Bobotimatimale 2:3 - Kamula

³ Epame wa꞉tapo na꞉ hi yilo wotiyalle dulu dla pohopeyamalalo halemama me-kokalepo hala mape na꞉malamana.

Bobotimatimale 2:3 Iomraidhean Croise

Maka 15:21

Opahale sota Yesu edla hamame tamha꞉ha꞉mama Kulene oplami hale ya꞉ hi Saimonye api duka dla Yelusalem dla pumhalla umaiyo. Epalati yia꞉tapo ya꞉ye hampame “Yesu dali yekelemhimili hamtane,” diyo. Saimon iye Alesenda mate Lupus mate yia꞉ ayo.

Ka꞉dle molo atlale yu Lukta ilimale 14:27

Epame oplami antapo meyelo ya꞉ dali yekelemhimili maka꞉himme na꞉ dolumpuluwe allipiye, ya꞉ye pona꞉ oplami.

Ka꞉dle molo atlale yu Lukta ilimale 18:1

Yesu matle ya꞉ alotle tlalo so watle wayu i mate imaiyo, yia꞉tapo alila hapuloma hutulli mate inoma sumha꞉ha꞉mama posusukallalo wekelepo depame.

Ka꞉dle molo atlale yu Lukta ilimale 21:19

Epedeme woloma kokalepo ha꞉ha꞉iya. Wua꞉ta epo kokalepo ha꞉ha꞉lepiye, eta wua꞉ pasakalo hallowe halepe.”

Ka꞉dle molo atlale yu Lukta ilimale 5:5

Amasiyama Saimonta epo atlaiyo, “Imalalo oplami, di wata utula꞉la mata pololemsiyamama oko pato ha, epele tlope amalo pohana. Amasiyama wa꞉ta atlademe na꞉ mataye yú dulu dla polollowepo,” diyo.

Ka꞉dle molo atlale yu Lukta ilimale 8:15

Epapalati opa opitapo witi daya ale ta꞉la ka꞉dle dla teteyuli epapele some ha꞉ha꞉po. Yia꞉tapo yia꞉ dupa dulu tle ka꞉depo malamale mate epo hutulli mate God yu dalepame woloma yia꞉ dupa dulu dla kokata hatitimdepo. Epame yia꞉tapo kokalepo ha꞉ha꞉mama dlomokoye sikemte milimdepo.”

Ka꞉dle molo atlale yu Yonta ilimale 15:21

Amasiyama wua꞉tapo na꞉ dolumtamala koko tle yia꞉tapo wua꞉ watle wotiyalle hamilipe. Adipalati, yia꞉ye na꞉ tane duwa oplamiye yeitamana.

Loum 12:12

Epapedeme Godtapo wua꞉ watle hamilowe pasakalo dla sisiyele mate dalemha꞉ha꞉mama omha꞉ha꞉iya. Epame wotiyalle upiyele dulu medla kokalalipo ha꞉ha꞉iya. Epame alila hapuloma dulu dla inoma sumha꞉ha꞉iya.

Loum 16:12

Epame a꞉ya Tlupaina mate epo ya꞉la Tluposa mate dla na꞉ta namkale dle yu mape hamiya. Adipalati, wola꞉ iwolotapo Lod yilo oko pato hamha꞉ha꞉po. Epo namkale ikadepe Pelsis dla mape na꞉ta namkale dle yuye hamiya. Adipalati, ya꞉ mape Lod dulu dla oko ka꞉pi halalo a꞉yapo.

Loum 2:7

Epedeme opa anawolotapo hutulli mate ka꞉ka꞉dle koko halomha꞉ha꞉mama Godta hela꞉dle mate epo ya꞉ta hapili pasakalo mate totamha꞉ha꞉lepiye, asiyama Godta yia꞉ watle halepo halepo pasakaloye halopilipe.

Loum 8:25

Epedeme dita dalemha꞉ha꞉mama omha꞉ha꞉ koko iye di ala ponatisema. Amasiyama di sadle mate itiyamale mate me-omha꞉ha꞉po.

1 Kolin 13:7

Epame ya꞉mkale bokotiyapo malamolowe kokotapo koko hapuloma dla sukalemama po-alimhalasema. Epame ya꞉mkale bokotiyapo malamolowe kokotapo God dla hitahalemdepo. Epame Godta pasakalo hamilowe alilata puluwe dla sadle mate omhalemdepo. Epame koko hapuloma dulu dla kokalepo hallowe kokoye hampumdepo.

1 Kolin 16:16

Epapedeme wua꞉ ka꞉dena, wua꞉tapo yia꞉ yu dla salladepo siyamoloweye. Epammama opa opi yia꞉ epapele so yu dla mape salladepo siyamaiya. Adipalati, yia꞉ mape hutulli mate God oko hapo.

2 Kolin 10:15

Epame di yimkadulota oko halë natipame ma dita eledomama oko eye dita hauwa pe-epapesemde. Amasiyama di isikimi di oko tlo di dla hamhetamdepo. Epame di solotama, wua꞉ta mikadepe dletapo ta꞉mama dita wua꞉ dulu dla oko hauwatapo ma a꞉ma ta꞉lepo depame.

