2 Timoti 3:10 - Kamula

^10-11 Epedeme Timoti, wa꞉ mo-wa꞉malamana, na꞉ta imuwa kokoye, epame na꞉ta haluwa kokoye, epo na꞉ta solotapame mala tauwa kokoye, epame na꞉ta mikadepe dle kokoye, epo na꞉ta sadle mate bokotiyapo malamhaluwa kokoye. Epame wa꞉ ma me-daluwapo, na꞉tapo Antiyoka mo dla epo Ikoniyom mo dla epo Listla mo dla wotiyalle koko dulu dla kokalepo me-haluwaye. Na꞉ wotiyalle koko hapuloma dulu medla me-haluwapo, amasiyama Lodtapo na꞉ye wotiyalle koko dulu etle seme alikili dla woyamuwapo.

2 Timoti 3:10 Iomraidhean Croise

Ka꞉dle molo atlale yu Lukta ilimale 1:3

Epedeme na꞉ ma koko hapuloma eye na꞉ta woloma kotiyamale tle malastademe na꞉ mape yu iye woloma ilima. Epapedeme Tiyopoles namkale, wa꞉ta daluwa koko eye wa꞉ta woloma ikadepe koko dlepo depame na꞉ta wa꞉ watle yu ilimale iye hamima.

Taiya dle so 11:23

Banabasye ka꞉dle oplami halaiyo. Ya꞉ mikadepe dle kokalle halemama Hela꞉dle Sokota pasatepo halaiyo. Epapeleye ya꞉ tame Antiyoka dla woyamalati Lodta gadleye opa dulu dla natipame sikemte siyeiyo. Epame yia꞉ watle gadle yu atlaiyo, yia꞉tapo Lod dulu dla ha꞉ha꞉mama kokalepo ha꞉ha꞉lepo depame. Epalati mikadepe dle sota ma-ta꞉mtaiyo.

Taiya dle so 2:42

Epo yia꞉ yú dla tutula꞉pame alila hapuloma dulu dla yimkata alupame Taiya dle sota imalati woloma ka꞉pi dalemdiyo. Epammama yia꞉ ma Lod malamale daya dlomsiyamama alila hapuloma inoma sumsiyamdiyo.

Taiya dle so 20:18

Epame Epeses sos dokopala sota ya꞉ hala dla pumullati ya꞉ta yia꞉ watle epo atluwa, “Wua꞉ mo-wua꞉malamana, na꞉ta alila hapuloma wua꞉ mate Asiya mo dla halemama koko halomhaluwaye.

Taiya dle so 26:4

Epapele dulu dla Yu so hapuloma me-yia꞉malamana, na꞉ta ka꞉yapa na꞉ opa dulu dla epo Yelusalem dla haluwa pasakaloye.

Loum 16:17

Epapedeme mikadepe dle so namkadulo, wua꞉ dulu dla opa duka hukullalo so mate epo mikadepe dle soye alikili a꞉ma elemtlalo so mateye woloma natiya. Adipalati, yia꞉tapo ikadepe koko wua꞉ta dalepame hamuwa kokoye yia꞉ e podolumasemde. Epedeme yia꞉ tle alikili a꞉ma potame ha꞉ha꞉iya.

2 Kolin 1:17

Epapele dulu dla koko iye na꞉ta mo-malapame yu me-himiwapo. Amasiyama na꞉ koko eye podolumana. Epapele koko tle wua꞉ta na꞉ye malamale tatlamalalo oplami depo malama꞉? Epame wua꞉ na꞉ye ta꞉lamo oplamita koko halowedeme yu hatitipame ma pohalomalalo wekemde oplami sepena dema꞉?

Epeses 4:14

Epapele dulu dla di matle dita mikadepe dle dulu dla yimlala yimka꞉sikili some poha꞉ha꞉lowa. Epame biskapa amko koko imale dalepame malamale potatlalimha꞉ha꞉lowa. Epame biskapa amko koko imalalo sota api meyelope meyelope dle tle dia꞉ye eleme tlowedeme apelepiye, di epalati yia꞉ podolumolowa.

Pilipi 2:20

Epele dulu dla na꞉ dla wua꞉ gadlowe oplami hale hawa ikadepe, hatlo Timotipo. Hatlo ya꞉tapo wua꞉ gadloweye sikemte solotama.

