Bobotimatimale 17:4 - Kamula

⁴ Epalati a꞉yatapo tluka omteka꞉pele sikemte ka꞉ka꞉dle didiyepo poluwa. Epame ya꞉tapo mani patota halomale gold alisisi mate epo ewala yimka꞉sikili ka꞉ka꞉dle mate epo moli mate sokolomale didiyepo poluwa. Epame ya꞉tapo ya꞉ do mate gold isilako hampoluwa. Isilako dulu hema ya꞉ta opa uhalomhalale batalimale koko mate epame batalimale hapuloma mateta pasatame poluwa.

Bobotimatimale 17:4 Iomraidhean Croise

Bobotimatimale 14:8

Epalati banakaka oplami haleta ya꞉mkale ko tle dolumtamama epo atluwa, “Babilon mo patoye mo-batalipo hamastauwapo. Adipalati, ya꞉ta batalimale kokotapo ta꞉lamo so hapulomaye batalimale dla elemtauwapo,” duwa.

Bobotimatimale 18:12

Eye goldpo, epame silbapo, epo ka꞉ka꞉dle ewala yimlala, epame molipo. Epame tluka ka꞉ka꞉dle mila꞉pi meyelope meyelope dle mate, epo dali ullu ka꞉depo pamalalo mila꞉pi meyelope meyelope dle mate, epame alisisi opi mila꞉pi meyelope meyelope dle elota mimita꞉ple, epo dali ka꞉dleta mimita꞉ple, epo blons ewalata mimita꞉ple, epo olita mimita꞉ple, epame ewala kamaleta mimita꞉ple.

Bobotimatimale 18:16

“Woiyo, Babilon mo pato ya꞉mkale, mo-batalimapo! Ya꞉tapo tluka omteka꞉pele sikemte ka꞉ka꞉dle didiyemhalemama mani patota halomale gold alisisi mate epo ewala yimka꞉sikili ka꞉ka꞉dle mate epo moli mate sokolomale didiyemhalemduwapo.

Bobotimatimale 19:2

Ya꞉ta koko gladle dulu dla koko hale hotale hawa ikadepe. Amasiyama ya꞉ isikimi ikadepe koko tle koko glademdepo. Epapedeme ya꞉tapo duka dla sela꞉lalo batalimale a꞉ya kokoye gladepame ya꞉ye mo-batalipo hamastauwapo. Adipalati, a꞉ya i ya꞉ batalimale koko tle ta꞉la so opa hapulomaye mo-bobtalipame God ya꞉ opa ma ya꞉ta potimduwapo. Epapele koko tle Godta ya꞉ watle asiyama hamiwapo.”

Bobotimatimale 21:21

Epalati kokoloma 12ye moli 12 mate mimita꞉pena. Epapele dulu dla moli hatlo pato mita꞉pleta kokoloma hatlo dla hala hala demtauwa. Epalati mo dulu edla api pato eluwaye gold ewalata mita꞉pemama sikemte galasi some hela꞉lemeluwa.

Bobotimatimale 9:21

Epame opa iwolo dla yimkadulo potimolowe koko mate epo osolo koko mate epame opa mate wola꞉ mate uhalomolowe koko mate epo upo alisisi uhalomolowe koko mate pomelena.