati, na꞉ mape God yu dla salladepo sela꞉lalo oplami wa꞉ epapelepo, epame God tle yu hapame molo atlamalalo so opa epapelepo, epame buka ita atla yu dla dolumsiyamalalo so opa epapelepo. Epedeme wa꞉ hatlo God dla heodepo siyele hamine,” duwa.

Bobotimatimale 5:1

Na꞉ Godta ya꞉ta pollalo dla polla natitepo ya꞉ dowala do dla pepa pollita ellati natiwa. Pepa edla dulu mate epo alikili mate yu ilimana. Epame pepa polli eye dea 7ta yulupo hutiyelati natiwa.