Bobotimatimale 13:16 - Kamula

¹⁶ Ya꞉ matle ta꞉lamo so opa hapuloma yimka꞉sikili mate epo patoto mate, epame alisisi poposatilimale so mate epo alisisi pa꞉talo so mate, epame asiyama pa꞉le oko halalo so mate epo yia꞉ dokopala so mateye yia꞉ dowala do dla o yia꞉ daptala dla ulu halomelepo depame ha꞉ha꞉limhaluwa.

Bobotimatimale 13:16 Iomraidhean Croise

Ekesedes 13:9

Epedeme daya dele koko itapo wua꞉ do dla epo wua꞉ daptala dla ulu epapele some hutiyelepe, wua꞉tapo Godta imale kokoye wowelilala depame. Adipalati, ya꞉ta itiyamaleta wua꞉ye eleme Isip mo tle alikili dla woyamuwapo.

Taiya dle so 26:22

Amasiyama Godta gadle pato tle na꞉ ma wata wua꞉ mila꞉pi tle halemama dokopala so wua꞉ watle epame opa opi hapuloma watle God yu atlemhalema. Epapele tlope na꞉ta atlamuwa yu hapulomaye Moses mate God tle yu hapame molo atlamalalo so mateta Godta sale Keliso dla woyamelepe dle koko atlamale mate ma hatlopepo.

1 Kolin 12:13

Epedeme dita hapulomaye Keliso moto hatlope dulu dla u-ulalimale meyelope meyelope depo ha꞉ha꞉po. Epele dulu dla opi dia꞉ye Yu sopo, epalati opiye po-Yu sopo, epalati opiye asiyama pa꞉le dla oko halomalalo sopo, epalati opiye yia꞉ dokopala sopo. Amasiyama dita yú tutula꞉uwa oloma edla Hela꞉dle Soko hatlope tle dita hapulomaye moto hatlope dla ma gugoudlalimuwapo. Epame Hela꞉dle Sokoye dia꞉ watle yú some olostlati dita hapulomatapo Hela꞉dle Soko eye mo-dlomuwapo.

Galasiya 3:28

Epedeme Keliso dulu dla hukulli hawa ikadepe. Epapedeme Yu so mate po-Yu so mate ma hatlope, epame wotiyalle dulu dla asiyama pa꞉le oko halalo so mate epo yia꞉ omha꞉ha꞉lalo so mate ma hatlope. Epame opa mate wola꞉ mate ma hatlope. Adipalati, wua꞉ta hapulomaye Keliso dulu dla ma hatlope depo ha꞉ha꞉po.

Galasiya 6:17

Epedeme na꞉ dla ase upiyele hapimha꞉ha꞉miya. Adipalati, na꞉ moto dla ulu hutiyetapo na꞉ta Yesu Keliso ya꞉ oko oplami depo hala kokoye nati-ipo.

Epeses 6:8

Adipalati, wua꞉malamana, Lodta opa hapuloma, asiyama pa꞉le dla oko halomalalo so mate epo yia꞉ dokopala so mate dla yia꞉ta ka꞉ka꞉dle koko halomha꞉ha꞉le yia꞉ asiyama mate ala꞉leye halopilipe.

Kolosi 3:11

Epedeme amko koko dulu hema opa duka hukulliye hawa. Epapedeme Yu so mate epo po-Yu so mateye ma ma-hatlopepo. Epame kapala kotimale so mate epo kapala pokotimalalo wekele so mateye ma-hatlopepo. Epame yu meyelope meyelope dle so mate epo mo pateka꞉mu dla ha꞉ha꞉lalo so mate ma ma-hatlopepo. Epame asiyama pa꞉le dla oko halomalalo so mate epo yia꞉ dokopala so mate ma ma-hatlopepo. Adipalati, hatlo Kelisota koko pato halapo. Epame ya꞉tapo mikadepe dle so hapuloma dulu dla halapo.

2 Timoti 3:8

Epedeme ka꞉yapa Yanes mate epo Yambles mate Mosesye sikemte alimha꞉ha꞉uwapo. Epapedeme ma mosukulu alila dla ha꞉ha꞉lalo sotapo ikadepe kokoye ma yia꞉ta mepo alimha꞉ha꞉lepe. Adipalati, yia꞉ta malamaleye mo-batalipo hamastlati yia꞉ta mikadepe dle kokotapo mo-puame sukastlepe.

