Bobotimatimale 16:10 - Kamula

¹⁰ Epalati ma banakaka oplami haleta ya꞉ isilakoye ulugiyemale alinepita pollalo dla olostauwa. Epalati amtuwaletapo ulugiyemale alinepita omhallalo moye halati opatapo wotiyalle natimama yia꞉ teye yiyelemyeuwa.

Bobotimatimale 16:10 Iomraidhean Croise

Ma꞉tiyu 13:50

Epame bobtalimale so tlope Dlapa mo dla ka꞉ka꞉timelepe. Epalati yia꞉tapo dulu edla a꞉lemha꞉ha꞉mama yia꞉ a꞉pe tetekelalimyelepe.”

Ma꞉tiyu 22:13

Epalati dokopala oplamitapo ya꞉ oko so watle epo atlaiyo, ‘Oplami iye do mate epo hete mate kokotipoliyepame alikili amtuwale dla hamastaiya. Ya꞉ edla halemama amale mate a꞉pe tetekelemhallepe,’ diyo.

Ma꞉tiyu 24:51

Epalati ya꞉ dokopala oplamitapo puame ya꞉ye sikemte hopolepame alikili dla ka꞉stlepe, ya꞉tapo yiskamu pepemalalo so mate hallepo depame. Epalati ya꞉tapo edla tame halemama amale mate a꞉pe tetekelemhallepe.”

Ma꞉tiyu 8:12

Amasiyama Yu soye alikili amtuwale dla polollepe. Epalati edla ha꞉ha꞉mama a꞉lle mate a꞉pe tetekelalimha꞉ha꞉lepe.”

Ka꞉dle molo atlale yu Lukta ilimale 13:28

Epedeme wua꞉ye God ya꞉ mo koko tle alikili dla pomallati alikili tle ha꞉ha꞉mama A꞉iblaham mate epo Yokob mate epo Aisek mate epo God tle yu hapame molo atlamalalo so mate God ya꞉ mo koko dulu dla popa꞉lati natipame a꞉lemyemama a꞉pe tetekelalimha꞉ha꞉lepe.

1 Pita 2:17

Epapedeme wua꞉ye wua꞉ amkadulo malamale mate ha꞉ha꞉iya. Epame mikadepe dle so mate yimkata bokotiyapo malamale dulu dla ha꞉ha꞉iya. Epame wua꞉ God wota꞉mama wua꞉ gamani dokopala oplami yu dla salladepo siyamaiya.

Bobotimatimale 11:10

Epame ta꞉lamo pato dla ha꞉ha꞉ so hapulomatapo opa dapiyamte iwolota palli koko dla sikemte sisiyemama yimkadulo watle namkale dle alisisi mate asiyama hami asiyama hami demha꞉ha꞉lepe. Adipalati, opa dapiyamte iwolota opa hapuloma dla wotiyalle pato hapimha꞉ha꞉mduwapo.

Bobotimatimale 11:2

Amasiyama aiyalma aya alikili tlo ala꞉miyo. Adipalati, eye po-Yu sota halepo depame alikili dla pomoluwapo. Yia꞉tapo edla ha꞉ha꞉mama Yelusalem moye 42 mama dulu dla hete dolemha꞉ha꞉lepe.

Bobotimatimale 11:8

Epame yia꞉ Lod dali yekelemhimili di dla gogodle mo pato edla yia꞉ motota api duka dla dollupe. Epedeme mo pato eye soko tle natilati Sodom mo mate epo Isip mo mate epapele some halapo.

Bobotimatimale 17:17

Amasiyama God meyelo opa ewolota malamale dla epapene dlati yia꞉tapo koko eye halomha꞉ha꞉lepe. Epame yia꞉tapo malamale hatlope depame yia꞉ta itiyamaleye ulugiyemale alinepi watle hamilipe. Yia꞉ta epamha꞉ha꞉mama Godta atlamale koko hapulomata wowoyapo gudlepe.

Bobotimatimale 17:9

Epedeme ka꞉depo malamale sotapo koko iye woloma malamelepe. Ulugiyemale alinepi dokopala 7ye a꞉yata pollalo tamali 7po.

Bobotimatimale 18:2

Epame ya꞉tapo sikemte yu teta꞉le mate epo atluwa, “Babilon mo patoye mo-batalipo hamastlati opata ma mo edla poha꞉ha꞉sema. Mo siyapo pomoluwapo. Epalati bataliya yimlalatapo ma mo edla ha꞉ha꞉po. Epame opata posolotamalalo wekele tea ma edla ha꞉ha꞉po.

Bobotimatimale 18:21

Epalati banakaka oplami hale sikemte itiyamaletapo ewala patoye hame kaula pato duka dla hamastamama epo atluwa, “Babilon mo patoye ipo hamastlati ya꞉tapo matle pohallowa.

Bobotimatimale 18:23

Epame tuloma wa꞉ dulu dla hela꞉depo ha꞉ha꞉mduwatapo matle hela꞉depo ha꞉ha꞉la ponatilowa. Epame opata wola꞉ halomha꞉ha꞉mama sisiyemha꞉ha꞉mduwa yuye matle podallowa. Epame wa꞉ alisisi aya omha꞉ha꞉lalo sotapo ta꞉lamo pato hema sikemte itiyamale mate ha꞉ha꞉uwapo. Epame wa꞉ osolo kokotapo ta꞉lamo so hapulomaye alikili dla me-eleme tauwapo.

Bobotimatimale 8:12

Epame ma banakaka oplami haleta ya꞉ hulu sisilamalati sali seme mate mama seme mate epame tamili opi mateta amtuwa. Epammama alila ipita amtumama utula꞉la ipi ma mama mate tamili mate dla hela꞉dle hawa haluwa.

Bobotimatimale 9:2

Epame ya꞉tapo kokoloma gowaladlati sukulu pa꞉le munamu dulu tle namile patota woyapo hetamama pepele di mate sali mate amtuwa.