Bobotimatimale 14:7 - Kamula

⁷ Epame ya꞉tapo yu teta꞉le mate epo atluwa, “God dla wowota꞉mama hatlo ya꞉ dla siyele ta꞉diya. Adipalati, alilata mo-umula puapo, Godtapo opa hapuloma koko gladloweye. Godtapo pepele di mate epo ta꞉lamo mate epame kaula pato mate epame yú matale hapuloma mate mimita꞉puwapo. Epapedeme hatlo ya꞉ dla siyele ta꞉diya,” duwa.

Bobotimatimale 14:7 Iomraidhean Croise

Yeneses 22:12

Epalati banakaka oplamita epo atlaiyo, “Wa꞉ maseyemala dla koko hale hamama ya꞉ dla wotiyalle hamimiya. Wata oloma hema wa꞉ta God wota꞉le kokoye na꞉ ma-natima. Adipalati, wa꞉ God wota꞉mama wa꞉ maseyemala hatlopeye podatimana,” diyo.

Ekesedes 20:11

Adipalati, alila 6 dulu dla na꞉ta omapla mate epo ta꞉lamo mate epo kaula mate epame dulu edla ha꞉ha꞉lalo alisisi hapulomaye mimita꞉puwapo. Epame 7 alila dla na꞉ta hedepo poluwapo. Epapele koko tle na꞉ta 7 alila iye aiyalma duwapo.

Ma꞉tiyu 25:13

Epedeme wua꞉ woloma omha꞉ha꞉mama dalemha꞉ha꞉iya. Adipalati, Opa Yamita puluwe alilaye powua꞉malamana.”

Ka꞉dle molo atlale yu Lukta ilimale 17:18

Ame adipalati, po-Yu oplami itapo meyelo God dla siyele hamilowedeme ma ilame puo?” diyo.

Taiya dle so 14:15

“Namkadulo, wua꞉ adipapalati ipapele kokoye dia꞉ dla hama꞉? Adipalati, di ma ta꞉la so, wua꞉ epapelepo. Epeleye dita wua꞉ dla yu ka꞉dle hampuapo, wua꞉tapo biskapa god eye memelepame ma pasakalo halemhallalo God dla mikadepe dlepo depame. Adipalati, ya꞉tapo pepele di mate epo ta꞉lamo mate epame kaula mate epo alisisi hapuloma dulu dla ha꞉ha꞉lalo mate mimita꞉puwapo.

1 Pita 4:7

Ta꞉lamo koko hapulomata puame gudlowe alilaye mo-mateka꞉pi halapo. Epapedeme wua꞉ woloma ka꞉dle malamale mate ha꞉ha꞉mama God dla inoma sumha꞉ha꞉iya.

Bobotimatimale 11:13

Yia꞉ta Pepele di dla hetale oloma edla allutuwale patota tuwa. Epalati mo pato dulu dla mo yemala hatlope tlo batalipo hamastamama 7,000 opaye poyuwa. Epalati opa opi popotimalalo wekele sota koko i natipame wowota꞉mama Pepele dimo dla hallalo Godta itiyamale dla mikadepe demama ya꞉ dla heodemyeuwa.

Bobotimatimale 11:18

Ta꞉lamo so hapulomata kakasilamha꞉ha꞉lati wa꞉ta kasilamaleta mo-woyamapo. Epame palli so koko gladlowe alila ma mo-woyamapo. Epame wa꞉ yu molo atlamalalo so dla wa꞉ta asiyama hapilowe alilata ma mo-puapo. Epame mikadepe dle so mate epo wa꞉ hi dla wowota꞉lalo so hapuloma yimka꞉sikili mate epo patoto mate dla asiyama hapilowe alila ma mo-puapo. Epame wa꞉ta yimkadulo potimalalo so opa poyuluwe alila ma mo-puapo.”

