Bobotimatimale 18:2 - Kamula

² Epame ya꞉tapo sikemte yu teta꞉le mate epo atluwa, “Babilon mo patoye mo-batalipo hamastlati opata ma mo edla poha꞉ha꞉sema. Mo siyapo pomoluwapo. Epalati bataliya yimlalatapo ma mo edla ha꞉ha꞉po. Epame opata posolotamalalo wekele tea ma edla ha꞉ha꞉po.

Bobotimatimale 18:2 Iomraidhean Croise

Bobotimatimale 1:15

Epalati ya꞉ hetetapo blons ewala epapele some hela꞉demama sikemte usiyemala natiwa. Epalati ya꞉ yutapo utumapita dillimhalemdiye epapele some haluwa.

Bobotimatimale 10:3

Epame ya꞉tapo yu teta꞉mama layon some paluwa. Ya꞉ta epo yu teta꞉le dulu dla omapla 7ta yuhalë daluwa.

Bobotimatimale 11:8

Epame yia꞉ Lod dali yekelemhimili di dla gogodle mo pato edla yia꞉ motota api duka dla dollupe. Epedeme mo pato eye soko tle natilati Sodom mo mate epo Isip mo mate epapele some halapo.

Bobotimatimale 14:15

Epalati God ya꞉ aiyalma aya dulu tle banakaka oplami haleta puame wuala di dla poluwa oplami watle yu teta꞉le mate epo atluwa, “Ta꞉lamo alisisi hapulomaye ma-napo popa꞉po. Epame alisisi hauwallowe alilata mo-puapo. Epedeme wa꞉ aipa꞉ya hapame alisisi hauwalene,” duwa.

Bobotimatimale 14:8

Epalati banakaka oplami haleta ya꞉mkale ko tle dolumtamama epo atluwa, “Babilon mo patoye mo-batalipo hamastauwapo. Adipalati, ya꞉ta batalimale kokotapo ta꞉lamo so hapulomaye batalimale dla elemtauwapo,” duwa.

Bobotimatimale 16:13

Epalati bataliya yimlala dapahatlope kwaka sepeleta ilama mati tle epo ulugiyemale alinepi mati tle epame isikimi mala-atlalo oplami mati tle wowoyamuwa.

Bobotimatimale 16:19

Epalati allutuwale pato ita tumama mo pato Babilonye alumale dapahatlope dla hukulupo ipila꞉uwa. Epame ta꞉lamo pato dulu dla mo hapulomatapo bobtalimtauwa. Epame oloma edla Godtapo Babilon mo pato ya꞉ batalimaleye powelina. Epedeme Godtapo ya꞉ta kasilamale isilakoye ya꞉ watle hamiwapo, ya꞉ta delepo depame.

Bobotimatimale 17:18

Epame a꞉ya wa꞉ta natiwa eye ta꞉lamo dokopala so hapuloma omhallalo mo pato Babilonpo.”

Bobotimatimale 17:5

Epame ya꞉ daptala dla hi iye himili haluwa, Babilon mo pato. Batalimale hapuloma mate epo duka dla siyamalalo batalimale wola꞉ hapuloma mate yia꞉ waipo. Hi i ya꞉ dulu kokoye hemele me-elapo.

Bobotimatimale 18:10

Epame yia꞉ta ya꞉ta wotiyalle ha koko e natipame wowota꞉mama pateka꞉mu tle omha꞉ha꞉mama epo atellepe, “Woiyo, Babilon mo pato ya꞉mkale! Wa꞉ pta itiyamale mo haluwapo. Epapele tlope alila kiyele dulu hema pakasiyamalalo koko gladle kokotapo wa꞉ dla mo-woyamapo,” dlepe.

Bobotimatimale 18:21

Epalati banakaka oplami hale sikemte itiyamaletapo ewala patoye hame kaula pato duka dla hamastamama epo atluwa, “Babilon mo patoye ipo hamastlati ya꞉tapo matle pohallowa.

Bobotimatimale 5:2

Epame na꞉ banakaka oplami hale sikemte itiyamale natiwa. Ya꞉tapo yu sisiyatlemale mate epo atluwa, “Oplami anta ala꞉ta꞉, dea i kotipame pepa i towastloweye,” duwa.