Bobotimatimale 17:18 - Kamula

¹⁸ Epame a꞉ya wa꞉ta natiwa eye ta꞉lamo dokopala so hapuloma omhallalo mo pato Babilonpo.”

Bobotimatimale 17:18 Iomraidhean Croise

Ka꞉dle molo atlale yu Lukta ilimale 2:1

Oloma edla Sisa Augustusta Loum mo dokopala depo halemama hi halalo so watle yu hamimama epo atlaiyo, “Wua꞉ tame Loum mo pato dulu dla opa hapuloma hi halomtelepe,” diyo.

Bobotimatimale 11:8

Epame yia꞉ Lod dali yekelemhimili di dla gogodle mo pato edla yia꞉ motota api duka dla dollupe. Epedeme mo pato eye soko tle natilati Sodom mo mate epo Isip mo mate epapele some halapo.

Bobotimatimale 12:4

Epalati ilamatapo ya꞉ tile mate tamili alumale dapahatlope dla heyulati alumale hatlopeta ta꞉la dla teyuwa. Epame ilamata a꞉ya mudali dla omhaluwa, ya꞉tapo owayemala hamalati e yumdlowedeme.

Bobotimatimale 16:19

Epalati allutuwale pato ita tumama mo pato Babilonye alumale dapahatlope dla hukulupo ipila꞉uwa. Epame ta꞉lamo pato dulu dla mo hapulomatapo bobtalimtauwa. Epame oloma edla Godtapo Babilon mo pato ya꞉ batalimaleye powelina. Epedeme Godtapo ya꞉ta kasilamale isilakoye ya꞉ watle hamiwapo, ya꞉ta delepo depame.

Bobotimatimale 18:2

Epame ya꞉tapo sikemte yu teta꞉le mate epo atluwa, “Babilon mo patoye mo-batalipo hamastlati opata ma mo edla poha꞉ha꞉sema. Mo siyapo pomoluwapo. Epalati bataliya yimlalatapo ma mo edla ha꞉ha꞉po. Epame opata posolotamalalo wekele tea ma edla ha꞉ha꞉po.