2 Kolin 11:23

Epame ma yia꞉tapo atlemama yia꞉ye Keliso ya꞉ oko so demdepo. Amasiyama na꞉tapo Keliso ya꞉ oko oplami depo halemama itiyamale mate oko hauwata yia꞉ okoye tla꞉mtame halapo. Epame na꞉ tlope alila pasatale amtuwale aya dla tutula꞉mhalemduwapo. Epame na꞉ye opata sikemte hopolemduwapo. Epame na꞉ye mo-yumuluwe mateka꞉pi dla halemduwapo.

2 Kolin 4:1

Epedeme Godta dia꞉ye bokotiyapo malamama dia꞉ye ya꞉ oko halepo depame taiya duwapo. Epapele koko tle dia꞉ye susukalemama duka dla pogudesema.

2 Kolin 4:16

Epedeme di ta꞉lamo moto ita itiyamale mo-pa꞉mama hopeyalimapo. Amasiyama di dupa duluye alila hapuloma Godtapo itiyamale amko hapimhalapo. Epedeme di susukalemama duka dla pogudesemde.

2 Kolin 5:9

Epapedeme di ala me-ha꞉ha꞉mama Lod dla siyele hamilowe tlo solotama. Epame ma Lod mate tame ha꞉ha꞉mama mepo ya꞉ dla siyele hamilowe ma solotama.

2 Kolin 6:5

Epapele dulu dla opatapo dia꞉ye hohopolepame amtuwale aya dulu dla pololemdepo. Epame opatapo di koko dla siyaladle pato ta꞉demdepo. Epame dia꞉ye pohutiyelalo daya dimi oko pato hamdepo.

Galasiya 6:2

Epedeme wua꞉ dulu dla wuskamu asiyama gade asiyama gade demha꞉ha꞉iya. Wua꞉ta epamha꞉ha꞉lepiye, Kelisota solotamale kokoye dolumha꞉ha꞉mama apelepe.

Galasiya 6:9

Epapedeme ka꞉ka꞉dle koko halomha꞉ha꞉mama susukallati oko duka dla gudemiya. Adipalati, dita emale alisisi hauwallowe alilaye me-pulupe.

Pilipi 2:16

Adipalati, wua꞉tapo opa opi watle pasakalo yuye alemha꞉ha꞉le koko tle. Wua꞉ta epamha꞉ha꞉lepiye, eta na꞉ malamelepe, na꞉ oko wua꞉ dulu dla hauwaye koko pa꞉le pe-elasema. Epammama Yesuta ma ilampulupiye, na꞉ wua꞉ koko dla siyelowepo.

Pilipi 4:3

Epedeme namkale pato, na꞉ wa꞉ dla atlema, wola꞉ dapiyamte iwoloye woloma gadene. Adipalati, yia꞉tapo Kelemen mate epo opa opi mate na꞉ta ka꞉dle yu hame sela꞉lati na꞉ gademsiyamuwapo. Epame iwolo hiye Pasakalo Buka dulu dla hutiyepo.

Kolosi 1:11

Di ma inoma sumale yu hale himima, Godtapo ya꞉ta itiyamale pato mate wua꞉ dla itiyamale hamilipo depame wua꞉tapo kokalle koko hapuloma dulu dla kokalepo dalemha꞉ha꞉mama omha꞉ha꞉lepo depame.

1 Tesalonika 1:3

Epammama wua꞉ta mikadepe depame oko hauwa mate epo ya꞉mkale bokotiyapo malapame moto mate koko hauwa mate epo wua꞉ta Yesu Keliso dla dalemha꞉ha꞉mama omha꞉ha꞉ koko mateye dita di A God dla inoma sumha꞉ha꞉mama powelisemde.

1 Tesalonika 2:9

Epapele dulu dla ditapo wua꞉ mate ha꞉ha꞉mama dita dlowe alisisi mate epo dita solotamale alisisi opi mate e ala꞉lowedeme ditapo utula꞉la hapuloma mate epo alila hapuloma mate di moto mate oko pato hamha꞉ha꞉uwaye, wua꞉malamana. Epapele koko tle dita God tle puale ka꞉dle yu atlamsiyamama wua꞉ dla alisisi po-otomdena.

1 Tesalonika 5:12

Mikadepe dle so namkadulo, di wua꞉ dla atlema, wua꞉ sos dokopala so mate epo God yu imalalo so mate dla heodepame yia꞉ watle siyele hamiya. Adipalati, yia꞉tapo wua꞉ dulu dla oko pato sikemte hamha꞉ha꞉po.

2 Tesalonika 3:13

Amasiyama mikadepe dle so namkadulo, wua꞉ ka꞉ka꞉dle koko halomolowe dla hopeyalimiya.

2 Tesalonika 3:5

Epedeme di wua꞉ yilo inoma sumale yu himima, wua꞉tapo Lodta gadle tle Godta bokotiyapo malamale kokoye wua꞉ dupa dulu dla ellepo depame. Epame Kelisota pua koko dla dalemha꞉ha꞉mama omha꞉ha꞉lepo depame.