Bobotimatimale 15:4

Lod, wa꞉ dla powota꞉lalo wekelalo oplami hale halema꞉? Epame wa꞉ dla heodepame sisiyelowe dla alilalo oplami hale halema꞉? Adipalati, hatlo wa꞉ tlope aiyalma ikadepepo. Ta꞉lamo so hapulomatapo puame wa꞉ dla heodepame sisiyelepe. Adipalati, opa hapulomatapo wa꞉ta ka꞉ka꞉dle koko halomale hapulomaye ma-dalemtauwapo.”

Bobotimatimale 16:9

Salita sikemte alemalemama opaye dlapa some hamdlati natipame opata God hi dla putlopo atlamyeuwa. Adipalati, wotiyalle koko hapuloma iye Godta omhallalo halapo. Amasiyama yia꞉ posolotamana, yia꞉tapo yia꞉ bobtalimale tle heheletipame ma God hala dla puame ya꞉ dla heodemama sisiyeloweye.

Bobotimatimale 18:10

Epame yia꞉ta ya꞉ta wotiyalle ha koko e natipame wowota꞉mama pateka꞉mu tle omha꞉ha꞉mama epo atellepe, “Woiyo, Babilon mo pato ya꞉mkale! Wa꞉ pta itiyamale mo haluwapo. Epapele tlope alila kiyele dulu hema pakasiyamalalo koko gladle kokotapo wa꞉ dla mo-woyamapo,” dlepe.

Bobotimatimale 18:17

Epapele tlope ya꞉tapo pakasiyamalalo alila kiyele dla ya꞉ alisisi ka꞉ka꞉dle hapuloma eye mo-haodlepo.” Epalati yú koa patoto halopo siyamalalo so mate epo yia꞉ opa mate pateka꞉mu tle ha꞉ha꞉mama Babilon mo omha꞉ha꞉lepe.

Bobotimatimale 18:19

Epame yia꞉ta ya꞉ yilo dupa kolle mate a꞉lemyemama yia꞉ dokopala dla apuputa kukutimyemama epo atlamyelepe, “Woiyo, Babilon mo pato ya꞉mkale, mo-batalimapo! Koa watalo so ditapo ya꞉ alisisi yemha꞉ha꞉mama mani patoto halomduwapo. Amasiyama alila kiyele dulu hema pakasiyamalalo Godta ya꞉ye batalipo hamastapo,” dlepe.

Bobotimatimale 19:5

Godta pollalo mo tle yuta epo atluwa, “Opa hapuloma patoto mate epo yimka꞉sikili mate anawolotapo God yu dla salladepo siyamama ya꞉ wowota꞉le mate ha꞉ha꞉ma꞉, wua꞉ di God hi di dla ta꞉diya,” duwa.

Bobotimatimale 4:11

“Di Lod God, ka꞉dena, wa꞉ta itiyamale hapuloma halomoloweye. Epedeme ka꞉dena, dita wa꞉ dla sisiyemama wa꞉ hi di dla ta꞉dloweye. Adipalati, wa꞉ta alisisi hapuloma mo-mimita꞉puwapo. Epedeme wa꞉ta solotamale tle yia꞉ta hapulomata me-ha꞉ha꞉po.”

Bobotimatimale 4:9

Epedeme pasakalo ha꞉ha꞉ alisisi dapiyamte dapiyamte dletapo God dla sisiyele mate ya꞉ hi di dla ta꞉dlepiye, dokopala so 24 mape oloma medla ya꞉ dla heodepo popa꞉mama ya꞉ dla siyele hamimdepo. Adipalati, ya꞉ye kokó halepo hallalopo. Yia꞉tapo yia꞉ dokopala alisisi ya꞉ mila꞉pi dla hatitipame epo atlamdepo,

Bobotimatimale 8:10

Epame banakaka oplami haleta ya꞉ hulu sisilamalati tamili pato tuloma some hamdemhallalota pepele di tle aloma yú dla epo yú kokolomale dla teyuwa.