2 Timoti 3:9 - Kamula

⁹ Yia꞉ta mikadepe dle kokota epo puame sukastlati ma asiyama yia꞉ batalimale kokota haliyamale dla botomastlepe. Adipalati, Yanes mate epo Yambles mate mape yia꞉ ma mepapuwapo.

2 Timoti 3:9 Iomraidhean Croise

Ekesedes 7:11

Epela natipame asiyama Pelotapo ya꞉ osolo watalo so opa sisilamaiyo. Epalati yia꞉tapo puame yia꞉ osolo mate ulugiyemale koko halomama yia꞉ dali kuye polollati ilama yiyeiyo. Amasiyama A꞉lon ya꞉ ilamatapo osolo watalo so yia꞉ ilama hapulomaye gola꞉gola꞉diyo.

Ekesedes 9:11

Epapele dulu dla osolo watalo sotapo ma Moses hala dla puluweye po-ala꞉iyo. Adipalati, yia꞉ mape soseta sikemte yulumaiyo.

Ka꞉dle molo atlale yu Lukta ilimale 6:11

Epapalati Pa꞉lisi so mate aiyalma imalalo so mate koko i natipame sikemte siyalasiyalademama yiskamu yia꞉ dulu dla Yesuye adipo hampo yumpa꞉ dle kokoye esemyaiyo.

Taiya dle so 13:11

Epedeme watapo Lodta wa꞉ watle batalimale asiyama hamimama wa꞉ inoma dapiyamteye kokowelepe. Epalati wa꞉ta alila opi dulu dla salita hela꞉dle ponatilowa,” diyo. Epalati oloma edla amtuwaleta ya꞉ inoma dla bodlati ya꞉ inomata mo-kokoweiyo. Epapalati ya꞉tapo oplami hale ya꞉ api imtlowe totamsela꞉iyo.

2 Timoti 3:8

Epedeme ka꞉yapa Yanes mate epo Yambles mate Mosesye sikemte alimha꞉ha꞉uwapo. Epapedeme ma mosukulu alila dla ha꞉ha꞉lalo sotapo ikadepe kokoye ma yia꞉ta mepo alimha꞉ha꞉lepe. Adipalati, yia꞉ta malamaleye mo-batalipo hamastlati yia꞉ta mikadepe dle kokotapo mo-puame sukastlepe.