3 Yon 1:11 - Kamula

¹¹ Epapedeme namkale, batalimale oplami koko natipame ya꞉ koko dolumiya. Amasiyama koko adi tlo ka꞉deta꞉, etlo halomhalane. Oplami antapo ka꞉ka꞉dle koko tlo halomhalema꞉, ya꞉ye God mate hatlope depo halapo. Amasiyama oplami antapo batalimale koko halomhalema꞉, ya꞉ye God koko yeliyepo halapo.

3 Yon 1:11 Iomraidhean Croise

Ka꞉dle molo atlale yu Yonta ilimale 10:27

Epedeme na꞉ sipi aliya halotapo na꞉ yuye dalemdepo. Epame na꞉ mape yia꞉ye na꞉malamana. Epedeme yia꞉tapo na꞉ye dolumdepo.

Ka꞉dle molo atlale yu Yonta ilimale 12:26

Epedeme oplami antapo na꞉ oko halowe solotamelepiye, ya꞉ na꞉ dolumpulupe. Epelepiye, oplami etapo na꞉ta hallowe mo dla ya꞉ mate hallepe. Epedeme na꞉ oko halalo oplami dla na꞉ Atapo siyemhalapo.

Ka꞉dle molo atlale yu Yonta ilimale 3:20

Epapedeme batalimale koko halomha꞉ha꞉lalo soye hela꞉dle allimama hela꞉dle dla puluweye sikemte wowota꞉mdepo. Adipalati, hela꞉dletapo yia꞉ta batalimale koko halomha꞉ha꞉leye haliyamale dla nati-ilala depame.

1 Kolin 11:1

Na꞉tapo Keliso koko natipame dolumtaye, wua꞉ ma epammama na꞉ koko natipo dolumaiya.

1 Kolin 4:16

Epapedeme wua꞉tapo na꞉ koko natipame dolumelepo depame na꞉tapo koko iye wua꞉ dla atlema.

Epeses 5:1

Wua꞉ye God ya꞉ akimlala depo ha꞉ha꞉po. Epame Godtapo wua꞉ye bokotiyapo malamhalapo. Epapedeme wua꞉ God koko natipame ya꞉ta hala epo ha꞉ha꞉iya.

Pilipi 3:17

Namkadulo, ka꞉dena, wua꞉tapo na꞉ta haluwa pasakalo natipame dolumoloweye. Epame mikadepe dle so opa opita di koko natipo dolumha꞉ha꞉ye, wua꞉ ma ewolo pasakalo natipame yia꞉ dolumaiya.

1 Tesalonika 1:6

Epame wua꞉ta di koko natipo di dolumama Lod dolumuwapo. Epame wua꞉ta ka꞉dle yu dalepo hapame wotiyalle dulu dla ha꞉ha꞉lati Hela꞉dle Sokota siyeleye wua꞉ dla hamiwapo. Epalati wua꞉tapo siyele mate ka꞉dle yu eye hauwapo.

1 Tesalonika 2:14

Epedeme mikadepe dle so namkadulo, mo-wua꞉malamana, Yu sota Yudiya mo dla Yesu Keliso dla mikadepe dle so watle wotiyalle hapimduwaye. Epammama epapele kokota wua꞉ dla mo-woyamama mo-wua꞉ abo sotapo wua꞉ dla wotiyalle ma-hapimduwapo.

2 Timoti 3:10

Epedeme Timoti, wa꞉ mo-wa꞉malamana, na꞉ta imuwa kokoye, epame na꞉ta haluwa kokoye, epo na꞉ta solotapame mala tauwa kokoye, epame na꞉ta mikadepe dle kokoye, epo na꞉ta sadle mate bokotiyapo malamhaluwa kokoye. Epame wa꞉ ma me-daluwapo, na꞉tapo Antiyoka mo dla epo Ikoniyom mo dla epo Listla mo dla wotiyalle koko dulu dla kokalepo me-haluwaye. Na꞉ wotiyalle koko hapuloma dulu medla me-haluwapo, amasiyama Lodtapo na꞉ye wotiyalle koko dulu etle seme alikili dla woyamuwapo.

Hibulu 6:12

Epedeme wua꞉ta ipapelepiye, eta wua꞉ta mikadepe dle dulu dla hohopeyalimale mate poha꞉ha꞉lowa. Amasiyama wua꞉ mikadepe dle tle God dla pasakalo halowedeme dalemha꞉ha꞉mama omha꞉ha꞉ sota koko halomha꞉ha꞉ natipame dolumaiya.

1 Pita 3:11

Epame ya꞉ ka꞉dena, ya꞉ta batalimale koko halomhalaye memelepame matle ka꞉ka꞉dle koko tlo halomhalloweye. Epame ya꞉tapo yimkadulo mate woloma sadepo hallowe kokoye totamelepe.

1 Pita 3:13

Epedeme ka꞉ka꞉dle koko halomhalalo so, wua꞉ dla antapo wotiyalle hamipa꞉?

1 Yon 2:29

Di Godye isikimi ka꞉ka꞉dle koko tlo halomhalemde dlepiye, eta di malamelepe, ka꞉ka꞉dle koko halomalalo soye God ya꞉ akimlalapo.

1 Yon 3:10

Epapedeme ipapele koko tle ditapo God ya꞉ akimlala mate Saiten ya꞉ akimlala mate malanatimha꞉ha꞉po. Oplami antapo ka꞉ka꞉dle koko pohalomalalo halemama ya꞉mkale mikadepe dle oplamiye pobokotiyapo malamalalo hallepiye, ya꞉ye po-God yami.

1 Yon 4:1

Mikadepe dle so namkadulo, wua꞉ wolomape! Adipalati, biskapa God yu molo atlamalalo so hapuloma watapo ta꞉lamo pato dla ma-siyamapo. Epedeme oplami haleta puame wua꞉ dla atlemama, “Na꞉ta imale koko hamsela꞉ iye Soko tle puma,” dlati wua꞉ yipta ya꞉ yu dalepame ya꞉ dla tulumiyo. Amasiyama wua꞉ ya꞉ta imale hamsela꞉ye ikadepe God tle puma꞉ depame ya꞉ye woloma heheletimelepe.