Bobotimatimale 18:10 - Kamula

¹⁰ Epame yia꞉ta ya꞉ta wotiyalle ha koko e natipame wowota꞉mama pateka꞉mu tle omha꞉ha꞉mama epo atellepe, “Woiyo, Babilon mo pato ya꞉mkale! Wa꞉ pta itiyamale mo haluwapo. Epapele tlope alila kiyele dulu hema pakasiyamalalo koko gladle kokotapo wa꞉ dla mo-woyamapo,” dlepe.

Bobotimatimale 18:10 Iomraidhean Croise

Bobotimatimale 11:8

Epame yia꞉ Lod dali yekelemhimili di dla gogodle mo pato edla yia꞉ motota api duka dla dollupe. Epedeme mo pato eye soko tle natilati Sodom mo mate epo Isip mo mate epapele some halapo.

Bobotimatimale 14:8

Epalati banakaka oplami haleta ya꞉mkale ko tle dolumtamama epo atluwa, “Babilon mo patoye mo-batalipo hamastauwapo. Adipalati, ya꞉ta batalimale kokotapo ta꞉lamo so hapulomaye batalimale dla elemtauwapo,” duwa.

Bobotimatimale 16:19

Epalati allutuwale pato ita tumama mo pato Babilonye alumale dapahatlope dla hukulupo ipila꞉uwa. Epame ta꞉lamo pato dulu dla mo hapulomatapo bobtalimtauwa. Epame oloma edla Godtapo Babilon mo pato ya꞉ batalimaleye powelina. Epedeme Godtapo ya꞉ta kasilamale isilakoye ya꞉ watle hamiwapo, ya꞉ta delepo depame.

Bobotimatimale 17:12

Epapedeme pate 10 wa꞉ta natiliye dokopala so 10po. Dokopala so 10 iwoloye ala poha꞉ha꞉sema. Amasiyama yia꞉tapo ulugiyemale alinepi mate alila kiyele dulu dla dokopala depo ha꞉ha꞉lepe.

Bobotimatimale 18:18

Epo yia꞉ta Babilon mota hamdemhala dlapa namile patota hetla natipame epo atellepe, “Ta꞉lamo pato dulu hema Babilon mo pato ipapele hale hawa ikadepe,” dlepe.

Bobotimatimale 18:19

Epame yia꞉ta ya꞉ yilo dupa kolle mate a꞉lemyemama yia꞉ dokopala dla apuputa kukutimyemama epo atlamyelepe, “Woiyo, Babilon mo pato ya꞉mkale, mo-batalimapo! Koa watalo so ditapo ya꞉ alisisi yemha꞉ha꞉mama mani patoto halomduwapo. Amasiyama alila kiyele dulu hema pakasiyamalalo Godta ya꞉ye batalipo hamastapo,” dlepe.

Bobotimatimale 18:21

Epalati banakaka oplami hale sikemte itiyamaletapo ewala patoye hame kaula pato duka dla hamastamama epo atluwa, “Babilon mo patoye ipo hamastlati ya꞉tapo matle pohallowa.

Bobotimatimale 18:8

Epapedeme pakasiyamalalo wotiyalle koko ipapeletapo ya꞉ dla pulupe, polowe koko mate epame dupa kolle koko mate epo daya ta꞉le koko mateta ya꞉ dla pulupe. Epame dlapatapo ya꞉ye hamdepo hamastlepe. Adipalati, ya꞉ koko gladlalo Lod Godye sikemte itiyamalepo.”