2 Tesalonika 3:8

Epame di oplami hale daya dlowedeme asiyama dimi podemdena. Hao, di asiyama himpame daya demduwapo. Epame alila mate epo utula꞉la mate di motoye oko pato dla hatitimduwapo, dita daya dlowe asiyama himiloweye halowedeme. Epammama di oplami hale dla pohitaha꞉ha꞉na.

1 Timoti 4:10

Adipalati, dimalamana, Godye pasakalo hallalo Godpo. Epame dimalamana, ya꞉tapo opa hapulomata pasakalo gadlowe halepo depame solotamhalapo. Epapedeme ka꞉dle yu dla mikadepe depame dolumha꞉ha꞉lalo so opa dla ya꞉tapo yia꞉ pasakalo gadlalo halapo. Epapedeme ipapele koko tle mikadepe dle so ditapo ka꞉dle yuye opa dla imsiyamama oko pato hapo, opatapo yu i dalepame dolumelepo depame.

1 Timoti 5:17

Epedeme wua꞉ God yu buka dla yu hutiye iye daliya. “Wua꞉ bulumkiyawa aliyata oko hamsela꞉mama daya dlala depame ya꞉ matiye deata ketopolomiya.” Epame God yu bukata ma epo atlapo, “Ka꞉dena, oko halalo oplamitapo ya꞉ oko asiyama halowe ka꞉pi.” Epapedeme sos dokopala sotapo wua꞉ dla God yu imha꞉ha꞉mama oko pato hamdepo. Epedeme wua꞉ yia꞉ yu dla heodepame yia꞉ye woloma omha꞉ha꞉mama yia꞉ oko asiyama ma hapimha꞉ha꞉iya.

Hibulu 10:36

Epapedeme ka꞉dena, wua꞉ta Godta solotamale koko halomha꞉ha꞉mama wua꞉ta ya꞉ta yu itiyapo himili koko halowedeme mikadepe dle dulu dla itiyamale mate ha꞉ha꞉iya.

Hibulu 12:1

Epedeme opa hapuloma iwolota mikadepe dle kokotapo dia꞉ dla imapo, ditapo batalimale koko hapuloma pololepame itiyamale mate mosukulu dla ullumtlepo depame. Adipalati, batalimale kokotapo dia꞉ye hohopame hopeyamale hapimhalapo.

Hibulu 13:13

Epedeme ditapo mo dulu tle alikili dla u-ulapo ya꞉ hala dla tlowa. Epame opata ya꞉ dla batalipo atlamya kokoye yimkata dia꞉ mate halowa.

Hibulu 6:10

Adipalati, wua꞉ta God yilo oko sikemte halomha꞉ha꞉uwaye, ya꞉ e powelimhalasema. Epame wua꞉ta ya꞉ye sikemte malamama mikadepe dle soye woloma gagademha꞉ha꞉uwaye, ya꞉ e ma powelisema. Epedeme wua꞉ta yia꞉ye ala me-gagademha꞉ha꞉ye ya꞉ me-malahalapo.

Hibulu 6:12

Epedeme wua꞉ta ipapelepiye, eta wua꞉ta mikadepe dle dulu dla hohopeyalimale mate poha꞉ha꞉lowa. Amasiyama wua꞉ mikadepe dle tle God dla pasakalo halowedeme dalemha꞉ha꞉mama omha꞉ha꞉ sota koko halomha꞉ha꞉ natipame dolumaiya.

Hibulu 6:15

Epalati A꞉iblahamtapo sadle mate Godta yu itiyapo himili dla omhaluwapo. Epame ya꞉ta epo omhalepo gudlati Godtapo ya꞉ watle hamili depo yu himili kokoye ya꞉ watle hamiwapo.

2 Pita 1:6

Epo ka꞉depo malamale mate ha꞉ha꞉mama wua꞉ moto ma woloma omha꞉ha꞉iya. Epo wua꞉ moto woloma omha꞉ha꞉mama wotiyalle dulu dla kokalepo ha꞉ha꞉iya. Epo wotiyalle dulu dla kokalepo ha꞉ha꞉mama God mila꞉pi tle ka꞉depo ha꞉ha꞉iya.

Bobotimatimale 1:9

Na꞉ye wua꞉ mama Yonpo. Na꞉tapo wua꞉ mate Keliso yilo wotiyalle hamhalapo. Amasiyama dulu edla Kelisota dia꞉ watle kokalepo ha꞉ha꞉lepo depame itiyamale hamimhalapo. Epapedeme dita hapulomaye ya꞉ mo sopo. Na꞉tapo God yu mate epo Keliso koko mate opa dla atlamsela꞉le koko tle opatapo na꞉ye Patmos hasu dla dodolomuwapo.

Bobotimatimale 3:10

Epedeme wotiyalle patota ta꞉lamo hema pulupe, opa hapulomata kokalepo ha꞉ha꞉ma꞉ depo natilowedeme. Amasiyama alila edla na꞉ta wa꞉ye woloma omhallowepo. Adipalati, wa꞉ na꞉ta imale dolumama kokalepo halemama wa꞉ta mikadepe dleye pomelena.