Bobotimatimale 11:18

Ta꞉lamo so hapulomata kakasilamha꞉ha꞉lati wa꞉ta kasilamaleta mo-woyamapo. Epame palli so koko gladlowe alila ma mo-woyamapo. Epame wa꞉ yu molo atlamalalo so dla wa꞉ta asiyama hapilowe alilata ma mo-puapo. Epame mikadepe dle so mate epo wa꞉ hi dla wowota꞉lalo so hapuloma yimka꞉sikili mate epo patoto mate dla asiyama hapilowe alila ma mo-puapo. Epame wa꞉ta yimkadulo potimalalo so opa poyuluwe alila ma mo-puapo.”

Bobotimatimale 15:2

Epame na꞉ ma galasi kaula sepeleta dlapa mate dukumale hallati natiwa. Epo na꞉ matle ulugiyemale alinepi tle ulu pohalalo wekepame ma ya꞉ mate epo ya꞉ mila꞉pi sepele dlopi dota mita꞉ple dla posisiyelalo wekele sotapo galasi kaula dla ha꞉ha꞉la natiwa.

Bobotimatimale 19:18

Epedeme wua꞉ puame ta꞉lamo dokopala so palli mo dlomaiya. Epame matle hos aliya palli mo mate epo hos aliya di dla popa꞉lalo so opa palli yia꞉ mo ma dlomaiya. Epame opa hapuloma patoto mate epo yimka꞉sikili mate yia꞉ mo ma dlomaiya,” duwa.

Bobotimatimale 19:20

Amasiyama opahale dele dulu dla ulugiyemale alinepi mate epo isikimi mala-atlalo oplami mateye hohopame Dlapa kaula dla ka꞉ka꞉timuwa. (Isikimi mala-atlalo oplami itapo ulugiyemale alinepi tle ulu halopame ma ya꞉ mila꞉pi sepele dlopi dota mita꞉ple dla heodepo sisiyelalo so hapuloma hohomsela꞉uwa oplami eye ipo.)

Bobotimatimale 19:5

Godta pollalo mo tle yuta epo atluwa, “Opa hapuloma patoto mate epo yimka꞉sikili mate anawolotapo God yu dla salladepo siyamama ya꞉ wowota꞉le mate ha꞉ha꞉ma꞉, wua꞉ di God hi di dla ta꞉diya,” duwa.

Bobotimatimale 20:12

Epalati na꞉ palli so hapuloma patoto mate yimka꞉sikili mateta Godta pollalo mila꞉pi tle ha꞉ha꞉la natiwa. Epame buka hapulomaye gowalagowaladla natitepo Pasakalo Buka mape gowaladepo ella natiwa. Buka opi dulu dla opa hapulomata koko hapuloma meyelope meyelope dle halomha꞉ha꞉leye edla hatitimale haluwa. Epalati Godta buka etle ompolomama palli so koko hapulomaye gladuwa.

Bobotimatimale 20:4

Na꞉ matle toko ipo natitepo God yu mate epo Yesu Keliso koko mate imsiyamalati opata potimale so yia꞉ soko tlamuwa. Epame matle ulugiyemale alinepi tle yia꞉ do dla epo yia꞉ daptala dla ulu pohalomalalo wekele so yia꞉ soko ma tlamuwa. Yia꞉tapo ulugiyemale alinepi mate epo ya꞉ mila꞉pi sepele dlopi dota mita꞉ple mate dla heodepame posisiyemdena. Epapedeme yia꞉ta hapulomatapo ma pasakalo depame dokopala sota popa꞉lalo mo dla popa꞉la natiwa. Opa ewolo dla Godta ta꞉la so opa koko gladlowe itiyamale hamiwa. Epapedeme yia꞉tapo Keliso mate yimkata 1,000 sokomoko dulu dla ta꞉lamoye omha꞉ha꞉lepe.

Bobotimatimale 6:15

Epalati ta꞉lamo dokopala so hapuloma mate epo opahale dokopala so hapuloma mate epo alisisi poposatilimale so mate epo asiyama pa꞉le oko halalo so mate epo yia꞉ dokopala so mateta teiko dulu dla epo munamu dulu dla haohaodemyeuwa.

Bobotimatimale 7:3

“Wua꞉ ta꞉lamo mate kaula pato mate epo dalupa mate yipta bobtalimiya. Wua꞉ aseka me-ha꞉ha꞉lati di tatle God dla salladepo siyamalalo so opa hapuloma yia꞉ daptala dla ukule mate ulu hatitimtlowama. Dita yia꞉ dla ulu hatitimtepo gudlati wua꞉ alotle mosisita ta꞉lamo mate epo kaula pato mate epo dalupa mate bobtalimaiya,” duwa.