Pilipi 2:22

Epele dulu dla wua꞉ Timotita halale kokoye mo-wua꞉malamana. Ya꞉tapo maseyemalata ya꞉ a gademdiye epammama ya꞉tapo na꞉ta ka꞉dle yuye opa dla hamsela꞉lati na꞉ gademsela꞉uwapo.

1 Tesalonika 1:5

Adipalati, dita yu ka꞉dle wua꞉ dla hampuwaye isikimi yu siyapo pohampuana. Amasiyama itiyamale mate epo Hela꞉dle Soko mate wua꞉ dla hampuwapo. Epo di mape ka꞉dle yu iye sikemte mikadepe depo malamama wua꞉ dla impuwapo. Epapedeme dita wua꞉ gadlowedeme wua꞉ mate ha꞉ha꞉uwaye, wua꞉malamana.

1 Timoti 1:3

Na꞉tapo Makedoniya mo dla tamhalemama wa꞉ye atluwapo, wa꞉tapo Epeses mo dla hallepo depame. Adipalati, wa꞉ta edla halemama opa opita God koko batalipo imsiyamaye humatlepo depame.

1 Timoti 4:6

Wa꞉tapo yu iye woloma mikadepe dle so opa dla imhallepiye, wa꞉ye Yesu Keliso ya꞉ oko oplami ikadepe ka꞉dleta apelepe. Epame wa꞉ta daya demhalemama itiyamale hamdiye, epammama wa꞉tapo ka꞉dle yu dla mikadepe dlowe kokoye dolumhallepiye, eta wa꞉ dla itiyamale hamilipe.

1 Timoti 6:11

Amasiyama Timoti, wa꞉ye God ya꞉ oplamipo. Epedeme wa꞉ batalimale koko hapuloma tle alikili dla woyapo halane. Epame wa꞉ God mila꞉pi tle ka꞉depo halemama ka꞉ka꞉dle koko halomhalane. Epame mikadepe dle koko dulu medla halemama yimkadulo sikemte bokotiyapo malamhalane. Epame wotiyalle koko hapuloma dulu dla kokalepo halane. Epame sadle mate halane.

2 Timoti 2:22

Epedeme wa꞉ amkoteta꞉le sota sikemte solotamde batalimale koko tle alikili dla woyapo halane. Epame ullu pa꞉po halemama mikadepe dle koko mate epo bokotiyapo malamolowe koko mate hallowedeme itiyamane. Epame dupa dulu tle God dla sisilamha꞉ha꞉ so mate sadepo halane.

2 Timoti 4:3

Adipalati, opatapo matle ka꞉dle yu imale dla dalla alliwe alilata pulupe. Epalati yia꞉tapo isikimi yia꞉ta solotamale koko siyapo tlo imalalo so opa yu dla sikemte dalemha꞉ha꞉lepe.

2 Timoti 4:7

Amasiyama na꞉ God okoye woloma ka꞉depo hampuame guduwapo. Epele dulu dla na꞉ta mikadepe dleye ala me-kokalepo halapo.

Taites 2:7

Epedeme Taites, wa꞉tapo amkoteta꞉le so opa dla ka꞉depo hallowe kokoye nati-iliwe ka꞉pi. Epame wa꞉tapo God yu atlemama woloma ka꞉pi imane.

Hibulu 13:9

Epapedeme biskapa koko imale meyelope meyelope dleta wua꞉ye eleme alikili dla tademiya. Amasiyama Godta bokotiyapo malamaleta wua꞉ dupa dulu dla itiyamale hamilalo hala diya. Adipalati, wua꞉ta daya dlomde dla aiyalma hatitimale kokotapo wua꞉ dupa duluye itiyamale pohamimhalasema. Ame adipalati, aiyalma e dolumalalo so dla aiyalma etapo yia꞉ pogademhalasema.

2 Pita 3:11

Epapedeme ka꞉e! Koko hapulomaye dlapata epo hamdepo hamastlepe dlepiye, wua꞉ ka꞉dena, aiyalma depo ha꞉ha꞉mama God mila꞉pi tle woloma ka꞉depo ha꞉ha꞉iya.